Наш адрес: г. Осиповичи, ул. Сумченко, 55.

Асіповічы: хроніка здарэнняў

Опубликовано: Елена ЛЕПЛЯНИНА-КУБАРЬ

Вторник, 24.11.2015 12:36. Рубрика: Хроніка  Tags: , , , , , ,   

РАУС

У перыяд з 16 па 22 лістапада выяўлена 2 трупы без прыкмет гвалтоўнай смерці. Зафіксаваны факт парушэння антыалкагольнага заканадаўства. Устаноўлена месцазнаходжанне 2 асоб, якія знаходзіліся ў вышуку. У ЦРБ звярнулася гараджанка, якой у ходзе сумеснага распіцця спіртнога траўмы нанёс сужыцель. Пазней меддапамога спатрэбілася і жыхарцы в. Лучыцы: на глебе непрыязных адносін яе збіў і пагражаў фізічнай расправай таксама сужыцель. Праводзіцца праверка па заявах ад двух грамадзян: 22 лістапада ў кафэ “Правінцыя” іх збіла, пагражала расправай і кідалася з нажом жыхарка райцэнтра.

РАСК

Распачата 11 крымінальных спраў.

Устаноўлена асоба грамадзяніна, які 12 лістапада скраў маёмасць з аўтамабіляў: жыхар г.п. Рудзенск Пухавіцкага раёна. Частка скрадзенага канфіскавана.

Больш за 3 млн рублёў шляхам падману выкраў непрацуючы грамадзянін — пад падставай продажу мабільнага тэлефона.

ДАI

Папярэджана 158 фактаў парушэння ПДР, да адказнасці прыцягнуты 41 парушальнік хуткаснага рэжыму, 3 нецвярозыя вадзіцелі, 19 пешаходаў. Адбылося 5 ДТЗ.

18 лістапада вадзіцель гарадскога аўтобуса праявіў няўважлівасць, “МАЗ” пачаў самаадвольны рух, і пасажырка, якая страціла раўнавагу, атрымала траўму.

Увага! З 24 лістапада па 4 снежня праводзіцца рэспубліканская прафілактычная акцыя “Жыццё даражэй за шыны!”

АУСТ

Складзена 79 адміністрацыйных пратаколаў, суправоджана 207 цягнікоў, з якіх знята 24 правапарушальнікі, у спецізалятар дастаўлена 4 чалавекі, знойдзена 2 асобы, што знаходзіліся ў вышуку. Узбуджана крымінальная справа па факце незаконнага абароту наркатычных сродкаў. Устаноўлена асоба, якая ўчыніла крадзеж дросельных перамычак на ст. Асіповічы-3.

Спецізалятар

Размешчана 48 чалавек, у іх ліку 14 сямейных скандалістаў, 8 жанчын, 1 іншагародні і 2 чалавекі, што ўчынілі дробнае хуліганства.

РАНС

17 лістапада на вул. Камуністычнай выяўлены безгаспадарны рукзак. Пасля праверкі яго змесціва факт мініравання не пацвердзіўся.

IАЖіРС

Выяўлена 5 парушэнняў правілаў вядзення рыбалоўнай гаспадаркі і рыбалоўства.

Твитнуть 0

Добавить комментарий

« Свіслацкая кругасветка асіповіцкіх журналістаў
 »