Наш адрес: г. Осиповичи, ул. Сумченко, 55.

Асіповічы: коратка аб розным

Опубликовано: Нина ВИКТОРЧИК

Пятница, 20.05.2016 16:39. Рубрика: КАР  Tags: , , , , , ,   

Каманда вучняў з 14 чалавек РЦТіК у агульным заліку адкрытага першынства вобласці па спартыўным арыентаванні, якое праходзіла ў першай дэкадзе мая сярод устаноў агульнай сярэдняй адукацыі, заняла III месца (трэнер Iгар Нагорнаў). У асабістым заліку сярод дзяўчат на класічнай дыстанцыі на другую прыступку ўзнялася Анастасія Ларыёнава, а на сярэдняй Аляксандры Шычко дасталася «бронза».

У Вяззеўскім СДК заўтра ў 10 гадзін адбудзецца IV раённы агляд-конкурс дзіцячых і маладзёжных творчых калектываў «Хваля збірае сяброў». Камісія адабрала заяўкі ад удзельнікаў з Асіповіч, Ялізава, Ліпеня, Карытнага, Жорнаўкі, а таксама Бабруйшчыны. Арганізатары абяцаюць сапраўдную чырвоную дарожку, святочны кірмаш, вясёлых клоўнаў з цікавымі гульнямі і іншыя сюрпрызы.

У злёце юных выратавальнкаў-пажарных, які прайшоў на базе СШ № 4, удзельнічала 20 каманд. Вучні спаборнічалі ў 5 дысцыплінах: «Знатакі асноў бяспекі жыццядзейнасці», «Аказанне першай медыцын-скай дапамогі», «Пажарная эстафета», «Агляд строю і песні», «Фатаграфія». Першынствавалі гаспадары, вяззеўскія школьнікі сталі другімі, а рабяты з СШ № 1 занялі 3 месца.

У Дараганаўскім сельсавеце знесены 3 безгаспадарчыя домаўладанні, адрамантавана каля 400 метраў агароджы на могілках у Мязовічах, наведзены парадак на іншых грамадскіх пахаваннях. Нядбайным гаспадарам выпісана 253 прадпісанні, у тым ліку 30 — юрыдычным асобам. У Дараганаве і Крынцы рыхтуюцца да свят вёсак, якія пройдуць у чэрвені і ліпені адпаведна.

ДЭУ № 73 актыўна вядзе абкошванне замацаванай тэрыторыі. З дапамогай трактароў і мотакос прыведзена ў парадак каля 300 кіламетра-праходаў, 140 — адкосаў, 106 — палос адводу дарог.

Педагогі дадатковай адукацыі — кіраўнікі клуба ваенна-гістарычнай рэканструкцыі «Штык» Юрый Сцяпанаў і Андрэй Торбін — прынялі ўдзел у рабоце рэспубліканскага краязнаўчага форуму, які праходзіў у Смаргоні. Выступленне апошняга перад аўдыторыяй аднадумцаў з паведамленнем «Патрыятычнае выхаванне моладзі і захаванне памяці аб падзеях Вялікай Айчыннай вайны праз правядзенне ваенна-гістарычнай рэканструкцыі» выклікала вялікую зацікаўленасць.

Твитнуть 0

ЭТО ТОЖЕ ИНТЕРЕСНО!

Добавить комментарий

« 
 »