Наш адрес: г. Осиповичи, ул. Сумченко, 55. Электронная почта: [email protected]. Отдел рекламы: (02235) 57-0-87. Тел.-факс: (02235) 56-3-89

Асіповічы: хроніка здарэнняў

Опубликовано: Елена ЛЕПЛЯНИНА-КУБАРЬ

Вторник, 27.12.2016 15:02. Рубрика: Хроніка  Tags: , , , , , , ,   

РАУС

У перыяд з 19 па 25 снежня ўстаноўлены асобы, якія ў лістападзе скралі веласіпед у жыхаркі в. Цэль і бензагенератар, які належыць брэсцкай дарожна-будаўнічай арганізацыі. 21 снежня ў бальніцу дастаўлены асіпаўчанка з ранай галавы, якую ёй у сварцы нанёс бацька, і жыхарка в. Лапічы з тэрмічнымі апёкамі, прычыненымі непрацуючым сынам. У ноч на 25 снежня невядомыя пашкодзілі рэкламны банер на вул. Сумчанкі.

РАСК

Тры работнікі завода аўтаагрэгатаў спрабавалі выкрасці з цэха алюмініевага ліцця зліткі масай 233,5 кг на суму 416 руб. 61 кап.

Пракуратурай раёна ўзбуджана крымінальная справа ў дачыненні да              18-гадовага жыхара райцэнтра, які ўдарыў чалавека бітай па галаве.

ДАI

Папярэджана 71 парушэнне правілаў дарожнага руху. Прыцягнута да адказнасці 19 пешаходаў і веласіпедыстаў, 8 нецвярозых вадзіцеляў і 10, на аўтамабілях якіх летнія шыны. Адбылося 7 ДТЗ.

АУСТ

Узбуджаны 2 крымінальныя справы, устаноўлена месцазнаходжанне 3 асоб у вышуку, складзена 78 адміністрацыйных пратаколаў і 18 матэрыялаў аб здарэннях, суправоджана 30 цягнікоў, з якіх знята 5 правапарушальнікаў, затрыманы 4 грамадзяніны цыганскай нацыянальнасці. З-за парушэння правілаў захоўвання канфіскаваны 191 пі-ратэхнічны выраб.

УВАГА: па 28 снежня — СКМ «Бяспека» сумесна з ДАI РАУС.

Дэпартамент аховы

Да адміністрацыйнай адказнасці прыцягнута 9 парушальнікаў ПДР, 8 грамадзян, якія знаходзіліся ў грамадскіх месцах у нецвярозым стане, 3 асобы, што здзейснілі дробнае хуліганства.

РАНС

Адбылося 4 пажары: 24 чысла ў райцэнтры гарэлі лазні па вул. Шамякіна і Ягаднай, на наступны дзень — жылы дом у аг. Свіслач. Па факце ўзгарання 22 снежня драўлянай лазні ў САТ “Березовая роща” ў в. Галынка ўзбуджана крымінальная справа. Удакладняем звесткі аб пажары, які адбыўся 20 снежня: пацярпелы ад агню жылы дом размяшчаецца па вул. Берагавой, надворныя пабудовы — па вул. Міра.

IАЖіРС

Паблізу в. Ягаднае выяўленыя вантробы і шкура казулі. Узбуджана крымінальная справа.

Твитнуть 0

Добавить комментарий

« Асіповіцкі АУСТ. Прафілактыка — лепшая тактыка
 »