Да новага навучальнага года засталося не так многа часу, таму бацькі пачалі актыўна наведваць гандлёвыя кропкі з мэтай купіць адзенне-абутак, канцылярскія тавары і іншую неабходную дробязь.
Ужо каторы год да паслуг пакупнікоў арганізоўваюцца “Школьныя базары”, якія дапамагаюць у зборах да 1 верасня. У Асіповічах такі кірмаш пачаў сваю работу на мінулым тыдні. Па традыцыі ён развярнуўся на цэнтральнай плошчы горада і сабраў за 2 дні не адню сотню пакупнікоў, якіх з задавальннем віталі гаспадары гандлёвых павільёнаў, прапаноўваючы швейныя вырабы, спартыўныя адзенне-абутакак, партфелі, рукзакі і іншыя суправаджальныя тавары.
— У кірмашы прынялі ўдзел каля дзясятка суб’ектаў гаспадарання, — гаворыць галоўны спецыяліст сектара гандлю і паслуг райвыканкама Ала Пінчук. — У іх ліку Асіповіцкі філіял ААТ “Магілёўсаюздрук”, “Гандаль”, райспажыўтаварыства, індывідуальныя прадпрымальнікі і рамеснікі. У сярэднім, каб падрыхтаваць да школы першакласніка, бацькам неабходна мець у кашальку ад 200 да 550 рублёў, старшакласніка — да 670. Кошт тавараў на школьных базарах вар’іруецца прыкладна ў такіх жа цэнавых дыяпазонах, што і на рынку. Бацькам зручна рабіць пакупкі падчас такой формы абслугоўвання — тут працуюць і палаткі з неабходнай для школьнікаў друкаванай прадукцыяй. Словам, можна ў адным месцы і купіць сшыткі, дзённікі, атласы, контурныя карты, і апрануць-абуць дзіця. Школьны базар працягне работу і 25-26 жніўня, так што прыходзьце за пакупкамі!
Ніна ВIКТОРЧЫК. Фота Ніны ЦАРЫК.
Вниманию жителей и гостей города Осиповичи!
25 и 26 августа на центральной площади города состоятся ярмарки «Школьный базар-2017» по продаже товаров школьного ассортимента с участием субъектов торговли всех форм собственности и предприятий-товаропроизводителей.
Приглашаем школьников и родителей посетить школьные базары.
Время проведения школьных базаров — с 10.00 до 18.00 часов.
