15 C
Осиповичи
Вторник, 15 июня, 2021
Еще

    Бенефiс без дыеты

    Популярное

    У прыўзнятым эмацыянальным стане разыходзіліся з
    РЦК 4 мая аматары паэзіі з творчай вечарыны асіповіцкага паэта Анатоля
    Тамашэўскага. Ды і хіба мог быць іншым настрой, калі пераважная большасць
    твораў гэтага аўтара гумарыстычная, добра «прыпраўленая” вострым слоўцам ды
    трапнымі высновамі? Хто хоча ў гэтым пераканацца асабіста, варта пазнаёміцца з
    убачыўшым летась свет зборнікам «Жонка на дыеце”, які, прынамсі, і быў асноўнай
    нагодай для правядзення літаратурнай сустрэчы.

    У сваім прывітальным слове старшыня райсавета
    дэпутатаў Аляксандр Пузік падкрэсліў, што мала знойдзецца лю-дзей, якія б
    унеслі такі адчувальны ўклад у культурнае жыццё нашага раёна. З гэтым вывадам
    адназначна пагадзілася і начальнік аддзела культуры райвыканкама Ірына
    Раманчук, якая ўзгадала, што на Асіповіччыне толькі Анатоль Тамашэўскі мае
    званне Заслужанага работніка культуры Рэспублікі Беларусь. А атрымаў такі «чын”
    ён, дарэчы, яшчэ ў 1992 годзе.

    Літаратурныя творы знакамітага асіпаўчаніна
    цікавыя сваёй блізкасцю да жыцця, з яго шматграннасцю і непаўторнасцю. Яшчэ
    адна асаблівасць вершаў Тамашэўскага — іх можна не толькі дэкламаваць, але
    спяваць і нават інсцэніраваць. Гэтая акалічнасць і дазволіла ўключыць у
    праграму бенефісу самыя разнастайныя нумары. Нямала мілагучных песень прагучала
    ў выкананні народнага цымбальнага аркестра і хору ветэранаў, сярод якіх былі і
    «Ах, Марыя”, і «Дзень добры, Асіповічы мае”. Народны фальклорны ансамбль
    «Вечарынка” Ялізаўскага Дома культуры мае ў сваім рэпертуары «Па-над рэчкай
    туманы”, «Ой, кума!” і многія іншыя. З захапленнем гледачы ўспрымалі
    выступленне народнага тэатра РЦК «На-дзея”, які паказаў яркія гумарыстычныя
    мініяцюры.

    Мяркуючы па жывой рэакцыі залы, творы
    Тамашэўскага захапляюць людзей рознага ўзросту: і моладзь, і тых, хто мае за
    плячыма ўжо салідны жыццёвы вопыт.

    Тэматыка? Яна шмат-гранная. Паэта цікавяць
    розныя людскія ўзаемаадносіны: суседскія, мужа і жонкі, бацькоў і дзяцей,
    начальнікаў і падначаленых. Нямала ў яго знойдзецца і радкоў, прысвечаных
    роднаму краю, у тым ліку менавіта нашым Асіповічам.

    Што ў планах паэта? Зараз, калі Анатоль
    Уладзіміравіч выйшаў на заслужаны адпачынак, у яго з’явілася магчымасць
    аддаваць творчасці столькі ўвагі, колькі душа жадае. Апошнім часам з-пад яго
    няўрымслівага пяра вый-шла нямала вершаў — як кажа, на паўкніжкі ўжо
    на-збіраецца.

    Для яго гэты вечар быў не проста цікавым з-за
    ўдала складзенага сцэнарыя, але і вельмі хвалюючым. У зале не было свабодных
    месцаў, прыйшлі самыя блізкія людзі: жонка і дзве дачкі са сваімі сем’ямі,
    сябры, калегі і многія тыя, з кім лёс вёў Анатоля Уладзіміравіча па адной
    сцежцы. А колькі іх было за жыццё, гэтых сцежак!

    Няхай жа наканаванае «цыганкамі” з калектыву
    «Анахата” клуба чыгуначнікаў спраўдзіцца, і напера-дзе нас чакае яшчэ многа
    сустрэч з новымі зборнікамі асіповіцкага паэта!

     

    «Самае-самае” пра творчае жыццё Анатоля Тамашэўскага

    Самае першае спатканне са сцэнай у хлопчыка было
    ў 4 класе.

    Самы першы самастойны твор «Ветэранам працы” быў
    надрукаваны ў круглянскай раённай газеце. Юнаму паэту тады споўнілася 14 гадоў.

    Самы любімы верш Анатоля Уладзіміравіча —
    «Прызнанне”. Ён прысвечаны бацькоўскай зямлі.

    Самая першая песня, якая была напісана сумесна з
    асіповіцкім кампазітарам Віктарам Шышкаўцом, — «Асіпаўчаначка”. Усяго ж
    «лірычна-музычны” дуэт стварыў каля паўсотні цудоўных твораў. Сама часта з іх
    выконваецца песня «Па-над рэчкай туманы”.

    Самы любімы паэт Тамашэўскага — Ніл Гілевіч.

    Самы вялікі вершаваны твор, які давялося
    вывучыць Анатолю на памяць — урывак з паэмы Ягора Ісаева «Суд памяці”:
    дэкламацыя займала паўгадзіны, і было гэтае выступленне ў час службы ў арміі.

    Сама часта субяседнікі просяць яго пачытаць верш
    «Чаго варты нашы грошы?”

    Самы «хадавы” журналісцкі псеўданім Тамашэўскага
    — А.Друцкі. Гэта звязана з месцам нараджэння паэта — ён з’явіўся на свет у
    Круглянскім раёне, дзе нясе свае воды ціхаплынная Друць.

    Валянціна КОРБАЛЬ.

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    1 июня Детский правовой сайт запускает конкурс видеороликов ”Правовой лайфхак ”У меня счастливое детство – это мое право “

    Национальный центр правовой информации Республики Беларусь (НЦПИ) предлагает творчески и с пользой провести летние каникулы и приглашает юных граждан страны к участию в конкурсе видеороликов ”Правовой лайфхак ”У меня счастливое детство – это мое право“.

    В Осиповичах прошел I открытый конкурс хореографического искусства «Stars of Planet»

    Свой профессионализм демонстрировали 195 участников от 3 до 17 лет. Работа хореографов и оформление номеров были достойны лучших танцевальных подмостков. В зале не переставая звучали овации, зрители тепло приняли артистов, поддерживали танцоров многократным "браво!", подпевали и пританцовывали на своих местах.

    Осиповичской «районке» исполнилось 90 лет. Мнением делятся земляки

    90 гадоў споўнілася "раёнцы". За гэты час газета трывала ўвайшла ў лёсы многіх жыхароў Асіповіччыны

    В Осиповичах чествовали золотых медалистов

    Прыемна чуць, што землякі час ад часу ўзнагароджваюцца за спартыўныя дасягненні або творчыя выступленні. Усё больш матуль атрымліваюць ордэн Маці. А ёсць яшчэ адна ўзнагарода — залаты медаль, які ўручаецца за якасныя веды. Ім штогадова заахвочваюць лепшых выпускнікоў устаноў сярэдняй адукацыі. Сёлета такіх 15. “Залатыя” рабяты пазаўчора прымалі віншаванні з гэтай прыемнай нагоды. Медалі ім уручыў старшыня раённага выканаўчага камітэта Канстанцін Жыгуцкі.