Наш адрес: г. Осиповичи, ул. Сумченко, 55. Электронная почта: [email protected]. Отдел рекламы: (02235) 57-0-87. Тел.-факс: (02235) 56-3-89

Дзеткі і кветкі (№ 23)

Опубликовано: Редактор

Пятница, 19.03.2010 12:31. Рубрика: Адукацыя    


Натуральна,
што гарадскія хлопчыкі і дзяўчынкі стасуюцца з прыродай менш, чым вясковыя.
Аднак гэта вельмі важная ўмова для станаўлення ўсебакова развітай асобы. Таму ў
«бетонных джунглях” дарослыя не павінны забывацца на экалагічнае выхаванне
сваіх нашчадкаў.

Дзіцячы садок №
11 «Зорачка” ўжо на працягу 12 год працуе па нацыянальнай праграме дашкольнай
адукацыі «Пралеска”. Асаблівую ўвагу педагогі надаюць яе падраздзелу «Чалавек і
прырода”. Асновы экалагічнай культуры яны прывіваюць малым ужо з 2 год. На
даходлівых прыкладах ім даводзяць, што трэба беражліва ставіцца да навакольнага
асяроддзя. Дзякуючы гэтаму, дзеці, падрастаючы, пачынаюць разумець прыгажосць і
каштоўнасць і маленькага расточка, і вялікага дрэва.

Важнае
значэнне ў выхаваўчым працэсе надаецца і непасрэднаму кантакту з прыродай.
Садок размешчаны на ўскраіне горада, таму малых можна вывесці на свежае
паветра, пагуляць з імі ўздоўж ракі Сіняй. Акрамя таго ўсе работнікі, у тым
ліку і сама загадчыца, з вялікім задавальненнем займаюцца «азеляненнем” сваёй
установы. Візітнай карткай «Зорачкі” з’яўляецца аранжарэя, у якой налічваецца 35
відаў дэкаратыўных пакаёвых раслін. Для яе адведзены 20-метровы калідор, які
злучае два корпусы садка. Ва ўсіх групах таксама багата зеляніны. А з надыходам
вясны і да першых маразоў тэрыторыя вакол да-школьнай установы патанае ў моры
рознакаляровых кветак.

— «Зорачка”
для нас як другі дом, — кажа загадчыца Любоў Шалімава. — Хочацца, каб кожны
куток тут быў утульным і прыгожым. Гэтыя пачуцці імкнемся перадаць і 135 сваім
выхаванцам. Яны не толькі любуюцца хараством наваколля, але і самі дапамагаюць
«падтрымліваць” яго ў належным стане. Дзеткі малодшага ўзросту паліваюць кветкі
ў групах. Старэйшых вучым абрываць з раслін сухія лісцікі, рыхліць вакол іх
зямлю і збіраць насенне. Акрамя таго кожная група да-глядае за клумбамі на
ўласных участках. Свой уклад у агульную справу робяць і бацькі: забяспечваюць
расадай і грунтам. Яшчэ нашы дзеткі клапоцяцца і пра птушак. Выхавальніцы Марыя
Ціханенка ды Аліна Багаценка развесілі вакол садка багата кармушак. Малыя,
гледзячы на іх, таксама нясуць у садок пачастункі для сінічак і вераб’ёў.
Экалагічная культура закладае падмурак для маральнага выхавання. Раз хлопчыкі і
дзяўчынкі дапамагаюць нам, то, спадзяемся, будуць дапамагаць і іншым людзям.

Пасля
наведвання «Зорачкі” ствараецца ўражанне, што там заўжды пануе веснавы настрой.
Яе супрацоўнікі даўно чакаюць надыходу цяпла, каб заняцца ўпрыгожваннем
прыналежнай тэрыторыі. А пакуль за акном яшчэ ляжыць снег, ёсць час падумаць
над тым, якімі будуць сёлетнія кветнікі вакол садка.

Вольга
ЖАРНАСЕК.

 

Твитнуть 0

Добавить комментарий

« 
 »