Наш адрес: г. Осиповичи, ул. Сумченко, 55. Электронная почта: [email protected]. Отдел рекламы: (02235) 57-0-87. Тел.-факс: (02235) 56-3-89

Ваенкамат Асіповіцкага і Клічаўскага раёнаў. Рэзервісты ў дзеянні

Опубликовано: Дмитрий САВРИЦКИЙ

Четверг, 23.02.2017 10:10. Рубрика: Армія  Tags:   

Адным з пунктаў плана цяперашняй вучэбна-баявой падрыхтоўкі стала праверка гатоўнасці часцей Узброеных Сіл, у ходзе якой праводзілася практычная пастаўка мабілізацыйных рэсурсаў у правяраемыя злучэнні.

Для ваенных камісарыятаў актыўная фаза ўдзелу ў праверцы настала адразу з яе пачаткам — напрыканцы студзеня. Сёння, калі неабходная колькасць рэзервістаў накіравана да месцаў нясення службы, можна падвесці пэўныя вынікі.

Апошні раз у такіх маштабах на Магілёўшчыне рэзервісты прызываліся ў 2006 годзе. Сёлета ваенкамат Асіповіцкага і Клічаўскага раёнаў павінен быў арганізаваць прызыў звыш 30 афіцэраў запасу і забяспечыць “асобны рэзерв”: каля 100 спецыялістаў, чые веды і вопыт маглі запатрабавацца ў любы момант. За рэдкім выключэннем, аб чым ніжэй, атрымаўшыя павесткі ваеннаабавязаныя аднесліся да ўдзелу ў мерапрыемствах прызыву добрасумленна, некаторыя нават з’явіліся на пункт прыёму асабовага саставу ва ўласнай форме і амуніцыі, а трое — Вячаслаў Саўдон, Дзмітрый Бурдо і Юрый Беспаяська — паспелі сабрацца ўсяго за паўтары гадзіны.

Большасці рэзервістаў пакінуць рабочае месца было няпроста — высакакласныя прафесіяналы неабходныя ў народнай гаспадарцы. Так, пад прызыў патрапіў амаль кожны трэці асіповіцкі інкасатар, шэраг кіраўнікоў мясцовых арганізацый і ўстаноў. Некаторыя ўвогуле паўсталі перад праблемай уласных спраў ці інтарэсаў дзяржавы, але выбар зрабілі не вагаючыся. Мікалай Савін, напрыклад, на момант пачатку мабілізацыйнай кампаніі знаходзіўся ў Расіі, дзе толькі-толькі ўладкаваўся на высокааплатную работу.

На агульным фоне адказнасці, арганізаванасці і, без перабольшвання, патрыятызму быў адзначаны толькі адзін выпадак, калі чалавек адмовіўся выконваць свой грамадзянскі абавязак. Што, дарэчы, лічыцца сур’ёзным парушэннем закона і прыраўнавана да крымінальнага злачынства і караецца ў судовым парадку.

Шырока распаўсюджаная зараз працоўная міграцыя вельмі ўскладніла работу сельсаветаў, у абавязкі якіх уваходзіла своечасовая дастаўка павестак прызыўнікам, а часам і арганізацыя перавозкі апошніх на месца збору. Найлепш з гэтай задачай справіліся Пратасевіцкі і Ялізаўскі сельвыканкамы.

Шчырая падзяка ўсім, хто добрасумленна выканаў падчас мабілізацыйнай кампаніі свой грамадзянскі доўг і службовыя абавязкі. І з Днём абаронцаў Айчыны супрацоўнікаў ваенкамата, усіх салдат, прапаршчыкаў і афіцэраў, якія служаць Радзіме сёння ці знаходзяцца ў запасе, ветэранаў Уз-броеных Сіл.

Мікалай ГОМАН,

ваенны камісар Асіповіцкага і Клічаўскага раёнаў.

Твитнуть 0

ЭТО ТОЖЕ ИНТЕРЕСНО!

Добавить комментарий

« 
 »