3.3 C
Осиповичи
Вторник, 4 октября, 2022
Еще

    Патрыятызм — вось галоўны акцэнт

    Популярное

    Валянціна КОРБАЛЬ.

    v.korbal@gzt-akray.by

    23-24 жніўня ў сталіцы прайшоў Рэспубліканскі педагагічны савет. У ліку ўдзельнікаў гэтага маштабнага мерапрыемства была і мастацкі кіраўнік узорнай студыі дэкаратыўна-прыкладной творчасці “ЦУД” ЦТДіМ Святлана Пацкевіч. Сёння дэлегат дзеліцца сваімі ўражаннямі ад форуму з чытачамі “раёнкі”:

    — Гэта была рознабаковая істотная размова пра многія важныя на сучасным этапе рэчы. Першым выступаў міністр адукацыі Ігар Карпенка. Ён паведаміў, што па краіне звыш 7 тысяч устаноў адукацыі гатовы прыняць на вучобу каля двух мільёнаў навучэнцаў. Старшыня Пастаяннай камісіі Палаты прадстаўнікоў Нацыянальнага сходу па адукацыі, культуры і навуцы Ігар Марзалюк расказаў аб змяненнях, якія плануецца ўнесці ў Кодэкс аб адукацыі, і неабходнасці захавання культурнага кода нацыі.

    Яркім і эмацыянальным было выступленне Кіраўніка дзяржавы. Асабліва звярнулі на сябе ўвагу словы Прэзідэнта “школа — гэта храм”, якія ён паўтарыў некалькі разоў. Гэта нагода кожнаму з нас глыбока задумацца. Беларускі лідар зрабіў акцэнт на тым, што новы навучальны год будзе ў пэўным сэнсе асаблівым і трэба ажыццявіць перазагрузку сістэмы адукацыі ў цэлым. Вялікая ўвага была нададзена патрыятычнаму выхаванню падрастаючага пакалення.

    Як педагог дадатковай адукацыі, бачу рэалізацыю гэтых мэт праз далучэнне выхаванцаў да нашай духоўнай і творчай спадчыны. Пераканана, што ў тым ліку праз правільна арганізаваную работу гурткоў і секцый мы можам выхоўваць высокамаральнае і патрыятычнае пакаленне. Тут плюс дадатковай адукацыі ў тым, што дзеці прыхо-дзяць да нас добраахвотна, іх кліча сюды цікавасць да справы і жаданне самавыражэння. Праўда, педагогу ва ўсім павінны дапамагаць бацькі: без узаемадзеяння з сям’ёю наўрад ці атрымаецца аптымальны вынік.

    Предыдущая статьяПарламентарый у акрузе
    Следующая статьяУ лесхоза — новый цех

    ОСТАВЬТЕ ОТВЕТ

    Пожалуйста, введите ваш комментарий!
    пожалуйста, введите ваше имя здесь

    Реклама

    Последнее