Амаль 1800 тон перавезенага збожжа на жніўным рахунку вадзіцеля філіяла “Белшына-агра” ААТ “Белшына” Сяргея ВIк-торчыка. I гэта, безумоўна, яшчэ далёка не канчатковы вынік, бо ўборка хлеба ў гаспадарцы працягваецца. За дзень ён перавозіць 100-140 тон зерня. На свой МАЗ, якому 2 гады, не скардзіцца: тэхніка новая, паслухмяная. Сакрэт спраўнай работы машыны адзін — добрасумленнае абслугоўванне.
— Працаваць пачынаем гадзін у 7 раніцы, — расказвае Сяргей Сямёнавіч. — Пакуль камбайны не выйдуць у поле, возім падсушанае і ачы-шчанае збожжа з зернятока ў Вязаўніцы на Асіповіцкі вытворчы ўчастак ААТ “Бабруйскі КХП”. Як толькі камбайны ад-праўляюцца на ніву, трэба быць напагатове, каб своечасова падставіць кузаў пад зерневы паток. Пра запаўненне бункера сведчыць спецыяльны сігнал, таму кожная хвіліна мае сваю цану.
Працуе ў філіяле Вік-торчык 7 га-доў. Аплата працы і арганізацыя работы задавальняюць. Безумоўна, прыходзіцца выкладвацца на ўсе сто. МАЗ заняты літаральна круглы год: то трэба развозіць кармы па фермах, то дастаўляць удабрэнні на палеткі, то вазіць пясок для будаўніцтва. Бываюць і розныя камандзіроўкі, напрыклад, за камбікормам. Ну а найбольш шчыльны графік вадзіцель мае ў час корманарыхтоўкі ды жніва. Зараз — самы адказны груз!
Валянціна КОРБАЛЬ.
ЭТО ТОЖЕ ИНТЕРЕСНО!
- 02.03.2015 Асіповіччына: заставацца сапраўдным авангардам
- 23.04.2015 Лёс жыхаркі Асіповіччыны Таццяны Ядрышнікавай заўсёды быў пераплецены з фермай
-
24.09.2012 Верасень — у Асіповічах час паспяховы
- 08.12.2014 Калгасы Асіповіцкага раёна — на шляху да перамен
- 17.11.2014 Асіпаўчане, а вы ведаеце пра сінюю бульбу?
- 13.01.2014 Асіповіцкія механізатары спаборнічалі ў майстэрстве
Загрузка ...
