Наш адрес: г. Осиповичи, ул. Сумченко, 55.

Асіповічы: хроніка здарэнняў

Опубликовано: Асiповiцкi Край

Вторник, 27.02.2018 10:09. Рубрика: Хроніка  Tags: , , , , , ,   

РАУС

З 19 па 25 лютага выяўлены 3 трупы, у тым ліку 36-гадовага самазабойцы. Паступілі паведамленні аб 2 крадзяжах маёмасці і прадуктаў харчавання з прыватных дамоў у пас. Ялізава і в. Пасекі. У сварках, якія здарыліся пры сумесным распіцці алкаголю, пацярпелі 2 жанчыны: адну муж, які знаходзіцца на ўліку ў нарколага, біў па твары і зламаў зуб, другую сужыцель ударыў па галаве табурэтам. У бальніцу ў ноч на 24 лютага ад рэстарана “Пралеска” дастаўлены збіты знаёмым мужчына, на наступны дзень — з вул. Патоцкага яшчэ адзін асіпаўчанін с рэзанай ранай.

РАСК

Раней несудзімы 50-гадовы жыхар райцэнтра захоўваў 1,8 г марыхуаны.

ДАI

Папярэджана 91 парушэнне правілаў дарожнага руху, прыцягнуты да адказнасці нецвярозы вадзіцель і 52 пешаходы і веласіпедысты, што знаходзіліся ў цёмны час сутак на неасветленых вуліцах без святлоадбіваючых элементаў. Адбылося 4 ДТЗ.

Увага! Па 28 чысло ў раёне праводзіцца спецыяльнае комплекснае мерапрыемства «Пешаход». Дзяржаўтаінспекцыя звяртаецца да ўсіх пешых удзельнікаў дарожнага руху з пераканаўчай просьбай строга выконваць ПДР, пераходзіць праезную частку толькі ва ўстаноўленых месцах, а пры іх адсутнасці — рухацца па абочынах, насустрач транспарту, і па магчымасці выбіраць для пераходу асветленыя месцы.

Дэпартамент аховы

Узбуджана крымінальная справа, да адміністрацыйнай адказнасці прыцягнуты самагоншчык, 5 парушальнікаў ПДР, 9 нецвярозых асоб, па 3 і 4, што ўчынілі дробныя крадзяжы і хуліганства.

РАНС

24 лютага ў кватэры дома па вул. 60 гадоў Кастрычніка адбылося ўзгаранне ложка. Пры пажары загінуў 74-гадовы пенсіянер.

IАЖіРС

Узбуджана крымінальная справа ў дачыненні непрацуючага жыхара райцэнтра, які 16 лютага на вадасховішчы паблізу в. Азярышча з выкарыстаннем незаконнай прылады лову здабыў 39 асобін рыбы, чым прычыніў шкоду навакольнаму асяроддзю ў памеры 2646 руб. Складзены адміністрацыйны пратакол за захоўванне незаконных рыбалоўных сетак і 11 — па фактах парушэння правілаў палявання.

Твитнуть 0

Добавить комментарий

« 
 »