3.7 C
Осиповичи
Суббота, 27 ноября, 2021
Еще

    14 октября прошел День матери. Рассказываем об осиповчанках

    Популярное

    Асiповiцкi Край
    Асiповiцкi Крайhttp://gzt-akray.by
    Издание существует с 1931 года. Сегодня "Асіповіцкі край" выходит дважды в неделю по вторникам и пятницам. Тираж - около 5 тыс. экземпляров. Приоритетная тема для журналистов "районки" - жизнь Осиповщины: люди, работа предприятий и организаций, массовые мероприятия и многое другое. Оставайтесь с нами!

    Зямлячкі

    Маці з нежаночай прафесіяй

    Алена Кудзінава — памочнік начальніка аддзялення арганізацыйнага і камплектавання штаба 465 ракетнай брыгады. Служыць у арміі ўжо 9 гадоў. У ваенную сферу пайшла за мужам, прычым у пэўным сэнсе выпадкова. Сям’я пераехала ў Асіповіцкі раён з Бабруйска 16 гадоў таму, калі Юрыя перавялі ў вайсковы гарадок Цэль. Знайсці работу Алене там было няпроста, а вось Узброеныя Сілы далі магчымасць самарэалізавацца. Аб сваім выбары жанчына не шкадуе. Лічыць, што сумесная служба з мужам умацавала іх сям’ю.

    У Кудзінавых двое сыноў — Дзмітрый і Данііл. Старэйшы вырашыў пайсці па слядах бацькоў: зараз ён старшы лейтэнант 5 асобнай брыгады спецыяльнага прызначэння. У 23 гады малады чалавек ужо мае ганаровы знак «Доблесць і майстэрства» — у спецназе гэта аналаг знакамітага «крапавага берэта». Малодшы сын Данііл вучыцца ў 6-м класе — ён больш творчая натура, займаецца выпальваннем па дрэве і наведвае секцыю па футболе.

    Выхоўваючы хлопчыкаў, трэба ўмець сумяшчаць пяшчоту з дысцыплінай і строгасцю. У Алены гэта добра атрымліваецца. Адназначна галава сям’і — тата, але калі ў сыноў узнікаюць праблемы, яны адразу ідуць за саветам да маці. Яна заўсёды знойдзе патрэбныя словы і разруліць сітуацыю.

    Вайсковая служба — гэта ненармаваны рабочы дзень, нарады, дзяжурствы. У сілу загружанасці не заўсёды атрымліваецца праводзіць час усёй сям’ёй. Таму святы ў доме асабліва любяць — як нагоду сабрацца разам.

    Калі ёсць любоў у сэрцы

    Валянціна Селядцова — шчаслівая мама траіх дзяцей. Ксенія, самая старшая, сёлета пайшла ў першы клас, чатырохгадовы Цімур наведвае дзіцячы садок, а маленькаму Даніілу яшчэ толькі 8 месяцаў. Быць шматдзетнай мамай жанчына заўсёды жадала, бо сама мае родных сястру і брата. Сям’я шмат часу праводзіць на вуліцы, а дома разам гуляюць у настольныя гульні ці збіраюць пазлы. Муж і жонка вучаць малых быць справядлівымі і сумленнымі.

    Нягледзячы на тое што жанчына знаходзіцца ў дэкрэце, працаваць ёй час ад часу ўсё ж прыходзіцца, і, што цікава, дзецям гэта вельмі падабаецца. Справа ў тым, што Валянціна спявае ў народным ансамблі народнай песні “Чыстыя крыніцы” і ў фолк-мадэрн калектыве “Пералёўцы”, таму нярэдка рэпеціруе дома. І замест калыханкі дзеці чуюць народныя спевы, ды і самі любяць спяваць. Ксенія займаецца харэаграфіяй, наведвае басейн і вывучае англійскую мову. За ёй цягнецца і Цімур. Разам яны з задавальненнем дапамагаюць даглядаць маленькага Данііла. Дарэчы, сям’я любіць наведваць канцэрты і ўдзельнічаць у мерапрыемствах, якія праводзяцца ў раёне. Калі ж жанчына сама выступае на сцэне, малыя чакаюць матулю за кулісамі і потым віншуюць яе з добрым выступленнем.

    Любоў дзяцей да мамы ні з чым нельга параўнаць, — гаворыць Валянціна. Канечне, яны могуць любіць за тое, што падарыла цацку ці яшчэ што. Але я маю на ўвазе шчырую любоў да матулі за тое, што яна проста ёсць. Кожны ранак чуць іх пажаданні добрага дня, а ўвечары цалаваць перад сномшчасце. Лічу, што не мае значэння, колькі ў цябе дзяцей: калі ёсць любоў у сэрцы, яе хопіць на кожнага малога.

    Пяшчотная жанчына са снежным імем

    Больш за 20 гадоў працуе юрысконсультам лясгаса Сняжана Дзінгалёва. Але не менш важным на прадпрыемстве лічаць тое, што яна шматдзетная матуля: разам з мужам Дзмітрыем выхоўваюць траіх дзяцей. Сняжана таксама прытрымліваецца меркавання, што любая жанчына павінна рэалізавацца не толькі як прафесіянал, але і ў якасці матулі. І гэтыя два складнікі непарыўна звязаны: з аднаго боку, дзецям трэба паказваць прыклад годнага стаўлення да работы, прафесійнага росту, вучыць забяспечваць сябе матэрыяльна. З другога — мець час і сілы дарыць дзецям сваю цеплыню і пяшчоту. Па абодвум пунктам у Сняжаны ўсё атрымалася на выдатна.

    Спачатку ў сям’і нарадзіліся два сыны. Калі крыху падраслі, бацькі задумаліся: не хапае дзяўчынкі. Відаць, жаданне было вельмі моцным, бо праз адведзены прыродай час увесь мужчынскі састаў сям’і дружна су-  стракаў з бальніцы шчаслівую матулю з дачушкай на руках. Цяпер пяцігадовая Даша — агульная любіміца. Тата песціць малую, а сынамі ганарыцца: Уладзіслаў мае добрыя вынікі ў тайскім боксе, Мацвей захапляецца тэатрам. А ўсе разам нярэдка арганізоўваюць велапрагулкі, ездзяць на рыбалку.

    Нягледзячы на тое што галава сям’і займаецца прадпрымальніцтвам, сям’я для яго таксама не губляе прыярытэтных пазіцый: усе выхадныя, вечары Дзмітрый праводзіць з роднымі. А Дзень маці — прыемная нагода, каб выказаць словы ўдзячнасці жонцы і матулі за тое цяпло і ўзаемаразуменне, якімі яна іх атуляе.

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    Осиповичанка Мария Серебрякова победила в престижном научно-исследовательском конкурсе

    Вучаніца 10 класа сярэдняй школы № 3 прадставіла на суд журы XVIII Міжнароднага юніёрскага ляснога конкурсу праект пад назвай “Мікалагічны маніторынг лясных экасістэм і апрабацыя методык павышэння ўраджайнасці грыбных месцаў”, над якім працавала разам з васьмікласніцай Арынай Барадаўкай і настаўнікам хіміі і біялогіі Святланай Зайцавай.

    Как зажигаются звезды эстрады в Осиповичах

    Чтобы достичь успеха в творчестве, человеку нужны талант и настойчивость. Но не менее важно, чтобы кто-то помог этот талант раскрыть и направить в правильное русло

    Недавно на территории Осиповичского района правоохранительными органами проводился комплекс мероприятий, направленных на пресечение экстремистской деятельности в регионе

    В результате принятых мер выявлен ряд лиц, которые на систематической основе хранили и распространяли по интернет-каналам материалы экстремистского характера. Следует добавить, что попавшие в поле зрения представителей силового блока земляки являлись подписчиками регионального Telegram-чата, который также признан экстремистским.

    Интересное об Осиповичской дистанции сигнализации и связи

    Осиповичская дистанция сигнализации и связи была образована 28 ноября 1928 года. В те былинные времена ее ключевым звеном был телефонно-телеграфный цех, в котором на семи аппаратах работало 30 телеграфистов, а главными исполнительными устройствами — примитивные семафоры.

    Осиповичская райорганизация профсоюза работников образования и науки — одна из крупнейших в регионе

    Осиповичская райорганизация профсоюза работников образования и науки — одна из крупнейших в регионе. В ее составе 55 первичек, членами которых является 98,1% из числа работающих в отрасли