У раёне ўжо стала добрай традыцыяй ва ўрачыстай абстаноўцы праводзіць цырымонію ўзнагароджання выпускнікоў-медалістаў, якіх сёлета дзесяць: 9 “залатых” і 1 “сярэбраны”.
Эліна Кандоба, СШ №4
Анастасія Прановіч, СШ №4
Але 11 чэрвеня ў актавай зале райвыканкама ўшаноўвалі ўпершыню яшчэ і прызёраў чэмпіянату свету па тайландскім боксе-2014 — цяперашніх і былых навучэнцаў школ Асіповіччыны. Павіншаваць хлопцаў і дзяўчат прыйшлі дырэктары, педагогі, трэнеры гімназіі і сярэдніх і спартыўнай школ, іх бацькі і сябры, прадстаўнікі адміністрацыі раёна і Савета дэпутатаў, прадпрыемстваў і арганізацый, а таксама галоўны трэнер нацыянальнай зборнай каманды Беларусі па ўсходніх адзінаборствах Міхаіл Сцяпанаў.
Уладзіслаў Цвырко, гімназія
Віталь Андрушкевіч, гімназія
Анастасія Барысёнак, гімназія
Цырымонію ўзнагароджання адкрыў старшыня раённага Савета дэпутатаў Аляксандр Пузік, які ў прывітальным слове да выпускнікоў і спартсменаў пажадаў поспехаў на абраным шляху і адзначыў, што такая моладзь — сапраўдная каштоўнасць раёна і ўсёй краіны.
Анастасія Вятлужская, СШ №2
Надзея Яроміна, СШ №2
Аб выдатных дасягненнях сваіх выхаванцаў распавялі дырэктары гімназіі Святлана Мамсікава, СШ №№ 2, 3 і 4 Людміла Шэбаліна, Анатоль Шчамялёў і Ганна Маісеенка, Лапіцкай СШ Мікалай Пісьмянкоў і трэнер-выкладчык аддзялення кікбоксінга і тайландскага бокса ДЮСШ Сяргей Гідулян.
Таццяна Астаповіч и Марыя Бароніна, СШ №3
Вольга Чарнаморава, Лапіцкая СШ
Старшыня райсавета ўручыў учарашнім школьнікам медалі, а моладзі, якая ўжо атрымала свае заслужаныя ўзнагароды на чэмпіянаце свету ў Малайзіі, — Падзячныя лісты старшыні райвыканкама і грашовыя прызы ад ДЮСШ, майстру спорту Алене Ляшкевіч — Ганаровую грамату. Бацькі медалістаў, дырэктары ўстаноў адукацыі і «класныя» таксама атрымалі заслужаныя ўзнагароды, а медалісты і прызёры яшчэ і падарункі ад ГА “Белая Русь” з рук Наталлі Шаўчэнка, кіраўніка аддзела адукацыі, спорту і турызму райвыканкама і грамадскай арганізацыі. У сваім слове яна аддала належнае працавітасці і ўпартасці юнацтва, прафесіяналізму і цярпенню іх настаўнікаў і бацькоў і пажадала, каб і далейшы жыццёвы шлях таленавітых і моцных дзяўчат і юнакоў быў поўны перамог і размаляваны самымі яркімі фарбамі.
Чэмпіён свету па тайландскім боксе — Раман Доўнар (СШ № 1), сярэбраныя прызёры — Алена Ляшкевіч (былая выпускніца Пратасевіцкай СШ), Уладзіслаў Рагалевіч (СШ № 1), Анастасія Трухан (СШ № 3), Аляксей Узвараў (СШ № 3), бронзавыя — Павел Грышановіч (былы выпускнік СШ № 4), Данііл Чаропка (былы выпускнік СШ № 1) разам з Аляксандрам Пузікам, Наталляй Шаўчэнка, Міхаілам Сцяпанавым, дырэктарам ДЮСШ Сяргеем Пацкевічам і Сяргеем Гідулянам.