Наш адрес: г. Осиповичи, ул. Сумченко, 55.

Асіповічы: хроніка здарэнняў

Опубликовано: Елена ЛЕПЛЯНИНА-КУБАРЬ

Вторник, 28.11.2017 14:16. Рубрика: Хроніка  Tags: , , , , , ,   

РАУС

У перыяд з 20 па 26 лістапада выяўлены 3 трупы, у іх ліку цела мужчыны, які скончыў жыццё самагубствам. Паступілі паведамленні аб крадзяжах мабільнага тэлефона ў кватэры на вул. Чарняхоўскага, 14 металічных слупкоў з двара дома па вул. Шчорса. У в. Восава невядомы абліў лазню вадкасцю з характэрным пахам бензіну і знік. У бальніцу з пранікальным раненнем жывата дастаўлены 29-гадовы асіпаўчанін, які нанёс сабе траўмы сам, як мяркуецца, на глебе рэўнасці. На вул. Сташкевіча затрыманы аўтамабіль “ВАЗ”, на якім бабруйчанін перавозіў 200 л дызельнага паліва.

РАСК

2 крымінальныя справы ўзбуджаны ў сферы  камп’ютарных тэхналогій: невядомымі асобамі здзейснены несанкцыянаваны доступ да старонкі ў сацсетцы асіпаўчанкі і заблакіраваны доступ да камп’ютарнай інфармацыі ў ноўтбуку другой жыхаркі райцэнтра.

Будматэрыялы коштам 205 рублёў выкраў раней судзімы мужчына з хлява ў в. Слабада.

ДАI

Папярэджана 107 парушэнняў ПДР, прыцягнуты да адказнасці 36 пешаходаў і нецвярозы вадзіцель. Адбылося 5 ДТЗ.

Нагадваем, што згодна з ПДР краіны з 1 снежня па 1 сакавіка пры ўдзеле ў дарожным руху аўтамабілі павінны быць абсталяваны зімовымі шынамі.

I не забывайцеся ў цёмны час сутак пра святлоадбівальныя элементы!

Дэпартамент аховы

Да адказнасці прыцягнуты 6 парушальнікаў ПДР, 4 асобы, што ў нецвярозым выглядзе з’яўляліся ў грамадскіх месцах, па 2 — якія здзейснілі дробныя хуліганства і крадзяжы, 4 — іншыя правапарушэнні.

РАНС

25 чысла адбыўся пажар хлява ў в. Прудок. Пашкоджаны сцены і маёмасць.

IАЖіРС

Узбуджана крымінальная справа ў дачыненні да невядомага, які 26 лістапада каля в. Лочын незаконна здабыў дзіка, чым прычыніў навакольнаму асяроддзю страты на 8280 рублёў.

Твитнуть 0

Добавить комментарий

« 
 »