Кожны куток нашай краіны мае сваю самабытнасць і непаўторнасць, таму надзвычай важна не страціць перадаваемыя з пакалення ў пакаленне звычаі і традыцыі, захаваць моўныя, фальклорныя, этнаграфічныя і іншыя асаблівасці. Многае для гэтага робіцца навукоўцамі, настаўнікамі, работнікамі культуры, аматарамі-краязнаўцамі. Адна з форм такой руплівай працы — стварэнне этнаграфічных экспазіцый у школах, садках, музеях, Дамах культуры, прыватных сядзібах. На Асіповіччыне ў многіх сабраны розныя экспанаты, якія шмат чаго могуць расказаць. У тым ліку — чым займаліся нашы продкі, якімі прадметамі побыту карысталіся, у што верылі.
Прапануем нашым чытачам адправіцца ў завочнае падарожжа па родным краі і наведаць мясціны, дзе цікавяцца сваёй гісторыяй, выхоўваюць беражлівыя адносіны да мінулага, каб, як сказаў паэт Рыгор Барадулін, «І не страціць святое штосьці».
За калаўротам (прылада для механізаванага прадзення лёну і воўны ў хатніх умовах) і прасніцай (драўлянае прыстасаванне для мацавання кудзелі ў час прадзення воўны, льна, лянькі) вучаніца 10 класа Вікторыя Трэцякова.
СШ № 3. Этнаграфічны музей на базе школы пачаў стварацца ў 1992 годзе. Зараз у ім звыш сотні экспанатаў. Нязменная гаспадыня кутка скарбаў — настаўніца беларускай мовы і літаратуры Клаўдзія Жаўрыд. Музей уяўляе сабой сялянскую хатку з прадметамі побыту, зробленымі з дрэва, гліны, тканіны. Тут можна патрымаць у руках старадаўнія прас ці ліхтар, апрануцца ў колішнія строі, пакруціць кола калаўрота, папрасці кудзелю…
Ніна ВIКТОРЧЫК. Фота Ніны ЦАРЫК.
ЭТО ТОЖЕ ИНТЕРЕСНО!
-
31.03.2014 5 сакрэтаў добрага настрою ад дырэктара Ялізаўскага Дома культуры Анатоля Пятраева
-
06.11.2015 Шоу «Міс Асіповічы-2015» пачынаецца ў субботу
- 30.11.2015 Вольная борьба в Осиповичах
- 09.10.2015 Осиповичи: комсомол vs БРСМ. Кто круче?
-
05.11.2015 Конкурс «Міс Асіповічы»: знаёмцеся з канкурсанткамі!
- 03.01.2017 Асіповічы: «I не страціць святое штосьці»
Загрузка ...
