«Усе песні толькі для вас!» — так назваў свой канцэрт, які пройдзе сёння ў Ялізаўскім Доме культуры, народны ансамбль народнай песні «Вечарынка». А заўтра ва ўстановах культуры Ліпеня, Ясеня і Дражні гасцей чакае танцавальна-забаўляльная праграма, прысвечаная Таццянінаму дню.
Штодня на барацьбу са снегам на вуліцы горада выходзяць 26 рабочых ДУКВП «Райсэрвіс», узмоцненых 6 МАЗамі, 3 пагрузчыкамі і 3 трактарамі. Найперш расчышчаюцца асноўныя транспартныя артэрыі: вуліца Сумчанкі і пуцеправод. Зараз актыўна ідзе ўборка аўтобусных прыпынкаў на вуліцы Iнтэрнацыянальнай, на чарзе — гурбы ў дварах шматпавярховак. З пачатку снегападаў вывезена ўжо 2.760 тон снегу.
На пярвічны прыём у хірургічнае аддзяленне райпаліклінікі з пачатку года звярнулася 13 дарослых і 11 дзяцей з рознымі траўмамі і 1 чалавек, які пацярпеў ад халадоў і атрымаў абмаражэнне канечнасцей.
Вакальная група “Крышталь” пад кіраўніцтвам Аксаны Мысюцінай з IV міжнароднага конкурсу-фестывалю “Славянскія сустрэчы”, што прайшоў у сталіцы і прыняў айчынных маладых артыстаў і прадстаўнікоў Кітая, Азербайджана, Казахстана, Расіі, прывезла дзве ўзнагароды. У намінацыі “эстрадна-вакальны ансамбль” малодшы састаў “Крышталя” (дзяўчынкі 8-9 гадоў), заваяваў Дыплом лаўрэата III ступені, больш сталыя ўдзель-ніцы групы папоўнілі прызавую скарбонку калектыву фестывальным “срэбрам”.
78 мільёнаў рублёў выдаткавалі летась жыхары і госці раёна на паслугі платнай аўтастаянкі, якая мае 49 месцаў для захавання машын. Тут аддаюць свае транспартныя сродкі пад ахову як прыватныя асобы, так і арганізацыі. Большая частка кліентаў — пастаянныя: разавы сутачны талон каштуе 12 тысяч рублёў, месячны абанемент — усяго 181.
У раённы цэнтр сацабслугоўвання насельніцтва ў 2015 годзе за прызначэннем сямейнага капіталу звярнулася 79 шматдзетных сем’яў. Лік сем’яў, якія атрымалі статус шматдзетных, дасягнуў 513, прычым у 10 з іх трэцяе і наступнае дзіця нарадзілася ў тры апошнія месяцы года. Зараз у раёне 407 сем’яў гадуюць трох дзяцей, 75 — чацвярых, 24 — пецярых, 6 сем’яў выхоўваюць па 6 дзяцей, а ў адной падрастае аж 7 рабят ва ўзросце да 18 гадоў.
Колькасць другаснай сыравіны, якую прынялі ў пункце райста за год, у параўнанні з паказчыкам 2014 года склала 198,2%: 4.125,5 тоны чорнага і 135,9 каляровых металаў паступіла ад насельніцтва, фізічныя асобы і арганізацыі аддалі на паўторную перапрацоўку адпаведна 173,6 і 264,7 тоны макулатуры, 2,8 і 8,3 — другаснага тэкстылю, 73,8 і 2,8 — шклабою. Рэкардсменам стаў былы ва ўжыванні поліэтылен: яго здалі 11,7 тоны — 254,3%.
ЭТО ТОЖЕ ИНТЕРЕСНО!
-
26.02.2016 Асіповічы: коратка аб розным
-
17.07.2015 Асіповічы: коратка аб розным
-
06.11.2015 Асіповічы: коратка аб розным
-
16.01.2017 Асіповічы: коратка аб розным
-
29.01.2016 Асіповічы: коратка аб розным
-
17.04.2015 Асіповічы: коратка аб розным
Загрузка ...
