16.8 C
Осиповичи
Четверг, 17 июня, 2021
Еще

    Сельгасвытворчасць на Асіповіччыне. Платформа для кроку наперад

    Популярное

    2016-ты для сельскай гаспадаркі Асіповіччыны выдаўся няпростым: складаны зімовы стойлавы перыяд на фермах, засушлівая вясна, нялёгкія эканамічныя ўмовы ў шэрагу сельгаспрадпрыемстваў. Аднак, нягледзячы на ўсе цяжкасці, сельгасвытворчасць па большасці пазіцый выйшла з дадатным вынікам. Сёння разгорнутую характарыстыку году дае намеснік старшыні райвыканкама, начальнік упраўлення сельскай гаспадаркі і харчавання Дзяніс Захарчук:

    — Тэмп росту вытворчасці прадукцыі сельскай гаспадаркі летась склаў 114,9% пры заданні 105,5. Найбольш паспяхова заданне выканана ААТ “ЖорнаўкаАГРА” — 131,5, філіялам “Белшына-агра” ААТ “Белшына” — 129,8 і ААТ “Авангард-Ніва” — 123,3 працэнта. Вытворчасць асноўных відаў прадукцыі раслінаводства ў мінулым годзе да ўзроўню 2015-га выглядала наступным чынам: збожжа і зернебабовыя культуры — 102,4%, масланасенне рапсу — у 3,6 раза вышэй за папярэдні здабытак, цукровыя буракі — больш за 180%.

    Гаспадаркі вырашаюць многія вытворчыя задачы за кошт жывёлагадоўлі. Галоўная перавага гэтай прадукцыі — стабільнае паступленне сродкаў круглы год. Нездарма вытворчасць малака, яго таварнасць, якасць знаходзяцца на штодзённым кантролі ад сельгаспрадпрыемстваў да Мінсельгасхарчу. Гаспадаркамі атрымана 31980 тон малака — 101,4% да 2015 года. Дапамаглі раёну выйсці на гэту лічбу ў першую чаргу філіял “Белшына-агра”, дзе вытворчасць малака на ўзроўні 113,8%, ААТ “ЖорнаўкаАГРА” — 105,7, больш за 100 працэнтаў у заліку і ў ААТ “Ясень-АГРА”.

    Ад каровы надоена 4438 кілаграмаў малака — плюс 122. Найлепшы паказчык зноў жа ў філіяле “Белшына-агра” — 6328, што на 793 кілаграмы больш, чым у папярэдні перыяд. А вось змінусавалі ААТ “Заходні-Агра” (371 кілаграм), недабор ААТ “Асіповічыаграпрамтэхзабеспячэнне” (319), “Авангард-Ніва” (290).

    Таварнасць малака — 88,4%, самы нізкі гэты паказчык у ААТ “Заходні-Агра” — 82,3.

    Працаўнікі ферм сталі больш разумець, наколькі выгадна атрымліваць менавіта якасную прадукцыю. Гатункам “экстра” было здадзена 67,1% ад рэалізаванага — удвая больш, чым у 2015-м. Сярэдні кошт прынятага перапрацоў-шчыкам малака склаўся на ўзроўні 487,6 рубля за тону.

    Асноўны ж накірунак у зніжэнні сабекошту прадукцыі жывёлагадоўлі, забеспячэнні яе эфектыўнасці і нарошчванні тэмпаў росту — стварэнне ўмоў для вытворчасці ў адпаведнасці з тэхналагічнымі патрабаваннямі і строгая дысцыпліна па іх выкананні.

    Самы важкі колас летась вырасцілі працаўнікі філіяла “Белшына-агра” ААТ “Белшына” — кожны гектар ніў у сярэднім даў аддачу ў 39 цэнтнераў. Увогуле ж вал збожжа і зернебабовых, атрыманых раёнам, склаў 20979 тон. Пазалеташнія паказчыкі былі дасягнуты, аднак мы разумеем, што такі здабытак — далёка не мяжа магчымасцей асіповіцкіх аграрыяў.

    Год быў адметны добрым ураджаем кукурузы. Атрымана зерня культуры амаль 3 тысячы тон пры ўраджайнасці 82 цэнтнеры з гектара. Ня-дрэнна ўрадзілі цукровыя буракі: 330 цэнтнераў з гектара. На буракапрыёмны пункт гаспадаркамі раёна здадзена 17 тысяч тон салодкіх караняплодаў, што значна больш, чым у мінулым сезоне.

    Летась сабрана 161 тона насення шматгадовых траў — такі ўзровень быў і раней. А вось адналетнія парадавалі: паказчык перавышае папярэдні ў 4 разы. Маем 77 тон проса, 8 — пайзы, 51 — рэдзькі алейнай, 16 — грэчкі, 22 — суданскай травы. Насенне пойдзе для стварэння шматкампанентных пашаў, перазалужэння існуючых. Здабыткаў хопіць і для ўласных патрэб, і на рэалізацыю.

    Эфектыўна прайшла ў раёне корманарыхтоўка. На зімоўку 2016-2017 года нарыхтавана 55,4 тысячы тон кармавых  адзінак — 37,7 цэнтнера кармавых адзінак на галаву, што на 10,7 больш, чым пазалетась. Самую надзейную базу стварылі аграрыі філіяла “Белшына-агра” ААТ “Белшына” і ААТ “ЖорнаўкаАГРА”. Значную ўвагу летам на-дзялілі нарыхтоўцы па новых тэхналогіях. Запасы кармоў у палімернай плёнцы складаюць 12805 тон — 191% да абласнога задання, лепшы паказчык на Магілёўшчыне.

    Новым крокам у жывёлагадоўлі стаў пераход на тэхналогію па індывідуальным утрыманні маладняку буйной рагатай жывёлы да 75-дзённага ўзросту з прымяненнем схемы кармлення камбікормам КР-1. Згодна з тэхналогіяй, у тры месяцы цяля павінна важыць 100-110 кілаграмаў, а ў паўгода — 180-190. Перад гаспадаркамі зараз стаіць важная задача выйсці на 100% па колькасці буйной рагатай жывёлы. Пакуль жа мы адчувальна мінусуем.

    Раён мае пэўныя рэзервы па вытворчасці малака. Напрыклад, сёлета плануецца ўвядзенне ў эксплуатацыю трох малочных залаў — у ААТ “Авангард-Ніва”, “ЖорнаўкаАГРА” і “Ясень-АГРА”. А гэта значыць, штодня будзем яшчэ дадаткова атрымліваць па 2-2,5 тоны “белага золата”.

    З цягам часу ўсё большую ўдзельную вагу набіраюць у нас фермерскія гаспадаркі. Значны ўклад у вал цукровых буракоў стабільна робіць “АграАўтаНова” Генадзя Вішнякова. Апошнім сезонам ураджайнасць буракоў на палях гэтага гаспадара дасягнула 450 цэнтнераў з гектара. Актыўна развіваецца жывёлагадоўля ў “АзБел-Фартуне” — тут ужо тры сотні авечак. Раён цесна супрацоўнічае з новым прадпрыемствам — ААТ “Сельгасінвест”, якое актыўна рэалізуе бізнес-праект на нашых землях. Сёлета гэтае акцыянернае таварыства мае намер зрабіць адчувальны ўклад у сельскагаспадарчы вал Асіповіччыны.

    У раёне вядзецца мэтанакіраваная кадравая работа. Сітуацыя ў плане камплектацыі арганізацый АПК кадрамі спецыялістаў станоўчая — забяспечанасць 97%. I гэта лічба адна з лепшых у вобласці. Спадзяёмся, з цягам часу будзе больш замацоўвацца на вёсцы моладзь — для гэтага робіцца нямала.

    У заўтрашні дзень асіповіцкай сельгасвытворчасці можна глядзець смела, а платформа для будучых здабыткаў якраз і была створана ў мінулым годзе. Вялікі дзякуй за шчырую працу ўсім працаўнікам галіны, хто не пабаяўся звязаць свой лёс з такой няпростай, але важнай справай — сельскай гаспадаркай.

     

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    «Чароўная граніца». Смотрим видео и наслаждаемся красотой Беларуси

    Государственный пограничный комитет Республики Беларусь совместно с фолк-этно группой PANI malala создали проект «Чароўная граніца».

    В Осиповичском районе идет заготовка кормов

    У сельгаспрадпрыемствах раёна адказная пара — на сенажацях разгарнулася касавіца

    В Осиповичах молодые военнослужащие приняли присягу

    Мінулай суботай у часцях Узброеных Сіл краіны ваенна-служачыя, прызваныя на тэрміновую службу, прымалі прысягу. Што незвычайна — маладое папаўненне ўдзельнічала ва ўрачыстай цырымоніі ў новай параднай форме, відавочнае адрозненне якой — галаўны ўбор. Гэта берэт цёмна-аліўкавага колеру.

    Кино, которого уже никогда не снимут

    Накануне 80-й годовщины начала Великой Отечественной войны есть повод вспомнить о кинофильмах, изображающих боевые действия в очень необычном ракурсе

    Фотозагадка для осиповчан

    Фотозагадка "А из нашего окна площадь Красная видна! А из вашего окошка только улица немножко" — с детства помним эти строки из стихотворения Сергея Михалкова....