РАУС

З 16 па 22 ліпеня зарэгістравана 8
супрацьпраўных дзеянняў: крадзяжы — 3, захоўванне наркотыкаў — 2,
самагонаварэнне, хуліганства і рэалізацыя кантрафактнай прадукцыі — па аднаму.
У Асяродку знойдзены труп 26-гадовага бабруйчаніна. 2 чалавекі дастаўлены ў
райбальніцу з траўмамі: на аднаго ўпала дрэва, зломленае ветрам; другі ў стане
алкагольнага ап’янення зваліўся з веласіпеда. Раскрыта адно раней здзейсненае
злачынства. Узбуджана 8 крымінальных спраў, у тым ліку ў адносінах да невядомай
асобы, якая ўпотай, маючы свабодны доступ, скрала з катара, што знаходзіўся на
рацэ Свіслач у Смыку, лодачны матор «Джонсан-15» коштам 700 тысяч
рублёў.

20 чысла ў лесе каля в. Прудок знойдзены два
ар-тылерыйскія снарады часоў Вялікай Айчыннай вайны, якія абясшкодзіла
сапёрна-піратэхнічная група в/ч 5523.

ДАI

Спынена 136 парушэнняў правіл дарожнага руху.
Прыцягнута да адказнасці 7 вадзіцеляў у стане алкагольнага ап’янення, а таксама
23 парушальнікі хуткаснага рэжыму. Адбылося 9 ДТЗ з механічнымі пашкоджаннямі і
1 — з цялеснымі.

19 ліпеня жыхар Барысава на МАЗе паблізу Ялізава
сутыкнуўся з мапедам, на якім ехаў рабочы мясцовага шклозавода. Ён раптоўна
апынуўся на паласе руху аўтамабіля, у выніку аварыі атрымаў траўмы і быў
шпіталізаваны.

АУСТ

Зарэгістравана 30 матэрыялаў аб здарэннях.
Суправоджана 55 цягнікоў. Складзена 86 адміністрацыйных пратаколаў. У
медвы-цвярэзнік накіравана 5 чалавек. Знойдзены згінуўшы без весткі. Узбуджаны
2 крымінальныя справы: за крадзеж і парушэнне правіл знаходжання ў Беларусі.

Дэпартамент аховы

Спынена 6 правапарушэнняў: дробных крадзяжоў —
4, распіццё спіртных напояў і самагонаварэнне — па аднаму.

IАЖіРС

Складзена 6 пратаколаў: 3 — за парушэнне правіл
палявання, столькі ж — за лоўлю рыбы забароненымі сродкамі. Канфіскавана 3
сеткі, дзве з іх —  пад’ёмныя.

РАУС

У перыяд з 9 па 15 ліпеня
зарэгістравана 4 супрацьпраўныя дзеянні, з якіх 3 — крадзяжы. Знойдзены
труп без бачных прыкмет гвалтоўнай смерці. Раскрыта адно раней здзейсненае
злачынства. Узбуджана 5 крымінальных спраў.

11 чысла ў разлікова-касавы
цэнтр № 1 ААТ «Белаграпрамбанк» звярнулася 61-гадовая жыхарка Масквы,
якая прад’явіла для абмену фальшывую банкноту наміналам 100 долараў ЗША,
вырабленую з выкарыстаннем камп’ютарнай тэхнікі. Вядзецца праверка.

ДАI

Спынена 141 парушэнне правілаў дарожнага руху. Прыцягнуты да адказнасці 4
вадзіцелі, якія знаходзіліся ў стане алкагольнага ап’янення, а таксама 31
парушальнік хуткаснага рэжыму і 2 пешаходы. Адбылося 6 ДТЗ.

11 ліпеня паблізу вёскі Смык,
рухаючыся на аўтамабілі «Фольксваген Пасат» у напрамку Мінска, жыхар
сталіцы здзейсніў наезд на пенсіянерку-расіянку, якая пераходзіла праезную частку
ў неўстаноўленым месцы. Жанчына атрымала цялесныя пашкоджанні, з якімі
была шпіталізавана.

13 чысла непрацуючы жыхар в.
Заельнік на аўтамабілі «Аудзі-80» каля в. Асяродак не справіўся з
кіраваннем, выехаў на ўзбочыну і перакуліўся, прычыніўшы сабе цялесныя
пашкоджанні.

ДАI нагадвае, што праводзяцца
папера-джальна-прафілактычныя мерапрыемствы, накіраваныя на забеспячэнне
бяспекі дарожнага руху ў перыяд правя-дзення ўборачных работ.

АУСТ

Зарэгістравана 30 матэрыялаў аб здарэннях.
Суправоджана 36 цягнікоў, выяўлены 1 правапарушальнік. Складзена 94
адміністрацыйныя пратаколы. У медвыцвярэзнік накіравана 2 чалавекі.

Дэпартамент аховы

Спынена 24 правапарушэнні, з іх дробных
крадзяжоў — 7, хуліганстваў — 2, распіцця спіртных напояў або знаходжанне ў
грамадскіх месцах у стане алкагольнага ап’янення — 7, парушэнне правілаў
дарожнага руху — 8.

Медвыцвярэзнік

За тыдзень тут апынулася 22 чалавекі, сярод іх —
3 жанчыны.

IАЖіРС

Складзена 3 пратаколы за парушэнне правіл
рыбалоўства.

РАУС

У перыяд з 2 па 8 ліпеня зарэгістравана 5
супрацьпраўных выпадкаў, з якіх 4 — крадзяжы. Знойдзены труп без бачных прыкмет
гвалтоўнай смерці. Раскрыта 2 раней здзейсненыя злачынствы.

2 ліпеня ў 49-гадовага мінчаніна, які адпачываў на
беразе Бярэзіны паблізу         в.
Прыцерпа, невядомая асоба скрала з лодкі матор і 2 спінінгі. Страта — 7
мільёнаў рублёў.

У рамках аперацыі «Мак” знойдзены і знішчаны каля 100
кілаграмаў дзікарослай каноплі.

4 чысла ў пенсіянеркі  
в. Лапічы шляхам свабоднага доступу праз незачыненыя дзверы былі
скрадзены звыш 4 млн. рублёў. Па падазрэнні ў злачынстве затрыманы 57-гадовы
мясцовы жыхар.

Днём пазней каля в. Караны ў лесе было зной-дзена і
канфіскавана 240 літраў самагоннай брагі.

6 ліпеня ў райбальніцу з траўмамі дастаўлена 5-гадовая
дзяўчынка з в/г Цэль, якая па неасцярожнасці выпала з акна 4-га паверха. Праз
суткі яна памерла.

ДАI

Спынена 162 парушэнні правілаў дарожнага руху,
прыцягнуты да адказнасці 1 вадзіцель у нецвярозым стане, 81 парушальнік
хуткаснага рэжыму і 3 пешаходы. Адбылося 14 ДТЗ, у адным з іх пацярпелі людзі.

3 ліпеня асіпаўчанін на аўтамабілі «Сеат” перавысіў
хуткасць і наехаў на прыдарожнае дрэва. Пасажырка атрымала закрытую
чэрапна-мазгавую траўму і была шпіталізавана. Папярэдне вадзіцель быў цвярозы.

АУСТ

Зарэгістравана 14 матэрыялаў аб здарэннях. Узбуджаны 2
крымінальныя справы ў адносінах да зладзеяў. Затрыманы злачынца, які
знаходзіўся ў вышуку за ўхіленне ад прэвентыўнага нагляду.

Суправоджана 72 цягнікі, у якіх 3 пасажыры парушалі
правапарадак. Складзена 48 адміністрацыйных пратаколаў, у медвыцвярэзнік
накіравана 6 чалавек.

Медвыцвярэзнік

Змешчана на «аздараўленне” 16 аматараў алкагольных
напояў, у тым ліку — 3 жанчыны.

РАНС

Здзейснены выезды на ліквідацыю пажару і спрацоўку
аўтаматычнай пажарнай сігналізацыі — па 1, на ўзгаранне смецця — 3.

IАЖіРС

Выяўлена 2 парушэнні правіл рыбалоўства: паквапіліся
на рыбу, якая не дасягнула прамысловай велічыні, а таксама лавілі забароненым
сродкам.