Перадвыбарная праграма кандыдата ў дэпутаты па Асіповіцкай выбарчай акрузе № 89 СЬЯНАВАЙ Аляксандры Аляксандраўны “Беларусь патрабуе перамен. Альтэрнатыва ёсць”

 

Дарагія суайчыннікі!

11 верасня нам трэба абраць будучыню нашай краіны на бліжэйшыя чатыры гады. Ад гэтага рашэння залежыць будучыня нашых дзяцей і ўнукаў, будучыня незалежнай Беларусі.

Чыноўнікі ўсё больш залазяць у кішэні беларусаў: уводзяць новыя падаткі, павышаюць камунальныя тарыфы, змяншаюць заробкі і павялічваюць пенсійны ўзрост. Некалькі год улады не могуць вывесці эканоміку з крызісу. Чыноўнікі адбіраюць у нашых дзяцей будучыню — бяруць крэдыты за мяжой для захавання сваіх пасад і правядзення наменклатурных з’ездаў. Аддаваць гэтыя крэдыты яны будуць з нашых сямейных бюджэтаў. Беларусі патрэбны перамены і рэформы, каб вярнуць нашым дзецям надзею на будучыню!

Я беларуска. Па поглядах — хрысціянскі дэмакрат. Нарадзілася ў 1955 го-дзе. Замужам. Выхавала траіх дзяцей, маю чатырох унукаў. Скончыла Віцебскі тэхналагічны інстытут лёгкай прамысловасці па спецыяльнасці інжынер-тэхнолаг. Працавала галоўным інжынерам, камерцыйным дырэктарам, галоўным тэхнолагам і майстрам закройнага ўчаст-ка, начальнікам швейнага ўчастка.

Чаму балаціруюся па вашай выбарчай акрузе?

Разам з іншымі хрысціянскімі дэмакратамі мы шмат зрабілі для таго, каб у нашым горадзе было зручна жыць кожнай беларускай сям’і. Зараз мы змагаемся за абмежаванне продажу алкаголю і новыя працоўныя месцы з годнымі заробкамі і пенсіямі, у абарону жыцця.

Як вывесці эканоміку з крызісу?

Беларускія хрысціянскія дэмакраты сумесна з экспертамі распрацавалі праект сістэмных рэформаў у эканоміцы, ахове здароўя, ЖКГ, пенсіях і іншых сферах. Мы ўпэўнены, што ўсю сістэму трэба мяняць ужо зараз.

НОВАЯ ЭКАНОМIКА: інвестыцыі і працоўныя месцы з годнымі заробкамі.

Прыцягненне сродкаў беларускіх эмі-грантаў і замежных інвестараў у новыя сектары эканомікі (IТ індустрыя). Продаж стратных прадпрыемстваў інвестарам для мадэрнізацыі вытворчасцяў;

Развіццё малога і сярэдняга бізнесу (адмена сертыфікатаў, існуючых штрафаў і праверак; гадавыя патэнты, найм работнікаў без абмежаванняў);

Мінімальная падатковая нагрузка на бізнес і адмена датацый дзяржсектара, развіццё фермерскіх гаспадарак за кошт увядзення прыватнай уласнасці на зямлю для грамадзян Беларусі.

ЖКГ: якасныя паслугі з прымальнымі тарыфамі.

Магчымасць выбару паміж прыватнай або дзяржаўнай арганізацыяй, якая абслугоўвае дом. Канкурэнцыя знізіць кошт і павысіць якасць абслугоўвання.

Скарачэнне чыноўнікаў у аддзелах ЖКГ і ў міністэрстве.

Скарачэнне бюджэтных датацый на ЖКГ. Прыватызацыя стратных лазняў, цырульняў, гасцініц і хімчыстак.

АХОВА ЗДАРОЎЯ: новае абсталяванне і якаснае лячэнне.

Адмена платных паслуг у дзяржаўных установах аховы здароўя. Развіццё прыватных медыцынскіх цэнтраў.

Страхавая медыцына: дзяржава і прадпрыемствы размяшчаюць на рахунак кожнага грамадзяніна страхавую суму, а чалавек самастойна абірае доктара і аплачвае яго паслугі са свайго рахунку.

Павелічэнне выдаткаў на медыцыну за кошт адлічэнняў у фонд абавязковага медыцынскага страхавання сродкаў ад абароту спіртных напояў, тытунёвых вырабаў, ігральнага бізнесу, штрафаў за экалагічныя парушэнні.

ПЕНСII: годнае жыццё, павага і клопат.

Увядзенне абавязковых накапляльных пенсій. Кожны ўласнік сродкаў у накапляльным фондзе самастойна распара-джаецца сваімі накапленнямі.

Перадача ў назапашвальны пенсійны фонд 25% сродкаў ад прыватызацыі. Iнвеставанне сродкаў у паспяховыя вы-творчасці, што забяспечыць выплаты сённяшнім пенсіянерам. Старэйшае пакаленне мае права на сваю долю ў створаным іх рукамі нацыянальным багацці краіны.

Аднолькавы ўзрост выхаду і пенсійных выплат для чыноўнікаў, настаўнікаў, рабочых, сілавікоў.

Для таго каб дабіцца перамен, новых працоўных месцаў з годнымі заробкамі і пенсіямі, трэба ваша дапамога. Не дайце сфальсіфікаваць выбары — удзельнічайце ў незалежным назіранні!

Мае кантакты: +375 29 167-34-35,

e-mail:[email protected],

http://bchd.info

Кандыдат у дэпутаты

па Асіповіцкай

выбарчай

акрузе № 89

Сьянава

Аляксандра Аляксандраўна