Наш адрес: г. Осиповичи, ул. Сумченко, 55.

Далейшых поспехаў пажадалі начальніку РААСіТ Наталлі Шаўчэнка з нагоды яе 50-гадовага юбілею

Опубликовано: Асiповiцкi Край

Вторник, 1.04.2014 15:43. Рубрика: Адукацыя, Людзі  Tags: , ,   

28 сакавіка ў актавай зале аддзела адукацыі, спорту і турызму райвыканкама прайшло ўрачыстае віншаванне начальніка РААСіТ Наталлі Шаўчэнкі з нагоды яе 50-гадовага юбілею.

shevchenko

На сённяшняй пасадзе яна — колішняя настаўніца матэматыкі з СШ № 2 — працуе 12 гадоў, і дастаткова ўспомніць, што начальніку аддзела давялося прымаць меры на ўзроўні раёна па мінімізацыі наступстваў датэрміновага завяршэння непапулярнай рэформы школьнай адукацыі (пераход на 12-гадовае навучанне адмянілі ў 2008 годзе), адказваць за выніковасць мадэрнізацыі матэрыяльнай базы вясковых устаноў у межах дзяржпраграмы па стварэнні аграгарадкоў, займацца цяжкай і няўдзячнай справай аптымізавання колькасці школ і, нарэшце, ствараць новую ўпраўленчую адзінку — аддзел адукацыі, спорту і турызму — падчас мінулагодняй рэформы дзяржапарату.

Пры гэтым — штодзень займацца мноствам вялікіх і малых спраў, з якіх складаецца ўпраўленне сістэмай асіповіцкай адукацыі. Якая, дарэчы, уключае 56 навучальных і выхаваўчых устаноў, дзе працуюць каля 2.000 дарослых і атрымліваюць веды звыш 7.000 дзяцей…

Выніковасць работы кіраўніка? Калектыў, які яна ўзначальвае, з 2006 па 2013 год у абласным конкурсе сярод раёнаў з колькасцю насельніцтва звыш 25.000 чалавек шэсць разоў займаў першае месца і двойчы — 2009 і 2012 гады — другое.

Сёння 81% педагагічных кадраў мае вышэйшую і першую педагагічную катэгорыі, шмат робіцца для далейшага ўмацавання матэрыяльна-тэхнічнай базы ўстаноў адукацыі, паляпшэння арганізацыі гарачага харчавання дзяцей і г.д. А яшчэ кіраўнік      РААСіТ праяўляе сябе ў грамадскай рабоце — Наталля Шаўчэнка ўзначальвае раённую арганізацыю РГА “Белая Русь”.

Не будзе перабольшваннем адзначыць, што Наталля Iванаўна ўваходзіць у шэраг лепшых упраўленцаў асіповіцкай адміністрацыі. А таму давайце і пажадаем ёй далейшага плёну ва ўсіх пачынаннях, сілы і крэатыўнасці, каб і надалей трымаць якасць школьнай адукацыі рэгіёна на ўзроўні, які адпавядае патрабаванням часу.

Твитнуть 0

Добавить комментарий

« 
 »