9.4 C
Осиповичи
Пятница, 7 октября, 2022
Еще

    Асіповічы: коратка аб рознымм

    Популярное

    У раённым краязнаўчым музеі ў рамках традыцыйных Духоўных сустрэч заўтра а палове дванаццатай адбудзецца мерапрыемства, прысвечанае Пакровам Прасвятой Багародзіцы. Пры садзейніцтве дабрачыннага Асіповіцкай акругі Васілія Белавуса гутарку з праглядам відэаматэрыялаў правядзе настаяцель храмаў у Прошчы і Дараганаве іераманах Максім (Юндзіл). Перад прысутнымі выступяць выхаванцы музычнай школы з Пратасевічаў і ўзорнага дзіцячага тэатра пад кіраўніцтвам Iрыны Церабільнік, майстар пескаграфіі Алена Ерашэвіч. Пройдуць майстар-класы, адбудзецца выстава ікон.

    Натарыяльная кантора сёння праводзіць бясплатную кансультацыю грамадзян, прымеркаваную да Дня маці.

    Працягваецца вакцынацыя супраць грыпу. Прышчапіцца можна ў кабінеце № 113 райпаліклінікі з 8.30 да 14.30, працэдурным кабінеце № 58 з 14.00 да 18.30, у суботу  тут жа — з 8.00 да 13.00. Перад гэтым неабходна атрымаць у доктара допуск на прышчэпку. За сродкі рэспубліканскага бюджэта ўжо прышчэплена 2983 чалавекі, з якіх дзяцей — 245, дарослых — 2738.

    У другім адборачным этапе ХV Міжнароднага дзіцячага конкурсу “Музыка надзеі”, I тур якога праходзіў у Магілёве, удзельнічалі і 2 нашы юныя скрыпачкі — вучаніцы ДШМ №1 Ксенія Рашэтнікава (настаўнік Зоя Сцепанян)  і ДШМ №2 Паліна Луфер (Валянціна Андрэева). Апошняя прадставіць вобласць на заключным этапе, які пройдзе ў пачатку снежня ў Гомелі.

    15 кастрычніка — Міжнародны дзень чыстых рук. Ён ставіць мэтай прыцягнуць увагу людзей да своечасовага і правільнага мыцця рук — працэдуры, што не толькі абараняе ад захворванняў, але і прыпыняе іх рост.

    У раённым цэнтры творчасці дзяцей і моладзі ў 221 групе дадатковую адукацыю атрымліваюць 3139 дзяўчынак і хлопчыкаў, якія займаюцца па 4 профілях: тэхнічным, мастацкім, грамадска-гуманітарным, турысцка-краязнаўчым.

    Райспажыўтаварыствам за сезон закуплена грыбоў і ягад на 58404 рублі: лісічак — 3,6 тоны, баравікаў — 25 кг, журавін — 20 тон, брусніц — 311 кг.

    ОСТАВЬТЕ ОТВЕТ

    Пожалуйста, введите ваш комментарий!
    пожалуйста, введите ваше имя здесь

    Реклама

    Последнее