5.1 C
Осиповичи
Понедельник, 18 октября, 2021
Еще

    Как работает Вязовницкий клуб сегодня

    Популярное

    Клубная ўстанова

    Арыентацыя — на дзяцей

    Клубныя ўстановы ва ўсе часы накіраваны на правядзенне масавых мерапрыемстваў. Таму апошнія два гады сталі свайго роду выпрабаваннем для работнікаў культуры: у сувязі са складанай эпідэмічнай сітуацыяй збіраць вялікую колькасць людзей у адным памяшканні забараняюць медыкі. І тым не менш прафесійных абавязкаў ніхто не адмяняў. Таму даводзіцца шукаць выйсце — і яно знаходзіцца.

    Так, Вязаўніцкі клуб, які ўзначальвае Жанна Ліхадзіеўская, перанёс усе мерапрыемствы ў рэжым open-air. Навагодняе свята, Каляды, Масленіца, Купалле — усё на свежым паветры. Дадаюцца нейкія новыя моманты, ствараецца адпаведны антураж — і звыклае свята набывае новае гучанне, праходзіць цікава, весела. Нават самім культработнікам спадабаўся такі фармат. Прыйшоўся ён па гусце і моладзі.

    Народны ансамбль народнай песні “Чыстыя крыніцы” пад кіраўніцтвам Алега Матусевіча таксама вёў сёлета актыўную канцэртную дзейнасць. Прадстаўнікоў старэйшага пакалення, ашчаджаючы іх здароўе, далучалі толькі да правядзення абрадаў, а мала-дзейшыя прымалі ўдзел у рэспубліканскіх фестывалях у Маладзечне, Александрыі, Бабруйску, выступалі на Дзень Незалежнасці ў райцэнтры, увайшлі ў лік пераможцаў конкурсу “Падняпроўскі гармонік”. Ездзілі з канцэртамі ў Карытнае, Радуцічы і Свіслач, выступалі ў Вяззі. У “Вязаўніцы-Агра” правялі “Зажынкі”. Адным словам, не сядзелі ў ізаляцыі.

    Нягледзячы на пільнае захаванне масачнага рэжыму і рэгулярныя дэзапрацоўкі, дзверы Дома культуры заўсёды адчынены для наведвальнікаў. Найбольш частыя госці ва ўстанове — дзеці. На іх робяць стаўку, бо гэта наша будучае. Няхай не ўсе застануцца ў сваёй вёсцы, але ж закладзенае ў дзяцінстве стане падмуркам у дарослым жыцці.

    У Доме культуры юным жыхарам Вязаўніцы прапануецца свабода выбару дзейнасці. Пераканаліся ў гэтым, пазнаёміўшыся з дзіцячымі работамі: малюнкі і фларыстычныя кампазіцыі, вырабы з прыроднага матэрыялу і ў тэхніцы канструявання з паперы. Бібліятэкар Ірына Дзяцел прымае рабят як добрая матуля: і чаем напоіць, і вучобай пацікавіцца, і мульцікі пакажа, і, безумоўна, новую кніжку прапануе. А дзеці ідуць туды, дзе ім рады. Самы актыўны ўдзел у розных мерапрыемствах прымаюць менавіта яны. Эльвіра Зінавенка, Уладзіслаў Шусцік, Цімафей Каралёў, Ульяна Руха, Максім і Вадзім Мычко, Валянціна Папова, Эдуард і Энні Краўчук, Раман Добрыкаў, Сцяпан Маслоўскі, Васіліса Улянкова, Вікторыя Белякова, Раман Ліха-дзіеўскі — гэтых рабят часценька можна сустрэць ва ўстанове. Дыскаклуб, вакальны гурток “Усмешка”, дэкаратыўна-прыкладнога  мастацтва “Рукадзельніца”, выяўленчага мастацтва “У свеце фарбаў”, велапаходы па легендарных мясцінах на тэрыторыі свайго сельсавета — тут заўсёды прапануюць штосьці цікавае.

    Творчы калектыў шмат робіць для папулярызацыі роднай мовы і культуры. Праводзяць фальклорныя святы, сцэнарыі для многіх з якіх пішуць самі. Збіраюць вырабы мясцовых майстроў.

    І наогул кожная рэч тут знаходзіць сваё прымяненне. Хтосьці аддаў даўнія фарфоравыя лялькі — рэстаўрыравалі іх сваімі рукамі. Набылі саламяны куфэрак — ён стаў атрыбутам многіх свят.

    А яшчэ сёлета работнікі Дома культуры сталі практыкаваць правядзенне сямейнай гасцёўні, калі кожная сям’я расказвае пра свае традыцыі і захапленні. Напры-клад, некалькі пакаленняў сям’і Коўрык займаліся конегадоўляй, а малодшая з іх Надзейка, нават не ведаючы гісторыі сям’і, падсвядома малявала скакуноў розных масцей і парод, яе работы выстаўляліся ў бібліятэцы. Плануецца гэту форму практыкаваць і далей: яна садзейнічае ўмацаванню сямей і пашырэнню ведаў жыхароў пра сваіх землякоў.

    Расказваючы пра работу ўстановы, Жанна Уладзіміраўна гаворыць, што калектыў Дома культуры — гэта дружная каманда, у якой у кожнага ёсць свае абавязкі. Алег Матусевіч — адзіны ў раёне мужчына-культарганізатар. Ён не толькі можа правесці цікавае мерапрыемства, але і сам цудоўна спявае, іграе на музычных інструментах, а яшчэ займаецца добраўпарадкаваннем сваёй установы: лавачкі, арэлі, млын і іншыя драўляныя малыя архітэктурныя формы зроблены менавіта ім. Прыбіральшчыца Анжэла Маслоўская прымае ўдзел у фестывалях, дапамагаючы арганізаваць падворак, гатуе цудоўную выпечку. Бібліятэкар Ірына Дзяцел афармляе выставы і падбірае цікавы друкаваны матэрыял. Канцэртмайстар Сцяпан Саханчук дапамагае развучыць новыя песні. Пажылыя наведвальнікі ўстановы культуры дзеляцца каштоўнымі ўспамінамі, юныя — зараджаюць радасцю і аптымізмам. А ўсе разам робяць адну карысную справу.

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    В Осиповичском районе стартовала кампания иммунизации населения против гриппа, которая продлится по 1 января 2022 года

    Подготовьтесь к сезонному подъему  заболеваемости гриппом заранее! Ежегодная вакцинация против гриппа — одно из глобальных и наиболее эффективных профилактических мероприятий. Сегодня особенно важно не допустить...

    Поддержка материнства и детства – один из национальных приоритетов Беларуси

    Поддержка материнства и детства в Беларуси включает обеспечение необходимых условий труда, медицинское сопровождение беременных женщин, предоставление социальных отпусков, выплата пособий и др. По информации Министерства труда и соцзащиты Республики Беларусь, в текущем году расходы на выплату пособий составят порядка 2,5 млрд. рублей. Они выплачиваются на 440 тысяч детей или каждого четвертого ребенка в стране.

    Новые точки на карте “огненных деревень”

    В рамках проекта "Электронная книга "Память" сформирована региональная база данных "Огненные деревни Осиповичского района", которая включает 83 населенных пункта, полностью или частично уничтоженных в годы Великой Отечественной войны. За основу ее создания взята республиканская база данных "Сожженные деревни", которая была представлена к 70-летию Хатынской трагедии (март 2013 года) и сейчас доступна на сайте Национального архива Республики Беларусь.

    Коротко о разном. Осиповичи

    Падчас прафілактычнага мерапрыемства “Арсенал” супрацоўнікамі РАУС з незаконнага абароту канфіскавана адна незарэгістраваная дробнакаліберная вінтоўка і 95 патронаў да яе; у індывідуальных уладальнікаў агнястрэльнай зброі — паляўнічы карабін, 5 гладкаствольных паляўнічых стрэльбаў, 1 газавы пісталет (за парушэнне правілаў захоўвання агнястрэльнай зброі). Індывідуальнымі ўладальнікамі зброі здадзена на знішчэнне 2 карабіны і 4 гладкаствольныя паляўнічыя стрэльбы. Грамадзянамі добраахвотна здадзены 4 незарэгістраваныя гладкаствольныя паляўнічыя стрэльбы і 125 патронаў.

    Бывшие минчане — нынешние осиповчане. Семья, которая со столицы переехала в село

    З вёскі ў горад з’язджаюць многія. А вось у зваротным напрамку міграцыя адбываецца значна радзей. І таму калі заехалі ў Коханаўку, якую не наведвалі каля года, адразу звярнулі ўвагу на адну з сядзіб, дзе вольна гуляюць козы, паміж якімі весела скочуць аблавухія трусы. Індакачкі нават не звяртаюць увагі на катоў, якія насуперак прыроднаму інстынкту зусім не збіраюцца паляваць на птушак. Гусі, ганарліва трымаючы асанку і грэбліва паглядаючы на шматлікіх кур, асобна групкамі, нібы прадстаўнікі шляхты, праходжваюцца туды-сюды па тэрыторыі двара, а бык ляніва пазірае за ўсімі з-пад дрэва: маўляў, што возьмеш з гэтай драбязы?