-5 C
Осиповичи
Суббота, 22 января, 2022
Еще

    Осиповичской «Люлечке» — 30 лет

    Популярное

    Культура

    “Люлечка” песню люляе

    Што такое 30 гадоў для чалавека? Па сутнасці, самы росквіт сіл і магчымасцей. Для творчага калектыву тры дзесяцігоддзі — гэта велізарны адрэзак часу, які складаецца з унушальнага рэпертуару, шырокай гастрольнай геаграфіі і непазбежных пературбацый у калектыве.

    У народнага ансамбля народнай песні і музыкі “Люлечка” раённага Цэнтра культуры два дні нараджэння. Першы — гэта год стварэння. “Люлечка” з’явілася ў 1988 годзе дзякуючы намаганням маладога спецыяліста Людмілы Грынько, якая прыехала па размеркаванні ў Асіповічы. Дзяўчына валодала не толькі ўнікальным тэмбрам голасу, унушальнымі ведамі, але і вялікім жаданнем захоўваць і папулярызаваць народную песню. Таму не здзіўляе той факт, што пад кіраўніцтвам Людмілы Уладзіміраўны калектыў неаднаразова ўзнагароджваўся граматамі, дыпломамі і каштоўнымі падарункамі за высокі прафесіяналізм, актыўна гастраляваў як у Беларусі, так і за яе межамі, а ў 1991 годзе атрымаў званне народнага і пачаў сваё існаванне ў новым статусе, якому сёлета і спаўняецца 30 гадоў.

    Наступны этап у творчай біяграфіі “Люлечкі” звязаны з імем Вольгі Давідовіч, кіраўніка дзіцячага ўзорнага фальклорнага калектыву “Васілінкі” дзіцячай школы мастацтваў № 2. Яна ўзначаліла ансамбль у 1998 годзе. Вольга Іванаўна працягнула работу, распачатую папярэдніцай, але суадносна часу зрабіла “Люлечку” часткай медыяпрасторы. Музыкантаў неаднаразова запрашалі на здымкі перадач абласнога і рэспубліканскіх тэлеканалаў.

    З 2005 года кіраўніком ансамбля стала Наталля Андрушкевіч, якая да гэтага была ў калектыве канцэртмайстрам. З матчыным малаком яна ўвабрала любоў да народнай песні, і многія з пачутых у дзяцінстве мелодый Наталля ўнесла ў рэпертуар “Люлечкі”. Сёння ў спісе твораў для выканання больш за 40 песень і танцаў. Туды ўключаюцца не толькі аўтэнтычныя кампазіцыі, але і іх аўтарская апрацоўка, зробленая Наталляй Андрушкевіч. Павялічылася і колькасць запісаных фанаграм, што дае магчымасць рабіць яркія, незабыўныя выступленні на адкрытых пляцоўках.

    Дзякуючы неўтаймаванай энергіі і амбіцыёзнасці Наталлі “Люлечка” стала першым самадзейным калектывам у рэспубліцы, які зняў музычны кліп да народнай песні “Купалася Кася ў моры”. Хутка адбудзецца прэзентацыя другога кліпа “Ой, там за гарамі”.

    — З цягам часу змяніўся падыход да падбору і выкананння музычных твораў. Мы сталі кіравацца прынцыпам “усё для людзей”, — адзначае Наталля Андрушкевіч. — Гэта значыць, складаем праграму такім чынам, каб удзельнікам ансамбля было цікава яе выконваць, а слухачы атрымлівалі асалоду ад якаснай работы артыстаў. Таму зараз перад “Люлечкай” стаіць дзве мэты: захаваць аўтэнтычнасць твораў і знайсці спосаб прыгожай іх падачы. Самы надзейны забіць адразу двух зайцаў мне бачыцца ў далучэнні моладзі. Трэба даць пачынаючым талентам праявіць сябе, знайсці ўласны шлях да разумення ўсёй мудрасці, важнасці і прыгажосці народнай песні. І гледзячы на юнакоў і дзяўчат, якія прыходзяць да нас, думаю, што з гэтым яны абавязкова справяцца!

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    «Читаем» старую фотографию

    “А чё это вы тут делаете, а?” Старые снимки рассматривать интересно. Особенно если обращать внимание на детали… На фотографии написано, что она сделана в деревне Бозок....

    Бытовое обслуживание на Осиповщине

    Усе хочуць жыць камфортна З цягам часу ўсё больш прадпрымальнікаў прапануе насельніцтву паслугі па рамонце складанай бытавой тэхнікі, нямала з’явілася прыватных цырульняў, абутковых майстэрань. Але...

    Осиповичский “Маяк” и новые задачи

    Коллегия, на которой подводились итоги работы национальной системы Госрезерва, прошла на базе учреждения по хранению материальных ценностей "Маяк" МЧС Республики Беларусь. Первый заместитель министра по...

    Надежный защитный барьер

    Еженедельный анализ заболеваемости острыми респираторными инфекциями свидетельствует о ее снижении за вторую календарную неделю января на 6,1%, при этом превышает показатель аналогичного периода прошлого...

    Мы родились!

    В декабре отделом ЗАГС райисполкома зарегистрированы новорожденные: В городе Осиповичи: Алексей Алексеев, Алина Халево, Ника Рогозова, Сергей Буловацкий, Александр Буловацкий, Валерия Жданович, Ярослава Шведова, Елизавета...