12.8 C
Осиповичи
Пятница, 20 мая, 2022
Еще

    Двор Раисы Пилатович с Деревцов Осиповичского района напоминает поляну сказок

    Популярное

    Асiповiцкi Крайhttp://gzt-akray.by
    Издание существует с 1931 года. Сегодня "Асіповіцкі край" выходит дважды в неделю по вторникам и пятницам. Тираж - около 5 тыс. экземпляров. Приоритетная тема для журналистов "районки" - жизнь Осиповщины: люди, работа предприятий и организаций, массовые мероприятия и многое другое. Оставайтесь с нами!

    Захапленне

    Калі дзівосы побач

    Быццам бы і невялікая па памеры сядзіба, а столькі дзівосаў змяшчае. Тут і нейкія зайчыкі-качкі-сабачкі; і сажалка з фантанам, да якой выйшла напіцца вады чапля; і мядзведзь, што прыпыніўся з кошыкам каля пня, нібы ў чаканні Машы. Калёскі, гружаныя чыгунамі, збанамі і іншым хатнім пажыткам, быццам бы прыпыніліся па дарозе на кірмаш. І наогул кожная зона аформлена так, што застаўляе задумацца. Напрыклад, хто жыве ў дзвюх шпакоўнях, што прымайстраваны проста на зямлі і ахоўваюцца жывым катом, або аб чым папярэджваюць нейкія дзівосныя дарожныя знакі, а яшчэ — для чаго тут месціцца выразаная з ліста ДВП рэклама гандлёвага аб’екта “Макдональдс”. Пра апошнюю, дарэчы, даведаліся: летам для бабуліных унукаў і праўнукаў тут устройваюць міні-кафэ са сваімі пачастункамі. Побач абсталявана і дзіцячая пляцоўка — батут, арэлі, футбольныя вароты. Нядзіўна, што малыя пры любой магчымасці ляцяць да бабулі, у яе чароўную краіну, дзе ўсё прасякнута любоўю, мае сваю душу і настрой.

    Сцяна сенцаў дэкарыравана жывымі кветкамі, а са скрыні для захоўвання газавых балонаў ласкава ўсміхаецца сонейка. Нават Баба Яга тут здаецца не зладзейкай, а гарэзай.

    Але найбольш здзівіла калекцыя прылад працы і прадметаў хатняга ўжытку беларусаў. Звычайныя рэчы, якія зараз не знахо-дзяць прымянення. Жорны і маслабойка, каса і граблі, дзежка і калаўрот, начоўкі і самавар. Мноства ліхтароў ды чайнікаў розных гадоў, бідоны ды бутлі, ручная піла, што ў народзе празвалі “Дружбай”, нейкія іншыя прыстасаванні. Арганічна выглядаюць побач снапы ды пляцень. Зяць Мікалай хоча стварыць у сядзібе сапраўдны музей мінуўшчыны, для гэтага плануе пабудаваць асобны домік.

    Нават зараз, калі прырода адыходзіць да сну, а дочкі Алена і Тамара пры-бралі многія матуліны ландшафтныя аб’екты, сядзіба выглядае незвычайна. Летам жа і наогул тут прыгажосць!

    Чацвярых дзяцей самастойна выгадавала Раіса Іванаўна, усё жыццё аддана працавала — у калгасе, на чыгунцы і дома. Дачакалася ўнукаў-праўнукаў. А яны стварылі бабулі казку, каб хоць зараз яна магла адпачыць, парадавацца жыццю і пацешыцца новымі інсталяцыямі.

    ОСТАВЬТЕ ОТВЕТ

    Пожалуйста, введите ваш комментарий!
    пожалуйста, введите ваше имя здесь

    Реклама

    Последнее