Галоўны воінскі рытуал — прысяга — адбыўся 13 снежня ў мясцовым гарнізоне. Сотні салдат тэрміновай службы восеньскага прызыву перад сваімі баявымі таварышамі, камандзірамі, ганаровымі салдатамі часцей, роднымі і сябрамі прамовілі: «Я, грамадзянін Рэспублікі Беларусь, урачыста клянуся…» і, прысягнуўшы на вернасць Радзіме, пад гукі марша з гонарам прайшлі па плацу.
Потым іх чакала надта прыемнае: здаць зброю і атрымаць першае звальненне — ля самых дзвярэй казарм хлопцаў ужо чакалі бацькі, сваякі і сябры. Каханыя дзяўчыны, матулі, бабулі абдымалі і цалавалі сваіх салдацікаў, а госці-мужчыны моцна паціскалі руку і па-сяброўску пляскалі па плячах маладых ваеннаслужачых, якія ўжо могуць выконваць сапраўдныя баявыя задачы. «Служы, каб мы табой ганарыліся», — калі не сказалі, то падумалі ўсе родныя прызыўнікоў. У добры шлях, хлопцы!
Фота Марыі ТАЛЕЙКА.
ЭТО ТОЖЕ ИНТЕРЕСНО!
- 12.12.2014 Осиповичи: с чего начинается армия?
- 19.11.2014 Легкой службы, осиповичские призывники!
-
19.11.2014 7 вопросов начальнику Осиповичского гарнизона
- 20.08.2014 В Осиповичский гарнизон прибыли молодые лейтенанты
-
08.10.2014 Знакомьтесь: Андрей Жидович
-
16.06.2014 Новобранцы Осиповщины приняли присягу (Июнь, 2014)
Загрузка ...
