3.7 C
Осиповичи
Суббота, 27 ноября, 2021
Еще

    Недавно в осиповичском историко-краеведческом музее прошла литературная гостиная

    Популярное

    Творчасць

    Куточкі чалавечых душ

    Днямі ў раённым гісторыка-краязнаўчым музеі адбылася літаратурная гасцёўня, на якой Тамара Кавальчук прэзентавала дзве новыя кнігі, якія сёлета ўбачылі свет

    Паэтычныя радкі, выкліканыя прыгажосцю прыроды, яркімі пачуццямі, філасофскімі разважаннямі, у душах землякоў нараджаюцца не так і рэдка. Звычайна яны занатоўваюцца. А далейшы лёс у вершаў розны. Адны так і захоўваюцца ў сшытачку ў патаемным месцы, іншыя гучаць у розных аўдыторыях ці, пакладзеныя на музыку, ідуць (больш дакладна, ліюцца) у масы. Некаторым удаецца трапіць на старонкі газеты. А нейкай частцы дастаецца лёс выйсці ў свет асобным зборнікам, каб прадоўжыць уласнае жыццё.

    На Асіповіччыне не так многа паэтаў выдалі кнігі сваіх твораў. Сярод іх толькі два члены Саюза пісьменнікаў Беларусі — гэта Лёля Багдановіч і Тамара Кавальчук.

    Апошняя спрабуе сябе ў розных літаратурных жанрах. Напрыклад, новы зборнік называецца «Ларэц паданняў». У ім змешчаны легенды і паданні, якія Тамара пачула калісьці, а затым літаратурна апрацавала. Наогул яна ўжо надрукавала 16 кніг, напісаных на абедзвюх дзяржаўных мовах. Назвы захапляюць сваёй лірычнасцю і любоўю да Радзімы: «Мой казачны край», «Души закрома золотые», «Уголки человеческих душ», «Па роднай старонцы». Паэтэса з’яўляецца літаратурным рэдактарам Міжнароднага літаратурна-мастацкага альманаха «Сузор’е», пераможцай многіх міжнародных літаратурных конкурсаў. Расійскім Саюзам пісьменнікаў узнагароджана зоркай «Наследие» ІІІ ступені, медалём Ганны Ахматавай і Георгіеўскім медалём.

    І, хоць сваёй малой радзімай лічыць нараўлянскую зямлю, дзе прайшло яе дзяцінства, Асіповічы сталі другім родным домам на доўгія гады. Тут яна нарадзілася як пісьменніца і паэтэса. Дарэчы, вершы сталі класціся на паперу толькі некалькі гадоў таму. Раней яны нараджаліся ў душы, але там і захоўваліся, чакаючы свайго часу, набіраліся сакавітасці і нейкай жыццёвай мудрасці, каб потым знайсці свой дакладны шлях да чытачоў. А што ў паэтэсы ёсць свае чытачы, пераканала літаратурная сустрэча. Людзі, якія самі друкуюцца, а таксама тыя, хто не піша, але сябруе з паэтычным словам, цікавіцца вершамі, сабраліся ў зале музея, каб чарговы раз паслухаць творы, напоўненыя глыбокім сэнсам, якія застаўляюць задумацца аб вечных каштоўнасцях, сэнсе жыцця.

    Вершы перамяжаліся з песнямі, якія выканалі матуля і сын Марыя і Іван Гнядзько. Адметна, што творы Тамары Кавальчук гучалі не толькі з вуснаў аўтара. Іх чыталі паэты з Бабруйска, якія прыехалі на мерапрыемства, а таксама асіпаўчане самых розных прафесій.

    Размова вялася доўга, паступова перайшоўшы ў фармат гутаркі за чаем, дзе абмяркоўваліся разнастайныя тэмы. Паэзія — гэта ж і ёсць само жыццё са сваімі раўнінамі і пагоркамі, ручаінамі і купінамі. Тым і прывабнае.

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    Осиповичанка Мария Серебрякова победила в престижном научно-исследовательском конкурсе

    Вучаніца 10 класа сярэдняй школы № 3 прадставіла на суд журы XVIII Міжнароднага юніёрскага ляснога конкурсу праект пад назвай “Мікалагічны маніторынг лясных экасістэм і апрабацыя методык павышэння ўраджайнасці грыбных месцаў”, над якім працавала разам з васьмікласніцай Арынай Барадаўкай і настаўнікам хіміі і біялогіі Святланай Зайцавай.

    Как зажигаются звезды эстрады в Осиповичах

    Чтобы достичь успеха в творчестве, человеку нужны талант и настойчивость. Но не менее важно, чтобы кто-то помог этот талант раскрыть и направить в правильное русло

    Недавно на территории Осиповичского района правоохранительными органами проводился комплекс мероприятий, направленных на пресечение экстремистской деятельности в регионе

    В результате принятых мер выявлен ряд лиц, которые на систематической основе хранили и распространяли по интернет-каналам материалы экстремистского характера. Следует добавить, что попавшие в поле зрения представителей силового блока земляки являлись подписчиками регионального Telegram-чата, который также признан экстремистским.

    Интересное об Осиповичской дистанции сигнализации и связи

    Осиповичская дистанция сигнализации и связи была образована 28 ноября 1928 года. В те былинные времена ее ключевым звеном был телефонно-телеграфный цех, в котором на семи аппаратах работало 30 телеграфистов, а главными исполнительными устройствами — примитивные семафоры.

    Осиповичская райорганизация профсоюза работников образования и науки — одна из крупнейших в регионе

    Осиповичская райорганизация профсоюза работников образования и науки — одна из крупнейших в регионе. В ее составе 55 первичек, членами которых является 98,1% из числа работающих в отрасли