Дабрачынная навагодняя акцыя “Нашы дзеці”, якая стартавала яшчэ ў снежні, працягваецца. У ёй ужо прынялі ўдзел многія кіраўнікі прадпрыемстваў і арганізацый раёна, якія наведалі дзіцячыя ўстановы, бальніцы, апякунскія і прыёмныя сем’і і ўручылі рабятам падарункі.
У сераду да важнай і патрэбнай справы далучылася абласная асацыяцыя мясцовых Саветаў дэпутатаў, куды разам з іншымі народнымі выбраннікамі ўваходзяць і асіповіцкія дэпутаты. Па іх даручэнні ў аддзяленне дзённага знаходжання інвалідаў завітаў старшыня райсавета дэпутатаў Аляксандр Пузік, каб павіншаваць наведвальнікаў з Новым годам і Калядамі, а таксама ўручыць грашовы сертыфікат на 250 рублёў, які прыняла з яго рук дырэктар раённага цэнтра сацыяльнага абслугоўвання насельніцтва Ірына Вірмаўскене. А яшчэ з прафілактычнай гутаркай “Здаровыя зубы” перад прысутнымі выступіў загадчык стаматалагічнага аддзялення ААТ “Медыцынская ініцыятыва” ўрач Алег Грамовіч.
У адказ наведвальнікі аддзялення падрыхтавалі невялікую канцэртную праграму. А за кубкам гарбаты задавалі гасцям хвалюючыя пытанні, дзяліліся ўражаннямі ад многіх, ужо стаўшых леташнімі, мерапрыемстваў, зычылі адзін аднаму здароўя і душэўнай цеплыні.
ЭТО ТОЖЕ ИНТЕРЕСНО!
- 05.01.2018 Свята надзеі, любові і ўдачы ў Асіповічах
- 20.12.2016 День рождения с «Белагро- промбанком» в Осиповичах
-
29.12.2017 Осиповчане, не пропустите! Новогоднее поздравление председателя облисполкома Владимира Викторовича Доманевского
- 16.10.2017 Праздник для мальчишек и девчонок организовали в день открытия детского развивающего центра «Ай да я!»
-
27.12.2017 Акцыя «Нашы дзеці» ў Асіповічах
- 07.12.2016 У дзіцячым садзе № 10 г. Асіповічы правялі святочны кірмаш
