Наш адрес: г. Осиповичи, ул. Сумченко, 55.

Асіповічы: коратка аб розным

Опубликовано: Асiповiцкi Край

Пятница, 3.02.2017 10:41. Рубрика: КАР  Tags:   

Беларуская каманда “МАЗ-СПОРТ-авто” сёлета на самым прэстыжным ралі-рэйдзе “Дакар-2017” заняла 6-е месца — лепшы вынік нашых гоншчыкаў. Прыемна, што шэраг камплектуючых для аўтамабіляў — абцякальнікі, шумаізаляцыя, панэль прыбораў і іншае — зроблены асіповіцкімі аўтаагрэгатчыкамі.

95 фітасанітарных сертыфікатаў на вываз падкаранціннай прадукцыі выдадзена ў студзені раённай дзяржінспекцыяй па насенняводстве, каранціне і ахове раслін. За 2016 год установай выпісана 1286 такіх дакументаў.

Басейн “Дэльфін” летась аказаў паслуг насельніцтву прыблізна на 15% болей, чым у 2015 годзе. Асноўныя наведвальнікі — работнікі 32 арганізацый, якія заключылі з аздараўленчай установай адпаведныя дамовы. Асаблівую папулярнасць плаванне мае ў супрацоўнікаў ЗТАА “Дахавы завод ТэхнаНІКОЛЬ”, ЗАТ “Асіповічыгазбуд”, міні-ЦЭЦ, УМГ.

Стыпендыятам спецыяльнага фонду Прэзідэнта краіны па сацыяльнай падтрымцы адораных вучняў і студэнтаў сярод педагогаў па выніках 2016 года стала настаўніца рускай мовы і літаратуры гімназіі Таццяна Амбрушкевіч.

Жорнаўскай эксперыментальнай лясной базай Iнстытута лесу НАН Беларусі летась зроблены пасадкі дрэў на плошчы ў 31,8 гектара. З іх цвёрдаліставыя пароды занялі 11,8 га, селекцыйным пасадачным матэрыялам засаджана 12,9 га. Хоць гэта і не асноўны від дзейнасці, за мінулы год установай нарыхтавана 33,7 тысячы кубаметраў драўніны (108,7% да задання), у тым ліку 12 тысяч — дроў. Прадукцыя рэалізуецца не толькі на ўнутраным рынку, прадпрыемства мае дзелавых партнёраў і за мяжою — у Польшчы, Латвіі, Венгрыі.

Дэлегацыя педагогаў з Веткі, што на Гомельшчыне, наведала ўчора гарадскую СШ № 3. Абмен вопытам быў арганізаваны ў рамках дзейнасці асацыяцыі “Адукацыя для ўстойлівага развіцця”, у якую ўзгаданая школа і ўваходзіць. Асноўнай тэмай для абмеркавання стала падрыхтоўка вучняў да прадметных алімпіяд.

73-4-61 — новы нумар тэлефона-факса дзяржустановы “Асіповіцкі раённы архіў”.

Твитнуть 0

ЭТО ТОЖЕ ИНТЕРЕСНО!

Добавить комментарий

« В Осиповичском музее состоится презентация книги С. И. Лукашевича
 »