У лічбах
65% — такі паказчык па колькасці зжатых ніў дасягнуты асіповіцкімі аграрыямі па стане на ўчарашнюю раніцу. У агульным намалочана 17065 тон збожжа, сярэднераённая ўраджайнасць — 29,1 цэнтнера з гектара.
5571 тону зерня ўжо атрымалі працаўнікі філіяла “Белшына-агра” ААТ “Белшына”, 2711 — хлебаробы ААТ “ЖорнаўкаАГРА”, 2161 — ААТ “Авангард-Ніва”. Здабыткі з гектара ў названых гаспадарках наступныя: 42,8, 32,9 і 29,2 цэнтнера адпаведна. На другім месцы па ўраджайнасці знаходзіцца ААТ “Лапічы” — 34,4 ц/га.
і меркаваннях хлебаробаў
Руслан Ігруноў, памочнік камбайнера ААТ “Авангард-Ніва”, удзельнік маладзёжнага спаборніцтва:
— Сёлета скончыў Горацкую сельскагаспадарчую акадэмію па спецыяльнасці інжынер, размеркаваўся ў родную гаспадарку і адразу трапіў на жніво. Лічу такі расклад удалым: час, адпрацаваны на ніве, стане добрай практыкай. Некалькі тыдняў работы на камбайне дапамогуць падрабязна пазнаёміцца з гэтай тэхнікай.
Як працавалася ў дні, калі слупок тэрмометра перасягаў 30-градусную мяжу? У прынцыпе, дастаткова камфортна: камбайн асна-шчаны кандыцыянерам.
Гатовы да таго, што і бягучы тыдзень будзе напружаным. Чакае жняярку пшаніца. Па калоссі відаць, што аддача павінна быць добрай.
Калі на наступны год атрымаецца, то зноў з задавальненнем паўдзельнічаю ў маладзёжным спаборніцтве: гэта надае справе дадатковы інтарэс.
Загрузка ...
