Наш адрес: г. Осиповичи, ул. Сумченко, 55.

Сустрэчы з кнігамі на Асіповіччыне

Опубликовано: Анна Абрамкина

Понедельник, 19.12.2016 09:08. Рубрика: Адукацыя, Культура, Рознае  Tags: , , ,   

Сустрэцца з пісьменнікам — гэта значыць пазнаёміцца з яго творамі, якія адлюстроўваюць унутраны свет аўтара. Але даволі часта аўтары розных напрамкаў ладзяць і асабістыя сустрэчы з чытачамі — як дарослымі, так і маленькімі. I Асіповіччына не застаецца па-за ўвагай знакамітых літаратараў.

Вось і нядаўна ў госці да малодшых вучняў гімназіі завіталі старшыня Мінскага гарадскога аддзялення Саюза пісьменнікаў, паэт і празаік Міхась Пазнякоў і таленавіты пісьменнік, бард Аляксандр Вашчанка. Прынеслі з сабою вялікую колькасць мастацкай і вучэбнай літаратуры, а таксама добры настрой і цікавыя гісторыі. Міхась Паўлавіч у выступленні падкрэсліў, што родная мова — каштоўнасць, якую трэба берагчы і вывучаць як мага болей дасканала. Паэт адзначыў, што напісаў для дзяцей шмат кніг, прадэкламаваў некалькі вершаў. Асабліва хлопчыкам і дзяўчынкам спадабалася гульня з загадкамі, за правільныя адказы на якія кожны атрымаў у падарунак кнігу. Аляксандр Вашчанка звярнуў увагу дзяцей на творчасць паэта Максіма Багдановіча, расказаў яго біяграфію, выканаў знакамітую песню «Слуцкія ткачыхі».

Для дарослых чытачоў у гарадской бібліятэцы № 1 была арганізавана творчая сустрэча з пісьменніцай і паэткай Наталляй Батраковай — даволі папулярным сучасным аўтарам ў Беларусі і суседніх краінах. Чытачы цікавіліся яе творчым шляхам, тым, што натхняе і накіроўвае думкі на стварэнне новых твораў. Адбылася і прэзентацыя чарговай кнігі аўтара пад назвай «Миг бесконечности-2: бесконечность любви, бесконечность печали…», якая з’ўляецца працягам дылогіі «Миг бесконечности». Напрыканцы сустрэчы Наталля падпісала для ўсіх жадаючых свае творы.

Ганна АБРАМКІНА.

Твитнуть 0

Добавить комментарий

« 
 »