У пачатку жніўня на базе адпачынку “Бярозка” прайшла раённая спартакіяда актыву маладзёжнага саюза “Лета-2013. Новы фармат”. Гэта традыцыйнае мерапрыемства сёлета было значна адноўлена. Арганізатары маёўкі — РК ГА “БРСМ”, аддзел ідэалагічнай работы, культуры і па справах моладзі райвыканкама, Клуб дзіцячага і юнацкага турызму і краязнаўства, РАС “ДТСААФ”, ФСК “Алімпія” — прапанавалі моладзі новую 2-дзённую забаўляльную праграму і выдатны адпачынак.
У жывапісным мястэчку недалёка ад Асіповіч сабраліся пяць каманд: “220 вольт”, “Шашлык” (АЗАА), “Лом”(аддзел унутраных спраў на транспарце), “Смерч” (в/ч 12180), “Цэльскія ласі” (в/ч 61732).
Юнакі і дзяўчаты праходзілі турыстычную паласу, стралялі з пнеўматычнай вінтоўкі, гулялі ў валейбол і міні-футбол, перацягвалі канат. Не менш насычана прайшла і творчая частка: конкурс бодзі-арта, кулінарнае спаборніцтва на лепшую страву, арганізацыя быту “Наша тэрыторыя”, конкурс фотаздымкаў “Спартакіяда ў кадры”.
Актывісты БРСМ выдатна правялі час, знайшлі новых сяброў, адпачылі і паказалі сваю спартыўную падрыхтоўку.
Вынікі ж спаборніцтваў наступныя. Першае месца заваявалі праваахоўнікі (“Лом”), другое — аўтаагрэгатчыкі (“220 вольт”), трэцяе — вайскоўцы (“Цэльскія ласі”). У асабістым заліку лепшымі сталі Віталь Бабак (Цэль), Аляксандр Скварцоў і Наталля Толкач (АУСТ), Ірына Мацюшэнка і Таццяна Булгакава (АЗАА). Пераможцы па праву атрымалі граматы і падарункі ад арганізатараў мерапрыемства.
Нэлі АСТРЭЙКА.
Фота з архіва РК БРСМ.
Адпачынак па-бэрэсэмаўскі
Добавить комментарий
« Навіны рэгіёна
Большая совместная пробежка »