КАР

Святлафоры на сонечных батарэях з’яўляюцца на пешаходных пераходах у райцэнтры. Першыя з іх ужо ўсталяваны на вул. Юбілейнай, насупраць рэстарана “Пралеска” і побач са стадыёнам “Алімпіец”. Аднасекцыйныя святлафоры міргаюць толькі жоўтым святлом, папярэджваючы вадзіцеляў пра тое, што побач “зебра“, і гэта асабліва важна ў цёмны час сутак.

Змяніліся нумары тэлефонаў Асіповіцкага раёна газазабеспячэння філіяла "Бабруйскае вытворчае ўпраўленне": з 12 кастрычніка тэлефанаваць у прыёмную варта па тэл. 50-984 (тэл./факс) ці 56-787; начальніку — 56-829; галоўнаму інжынеру — 56-824; у бухгалтэрыю — 27-426; стол заказаў — 56-819 (тэл./факс); службы: унутрыдамавога газавага абсталявання — 56-843, уліку расходу газу (прамысловасць) — 56-782 (тэл./ факс), уліку расходу газу (насельніцтва) — 56-852 і 52-017 (тэл./факс). На гарачую лінію і ў службу "адно акно" можна звярнуцца па нумары 56-876. Увага: з 9 па 12 чысло магчымы перабоі тэлефоннай сувязі. У сувязі з завяршэннем рэканструкцыі вытворчай базы, у тым ліку і адміністрацыйнага будынка, з панядзелка прыём грамадзян бу-дзе зноў весціся па звыклым адрасе: вул. Крыловіча, д. 7.

Канцэрт народнага духавога аркестра “У стылі рэтра” адбудзецца 3 кастрыч-ніка ў 11.00 на адкрытай пляцоўцы каля РЦК. Запрашаюцца ўсе жадаючыя.

Каля 120 прышчэпак супраць шаленства сабакам і амаль 75 — кошкам зрабілі спецыялісты гарадской ветэрынарнай станцыі ў жніўні. Супраць іншых вірусных захворванняў за той жа месяц прышчэплена 150 і 45 сабак і кошак адпаведна.

У фізкультурна-аздараўленчым комплексе “Жемчужина” ў жніўні было 6 857 наведванняў. З іх 4 850 прыйшлося на аквазону, 1 024 — аквазону з басейнам, 446 — толькі басейн, 228 — трэнажорная зала, 309 — іншыя віды паслуг.

Уборка збожжа на прыватных участках жыхароў Асіповіччыны працягваецца. Усяго “асабістых ніў” у раёне налічваецца 362, а займаюць яны 55 гектараў. Найбольш участкаў у Дараганаўскім, Дрычынскім і Лапіцкім сельсаветах: 92, 55 і 34 адпаведна. Дапамогі ад сельгаспрадпрыемстваў у абмалоце каласоў чакаюць гаспадары Дараганаўскага і Ясенскага, на астатняй тэрыторыі зерне ўжо ў засеках вяскоўцаў.

“Будзь прыкладам свайму дзіцяці!” — сёння Дзяржаўтаінспекцыя праводзіць адзіны дзень бяспекі дарожнага руху.

У Ялізаўскім сельсавеце за 7 месяцаў бягучага года зарэгістравана 10 шлюбаў. За гэты ж час нарадзілася 11 дзяцей. Колькасць насельніцтва за студзень-ліпень павялічылася на 18 і склала 2 549 чалавек. Для параўнання: за ўвесь папярэдні год у пасёлку з’явілася 15 нованароджаных. Летась налічвалася 31 мнагадзетная сям’я, сёлета іх стала на дзве больш. Найбольшую сярод пасялкоўцаў колькасць хлопчыкаў і дзяўчынак — васьмёра — нарадзіла і выхоўвае Алена Галавенская.

16 маршрутаў па горадзе праязджаюць аўтобусы Асіповіцкага філіяла Аўтапарк № 19 ААТ “Магілёўаблаўтатранс” на працягу тыдня, што складае ў сярэднім каля 187 рэйсаў у дзень па буднях і 114 — па выхадных. Абслугоўваюць райцэнтр 13 аўтобусаў. Што тычыцца прыгарада, то тут 7 аўтобусаў здзяйсняюць 30 маршрутаў: у сярэднім 40 рэйсаў у працоўныя дні і столькі ж — у выхадныя. Усяго ў аўтапарку працуе 39 вадзіцеляў.

Да ўдзелу ў агульнарэспубліканскай творчай акцыі “За што я люблю родную зямлю”, прымеркаванай да Дня беларускага пісьменства, які пройдзе ў Бялынічах 6 верасня, запрашае Нацыянальная акадэмія навук. Творчыя работы, у якіх адлюстраваны дасягненні ў развіцці асобных мясцовасцей, увасоблены пачуццё гонару за сваю малую радзіму і любоў да яе гераічнага мінулага і славутага цяперашняга, чакаюць па 23 жніўня.

Адзіны дзень бяспекі дарожнага руху “Выбіраем бяспечную хуткасць” сёння праводзіць ДАІ РАУС.

Акцыя “За моцную і спартыўную Беларусь”, арганізаваная сектарам культуры райвыканкама пры падтрымцы раённага камітэта грамадскай арганізацы “БРСМ”, пройдзе заўтра з 14.00 да 16.00 у гарадскім парку горада. У праграме — флэшмоб “За Беларусь!”, танцавальны марафон “Мы маладыя”, свята фарбаў “Рознакаляровы свет ад “БелХолі”. Запрашаем!