3.7 C
Осиповичи
Суббота, 27 ноября, 2021
Еще

    Торжественное мероприятие, посвященное Дню работников сельского хозяйства прошло в Осиповичах

    Популярное

    “Дажынкі-2021”

    Урачыстае мерапрыемства, прымеркаванае да знакавай падзеі ў працоўным календары работнікаў сельскай гаспадаркі і прадпрыемстваў перапрацоўчай прамысловасці АПК, прайшло ў мінулую пятніцу ў ГЦК «Ровесник».

    Распачаўся фэст з сімвалічнага ўручэння караваяў кіраўнікам гаспадарак і галоўнага дажыначнага каравая старшыні райвыканкама Канстанціну Жыгуцкаму. Знакавыя атрыбуты свята вырабляліся на ААТ «Асіповіцкі хлебазавод», і мясцовыя хлебапёкі пастараліся зрабіць іх прыгожымі, духмянымі і, безумоўна, смачнымі.

    Рапартавала аб выніках хлебаўборачнай кампаніі намеснік старшыні райвыканкама — начальнік упраўлення па сельскай гаспадарцы і харчаванні Галіна Лявонава. Работы выкананы своечасова, якасна і з максімальна магчымым вынікам: сабрана звыш 18 тысяч тон зерня сярэдняй ураджайнасцю 25,4 цэнтнера з гектара.

    Радасць стваральнай працы раздзялілі і ганаровыя госці мера-прыемства — кіраўнік спраў Магілёўскага аблвыканкама Мікалай Дзядкоў і член Савета Рэспублікі Нацыянальнага сходу Рэспублікі Беларусь Сяргей Анюхоўскі.

    Дасягнуўшых найлепшых поспехаў падчас жніва віншаваў Канстанцін Жыгуцкі, які ў сваім прывітальным слове падкрэсліў, што гэта свята вянчае працу соцень і нават тысяч людзей. Не толькі камбайнеры і вадзіцелі, але і спецыялісты многіх галін, дзясяткаў прадпрыемстваў і арганізацый прымалі ўдзел і садзейнічалі паспяховай уборцы збожжа. Кіраўнік раёна выказаў словы шчырай удзячнасці ўсім перадавікам і ўдзельнікам жніва за добрасумленную працу і асабісты ўклад кожнага ў сацыяльна-эканамічнае развіццё Асіповіччыны.

    Вельмі дапамаглі сялянам работнікі прамысловых прадпрыемстваў і ўстаноў раёна. Асабліва важкі ўнёсак у агульную справу зрабілі ДДЛГУ «Асіповіцкі доследны лясгас», ДЭУ № 73, ДРБУ № 199, УКП ЖКГ, Аўтапарк № 19, ААТ “ПМК № 95 “Вадбуд” і іншыя.

    Канстанцін Жыгуцкі таксама адзначыў станоўчыя тэндэнцыі ў развіцці перапрацоўчай прамысловасці раёна, якія задаюць філіял «Асіповіцкі» ААТ «Бабушкина крынка», ААТ «Асіповіцкі хлебазавод», Асіповіцкі вытворчы ўчастак ААТ “Бабруйскі камбінат хлебапрадуктаў”, ААТ “Рыбгас «Свіслач»…

    Поспехаў, удачы ва ўсіх пачынаннях і простага чалавечага шчасця жадаў асіповіцкім аграрыям госць з абласнога цэнтра Мікалай Дзядкоў. Ён уручыў Падзяку Магілёўскага абласнога выканаўчага камітэта трактарысту-машыністу гаспадаркі «Вязаўніца-Агра» Аляксандру Белякову і слесару-рамонтніку “ЖорнаўкіАгра” Уладзіміру Доўнару.

    Ганаровымі граматамі абласнога Камітэта па сельскай гаспадарцы і харчаванні адзначана праца слесара «Вязаўніцы-Агра” Паўла Грыцкевіча, намесніка дырэктара «Авангард-Нівы» Юрыя Сычэвіча, галоўнага інжынера “ЖорнаўкіАгра” Міхаіла Чарапка.

    Заслужаныя ўзнагароды ўручылі рупліўцам старшыня райсавета дэпутатаў Сяргей Сувееў і старшыня райкама прафсаюза работнікаў АПК Святлана Сідарэнка.

    Як і ў іншыя гады, добрым памочнікам у сельгаспрадпрыемствах сёлета была вучнёўская моладзь. За актыўны ўдзел у рабоце студатрадаў першым сакратаром райкама БРСМ Максімам Кавальчуком былі адзначаны навучэнцы прафесійна-тэхнічнага каледжа Павел Логінаў, Дзмітрый Лявонаў, Сцяпан Шаціла, Аляксандр Шляхцін, Мікіта Макарскі, Уладзіслаў Ганчаронак, Вікторыя Мізаўцова, Ягор Патупчык і вучаніца гімназіі Ангеліна Доўгаль.

    * * *

    «Дажынкі» праводзяцца ў фармаце фестывалю-кірмашу, а гэта прадугледжвае пэўны сінтэз прыгожага і карыснага. На сцэне святочны настрой стваралі вядомыя землякам калектывы і выканаўцы: «Люлечка», «Асарці», «Вязанка», «Сузор’е», «Чыстыя крыніцы», «Крынічка», «Капрыз», «Пералёўцы», духавы аркестр 51 артылерыйскай брыгады, Святлана Кавальчук, Ганна Бабчанок, Дзяніс Сідарэнка.

    У наведвальнікаў свята была магчымасць набыць цікавую сувенірную прадукцыю, вязаныя рэчы. Гасцей запрашалі з густам аформленыя падворкі ўстаноў культуры, палаткі гандлёвых арганізацый.

    Прадстаўнікі асіповіцкай перапрацоўчай прамысловасці наладзілі не толькі продаж прадукцыі, але і яе дэгустацыю. На іх фуд-кортах можна было пакаштаваць як новыя віды прадукцыі, так і тыя, што ўжо карыстаюцца заслужанай папулярнасцю ў спажыўцоў.

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    Осиповичанка Мария Серебрякова победила в престижном научно-исследовательском конкурсе

    Вучаніца 10 класа сярэдняй школы № 3 прадставіла на суд журы XVIII Міжнароднага юніёрскага ляснога конкурсу праект пад назвай “Мікалагічны маніторынг лясных экасістэм і апрабацыя методык павышэння ўраджайнасці грыбных месцаў”, над якім працавала разам з васьмікласніцай Арынай Барадаўкай і настаўнікам хіміі і біялогіі Святланай Зайцавай.

    Как зажигаются звезды эстрады в Осиповичах

    Чтобы достичь успеха в творчестве, человеку нужны талант и настойчивость. Но не менее важно, чтобы кто-то помог этот талант раскрыть и направить в правильное русло

    Недавно на территории Осиповичского района правоохранительными органами проводился комплекс мероприятий, направленных на пресечение экстремистской деятельности в регионе

    В результате принятых мер выявлен ряд лиц, которые на систематической основе хранили и распространяли по интернет-каналам материалы экстремистского характера. Следует добавить, что попавшие в поле зрения представителей силового блока земляки являлись подписчиками регионального Telegram-чата, который также признан экстремистским.

    Интересное об Осиповичской дистанции сигнализации и связи

    Осиповичская дистанция сигнализации и связи была образована 28 ноября 1928 года. В те былинные времена ее ключевым звеном был телефонно-телеграфный цех, в котором на семи аппаратах работало 30 телеграфистов, а главными исполнительными устройствами — примитивные семафоры.

    Осиповичская райорганизация профсоюза работников образования и науки — одна из крупнейших в регионе

    Осиповичская райорганизация профсоюза работников образования и науки — одна из крупнейших в регионе. В ее составе 55 первичек, членами которых является 98,1% из числа работающих в отрасли