Наш адрес: г. Осиповичи, ул. Сумченко, 55.

Стараста Невяроўскі

Опубликовано: Асiповiцкi Край

Понедельник, 3.03.2014 09:49. Рубрика: Людзі  Tags:   

Валерый Мелікавіч, які жыве ў аграгарадку Каменічы, адзін з самых актыўных стараст раёна, і дзякуючы яго грамадскай і прафесійнай дзейнасці ў многіх жыхароў змяніліся адносіны і да свайго дома, і да двара з прылягаючай тэрыторыяй.

Каменічы — адміністрацыйны цэнтр  СВК “Калгас “Новы шлях”, размешчаны ў 38 кіламетрах ад райцэнтра, тут жыве 386 чалавек, і 250 з іх — працаздольнага ўзросту. Старастай Невяроўскага выбралі агульным сходам жыхароў летам 2010 года, і ён аказвае даволі істотную і ў асноўным папераджальную дапамогу Градзянскаму сельсавету і выканкаму ў своечасовым вырашэнні практычна ўсіх праблем, якія патрабуюць умяшальніцтва мясцовай улады. Найперш — у падтрыманні парадку, добраўпарадкаванні вуліц, утрыманні ў належным санітарным стане прысядзібных участкаў. І ў тым, што менавіта гэты аграгарадок па выніках 2012 года заняў другое месца сярод лепшых населеных пунктаў Асіповіччыны, немалая заслуга якраз Валерыя Мелікавіча.

Суботнікі па навядзенні і падтрыманні парадку ў цэнтральным парку, на грамадзянскіх могілках і вайсковых пахаваннях, тэрыторыях агульнага карыс-тання каля пустуючых хат, кантроль за своечасовым падкошваннем пустазелля — гэта далёка не поўны пералік, чым займаецца стараста. А хіба без настойлівай работы Невяроўскага 83,8% вяскоўцаў заключылі б індывідуальныя дагаворы на вываз цвёрдых бытавых адыходаў?

Сам Валерый Мелікавіч, дарэчы, індывідуальны прадпрымальнік — забяспечвае жыхароў аграгарадка і блізкіх вёсак прадуктамі харчавання і таварамі штодзённага попыту, так што назва магазіна — “Вашы запыты” — цалкам адпавядае дзейнасці чалавека. Які ў дадатак яшчэ і многім вясной-восенню дапамагае сваім трактарам у апрацоўцы зямлі, нарыхтоўцы гародніны і г.д.

Дык ці варта здзіўляцца, што за такую актыўную жыццёвую пазіцыю ён карыстаецца сапраўдным аўтарытэтам у людзей?

Твитнуть 0

Добавить комментарий

« 
Железная дорога в Осиповичах: когда в товарищах согласье есть »