Наш адрес: г. Осиповичи, ул. Сумченко, 55.

Осиповчане навели чистоту! (+фото)

Опубликовано: Нина ВИКТОРЧИК

Вторник, 31.10.2017 09:04. Рубрика: Актуальнае, Грамадства, Добраўпарадкаванне, Навіны, Прырода і экалогія  Tags: ,   

Прыемна бачыць родныя мясціны дагледжанымі і добраўпарадкаванымі. Вялікая заслуга ў навядзенні чысціні, безумоўна, належыць унітарнаму камунальнаму прадпрыемству жыллёва-камунальнай гаспадаркі. Аднак для падтрымання тэрыторый у прыглядным выглядзе нямала робяць і працоўныя калектывы ўстаноў, прадпрыемстваў і арганізацый.

У чарговы раз гэта пацвердзіў раённы суботнік, які прайшоў 28 кастрычніка. Землякі, узяўшы ў рукі граблі, лапаты, пакеты для смецця і іншы працоўны інвентар, наводзілі парадак на замацаваных участках, вуліцах, дзіцячых пляцоўках, у  дварах, парках і скверах. У належны стан прыведзены таксама многія сельгасаб’екты, могілкі, мемарыяльныя месцы і брацкія пахаванні. Не пакінулі ўбаку і знакавыя новабудоўлі горада: фізкультурна-аздараўленчы комплекс мікрараёна Чарняхоўскага і тэрапеўтычны корпус раённай бальніцы. Усяго ў рамках мерапрыемства прынялі ўдзел каля 8 тысяч чалавек. І кожны стараўся, каб любімыя горад і сельскія пасяленні сталі больш утульнымі і прыгожымі.

* * *

Напярэдадні суботніка ў двары спецшколы-інтэрната таксама можна было ўбачыць людзей у спецадзенні, з рыдлёўкамі і вёдрамі ў руках. Гэта даўнія сябры ўстановы — работнікі ЗТАА “Кровельный завод ТехноНИКОЛЬ” — высаджвалі фруктовыя дрэвы для выхаванцаў спецшколы.

Дабрачынная акцыя мела сімвалічны змест: у лістападзе спаўняецца 25 гадоў кампаніі “ТехноНИКОЛЬ”, а сёлета прадпрыемства адзначае 45-годдзе з дня выпуску першай прадукцыі. Менавіта таму і вырашылі ўвасобіць кожны з гадоў жыцця завода ў фруктовае дрэўца — 45 саджанцаў знайшлі новае ўтульнае месца каля корпуса дзіцячай установы.

Да пасадкі дрэў завадчане падышлі адказна: нарыхтавалі ямкі, засыпалі іх спецыяльным грунтам. Заадно, акінуўшы наваколле гаспадарскім вокам, падрэзалі галіны дрэў, якія акружаюць школу.

Пройдзе некалькі гадоў, і хлопчыкі і дзяўчынкі змогуць пакаштаваць налівістыя яблыкі, сакавітыя грушы, смачныя слівы ды вішні з уласнага сада, падоранага ім клапатлівымі старэйшымі таварышамі.

Фота Ніны ЦАРЫК.

Яшчэ фота глядзіце тут

Твитнуть 0

Добавить комментарий

« 
 »