15.1 C
Осиповичи
Вторник, 9 августа, 2022
Еще

    Ад прадзедаў спакон вякоў…

    Популярное

    Асiповiцкi Крайhttp://gzt-akray.by
    Издание существует с 1931 года. Сегодня "Асіповіцкі край" выходит дважды в неделю по вторникам и пятницам. Тираж - около 5 тыс. экземпляров. Приоритетная тема для журналистов "районки" - жизнь Осиповщины: люди, работа предприятий и организаций, массовые мероприятия и многое другое. Оставайтесь с нами!

    У экспазіцыйнай зале “Прырода роднага краю” Дараганаўскага школьнага музея прадстаўлены флора і фаўна нашага рэгіёна. Тут знаходзяцца цікавыя і нават незвычайныя музейныя прадметы, якія не заўсёды можна ўбачыць, блукаючы па лясных сцежках. А ў музеі яны знайшлі пастаянную прапіску.

    Акамянелая ракавіна марскога вожыка, якой больш за 200 мільёнаў гадоў, знойдзена каля вёскі Радуцічы гісторыкам і краязнаўцам Валерыем Шчагловым. Галаваногія малюскі, белемніты, або чортавы пальцы. Усе гэтыя знаходкі — сведчанне таго, што некалі на тэрыторыі Беларусі плёскаліся марскія хвалі.

    Незвычайная геалагічная калекцыя музея. Яна прадстаўлена рознымі горнымі пародамі. У ёй знаходзяцца невялікія адбіткі папаратнікаў, акамянелае дрэва, каралы і каралавы вапняк, вапняк-ракушачнік, горны крышталь, прыродная сера, аманіты, драўляны вугаль для кавальскага горна, клык невядомай жывёлы, каменны ідал, або “Курыны бог”, што выкарыстоўвалі для адпужвання тхароў мясцовыя жыхары аж з бронзавага веку і да XVIII ст.

    Асноўную частку геалагічнай калекцыі складаюць музейныя прадметы, якія перадала музею жонка геолага Аляксандра Трушнікава — выпускніка Дараганаўскай школы, які загінуў у час адной з паўночных экспедыцый.

    Тут жа можна ўбачыць старажытныя каменныя сякеры — рубілы, крэмневыя прылады працы і крамнёвыя пласціны эпохі мезаліту, кавалкі гліняных вырабаў, а таксама невялікую шліфаваную каменную сякеру бронзавага веку. Знайшоў яе жыхар вёскі Радуцічы Анатоль Аўдзейчык на сваім падворку, а дакладней, куры, шукаючы сабе ежу. Верхні слой зямлі не даваў ад-крыцца такой цікавай каменнай прыладзе працы вачам прадстаўнікоў папярэдніх пакаленняў. Усе гэтыя сведкі глыбокай даў-ніны знойдзены на берагах ракі Пціч.

    Прасліца — рэч з выгляду маленькая, але гэта знаходка, якой можам ганарыцца. Сведчыць аб гандлёвых шляхах, судаходнасці ракі Пціч, па якой хадзілі, напэўна, лодкі вікінгаў. І трапіла яна ў нашы мясціны з Кіеўскай Русі.

     

     

    Валянціна Аўдзейчык,

    дырэктар Дараганаўскага школьнага комплекснага краязнаўчага музея.

    Предыдущая статьяТворчасць не мае межаў
    Следующая статьяКаникулы – без дыма и огня!

    ОСТАВЬТЕ ОТВЕТ

    Пожалуйста, введите ваш комментарий!
    пожалуйста, введите ваше имя здесь

    Реклама

    Последнее