Наш адрес: г. Осиповичи, ул. Сумченко, 55.

Асіповіцкі ДУКВП «Водаканал»: з імкненнем да здароўя

Опубликовано: Инна ЗАСКЕВИЧ

Среда, 12.04.2017 12:03. Рубрика: Прадпрыемствы, Спорт  Tags: , ,   

Калі заканчваецца рабочы дзень, не ўсе працаўнікі АДУКВП “Водаканал” спяшаюць дахаты. Некаторыя накіроўваюцца ў фізкультурна-аздараўленчы комплекс прадпрыемства, каб атрымаць там зарад бадзёрасці і дастатковую фізічную нагрузку.

У гэтым будынку ёсць трэнажорная зала, абсталяваная сілавой станцыяй, турніком і вялікай колькасцю трэнажораў. Кожны з наведвальнікаў можа выбраць сабе “машыну здароўя”, якая падкачае патрэбную групу мышцаў. А інструктар-метадыст Ілля Комлік падбярэ неабходную нагрузку.

Займаюцца наведвальнікі і фітнэсам, стэп-аэробікай. А яшчэ з задавальненнем гуляюць у настольны тэніс. Некаторых жа вабіць зялёнае сукно більярдных сталоў, за якімі вечарамі разгортваюцца сапраўдныя баталіі — непераўзыдзеным майстрам гэтай гульні тут лічаць Андрэя Амяльянчыка.

Працуе ФАК і ў суботу. Тады працаўнікі камунальнай арганізацыі наведваюцца сюды цэлымі сем’ямі, што толькі садзейнічае іх яднанню і дадае станоўчых эмоцый. А ўмовы тут цудоўныя. Абсталяваны санітарныя пакоі з душавымі кабінамі, раздзявалкі, зручныя залы для заняткаў.

Комплекс пачынае працаваць а трынаццатай гадзіне апоўдні. Менавіта тады ў “трэнажорку” спяшаюць інжынерна-тэхнічныя работнікі, каб на абедзенны перапынак змяніць від дзейнасці з разумовай на рухомую. А прадстаўнікі моцнага полу ў гэты час ахвотна заганяюць у лузу шары.

Заканамерна, што “Водаканал” дастойна ўдзельнічае ў штогадовай галіновай спартакіядзе — сёлета заняў другое агульнакаманднае месца. Любяць камунальнікі і дартс. У трапнасці пападання ў мішэнь няма роўных Галіне Новік. А Юрый Барсукоў — лепшы ігрок у настольны тэніс. Ганарацца і плаўчыхай Таццянай Паўловіч, чэмпіёнам жа па лёгкай атлетыцы лічаць Андрэя Пацкевіча. Ёсць у калектыве і аматары гульні ў шашкі, штурхальнікі ядра. Напрыклад, Наталля Жураўлёва. Цягнецца да цяжкай атлетыкі і выконваючы абавязкі дырэктара Дзмітрый Белы.

Ілля сведчыць, што фізкультурай займаецца не толькі моладзь, але і ветэраны. Напрыклад, Кацярына Мікалаеўна Дудко. Калі прааналізаваць фізічную актыўнасць усіх структурных падраздзяленняў, самыя большыя прыхільнікі заняткаў — ІТР і будаўнікі.

— Працаўнікі “Водаканала”, якія займаюцца пастаўкай вады насельніцтву, не могуць не займацца пажарна-прыкладным спортам, — адзначае ён. — І, безумоўна, таксама займаюць прызавыя месцы на спаборніцтвах.

Радуючыся поспехам і дасягненням, калектыў працягвае рух наперад. Напрыклад, сёлета плануецца павесіць баксёрскую грушу. А яшчэ сталяры вырабляюць масажны стол, так што хутка работнікі змогуць праходзіць курсы аздараўленчага масажу — лічыце, на рабочым месцы. У задумках і правядзеннне турніру па більярду імя Ігара Трацяка — былога кіраўніка, які многія гады быў заўзятым іграком і па ініцыятыве якога і ўзнік ФАК.

Галоўнае фізкультурна-аздараўленчае дасягненне прадпрыемства ў тым, што ўсе паслугі гэтага комплексу прадастаўляюцца бясплатна. Вось такім чынам тут вядзецца прапаганда здаровага ладу жыцця, рухомай актыўнасці і карыснага баўлення вольнага часу. Падобным клопатам аб сваіх работніках можа пахваліцца далёка не кожнае прадпрыемства…

Іна ЗАСКЕВІЧ. Фота Ніны Царык.

Твитнуть 0

Добавить комментарий

« 
 »