Адной з найбольш складаных праблем у арганізацыі бяспечнай для навакольнага асяроддзя ўтылізацыі адкідаў застаецца стварэнне эфектыўнай сістэмы перапрацоўкі другасных рэсурсаў. Прычына добра вядомая: “буксуе” свядомасць утваральнікаў бытавых адыходаў — яны абыякава адносяцца да сарціроўкі ўласнага смецця нават пры наяўнасці спецыяльных кантэйнераў. Канечне, нельга сказаць, што станоўчай дынамікі не назіраецца: летась жыхарамі краіны са-брана каля 600 тысяч тон разнастайнай другаснай сыравіны: адыходаў паперы, шклапластыку, тэкстылю, аўташын. У абсалютных лічбах гэта нямала: напры-клад, 323 тысячы тон макулатуры — эквівалент драўніны, якая расце на плошчы без малога ў 1.000 га, для перавозкі 164 тон сабранага шкла патрабуецца 4.100 таварных вагонаў, а 52 тоны адыходаў пластыку — гэта амаль 1,3 мільярда (!) ПЭТ-бутэлек.
Аднак, калі суаднесці ўзгаданыя лічбы з агульным аб’ёмам утвараемага смецця, уражанне будзе зусім іншым. У нашай краіне перапрацоўваецца толькі 15,6 працэнта камунальных адыходаў. Гэта значна больш, чым пяць гадоў назад (2010 год — 9 працэнтаў), але істотна меней, чым у краінах Еўропы (Германія — 63,8 працэнта). Праўда, нашы “прасунутыя” суседзі вядуць разлік эфектыўнасці выдзялення карыснай сыравіны крыху інакш, улічваючы кампаставанне арга-нічных адыходаў. Доля ж “традыцыйных” другасных рэсурсаў (паперы, шкла і г.д.) у Еўрасаюзе каля 28 працэнтаў.
Дзеючае пры Міністэрстве камунальнай гаспадаркі ДУ “Аператар другасных матэрыяльных рэсурсаў” прыйшло да высновы, што павысіць долю перапрацоўваемых другасных рэсурсаў можна, калі насельніцтва будзе больш цэльна ўсведамляць, што на самай справе адбываецца з адсарціраванымі адыходамі, і пазбавіцца сумненняў у мэтазгоднасці асабістага ўдзелу ў гэтай справе.
На думку камунальнікаў, паўплываць на свядомасць суайчыннікаў здолее разгорнутая ў лютым бягучага года інфармацыйная кампанія “Перапрацоўка ў Беларусі ёсць!”, якую вядзе грамадскі рух “Цэль 99” (http://target99.by/).
Мэтай новай суполкі эколагаў-аматараў з’яўляецца аб’яднаць як можна большую колькасць землякоў вакол агульнай ідэі: “Жадаеш, каб стала лепш вакол — рабі простую рэч: збірай асобна бытавыя адыходы”.
Адной з цікавых акцый грамадскага руху стала распаўсю-джванне па сацыяльных сетках спецыяльна знятых міні-фільмаў пра лёс другаснай сыравіны: шкла, паперы, пластыку. Знайсці іх у інтэрнэце можна пад меткай #переработка99.
Для “замацавання” атрыманых пры праглядзе ведаў “Цэль 99” прапануе карыстацца такім вось дапаможнікам:
ЭТО ТОЖЕ ИНТЕРЕСНО!
-
03.04.2014 Календарь основных дачных работ
-
07.04.2014 «Черняховского» в Осиповичах: планы VS реальность
-
21.12.2015 Социум и экология в Осиповичах. Сказано-сделано?
-
22.04.2016 Асіповічы: коратка аб розным
-
13.10.2014 Асіповічы. Абезжалезьваемся…
- 27.11.2015 Аграэкатурызм у Асіповічах
Загрузка ...
Новости Могилёвщины
