-5 C
Осиповичи
Суббота, 22 января, 2022
Еще

    В Осиповичах прошел День Независимости Республики Беларусь и День города

    Популярное

    Асiповiцкi Край
    Асiповiцкi Крайhttp://gzt-akray.by
    Издание существует с 1931 года. Сегодня "Асіповіцкі край" выходит дважды в неделю по вторникам и пятницам. Тираж - около 5 тыс. экземпляров. Приоритетная тема для журналистов "районки" - жизнь Осиповщины: люди, работа предприятий и организаций, массовые мероприятия и многое другое. Оставайтесь с нами!

    Свята

    Незалежнасць і адзінства

    3 ліпеня на Асіповіччыне разам з галоўным святам краіны — Днём Незалежнасці Рэспублікі Беларусь — адзначалі і Дзень горада

    Аб’яднанне гэтых мерапрыемстваў у адзіны фэст, што стала ўжо добрай традыцыяй, сёлета, у Год народнага адзінства, асабліва сімвалічна: народ нашай краіны, дзе на працягу стагоддзяў побач жывуць прадстаўнікі розных нацыянальнасцяў, рэлігій і культур, згуртоўваюць менавіта ідэі суверэнітэту і незалежнасці краіны. Гэта разнастайнасць стала візітнай карткай Беларусі, яе ўнікальнай спадчынай і неацэнным дарам продкаў, якія неабходна захаваць дзеля міру і згоды ў грамадстве, дабрабыту і працвітання будучых пакаленняў.

    Святочныя мерапрыемствы ў 11 гадзін таксама ўжо традыцыйна адкрыў мітынг на мемарыяльным комплексе “Алея Герояў” — знак вялікай удзячнасці і павагі да тых, хто падчас Вялікай Айчыннай вайны адстаяў права беларусаў на свабоду, а пазней адраджаў Айчыну, закладваў падмурак, на якім будуецца суверэнная Беларусь, развіваюцца рэгіёны, у ліку якіх наш раён займае пачэснае месца. Прамовы, ускладанне вянкоў і кветак да стэлы і абеліскаў на Алеі Герояў, хвіліна маўчання, ружэйныя залпы…

    А палове дванаццатай у гарадскім парку загучала музыка: пачаўся святочны тэматычны канцэрт “Мая радзіма — Беларусь!”. І гукі мелодый і песень у выкананні прафесійных музыкантаў і аматарскіх калектываў не сціхалі да самага вечара: лірычныя і рытмічныя, сучасныя і ваенных часоў — і большасць з іх аб тым, як мы разам жывём, працуем, кахаем і марым…

    Ушанаванне тых, хто ўнёс асабліва важкі ўклад у сацыяльна-эканамічнае развіццё Асіповіччыны — абавязковы элемент святкавання Дня Незалежнасці Рэспублікі Беларусь і Дня горада. Лепшым з лепшых старшыня райвыканкама Канстанцін Жыгуцкі ўручыў больш за тры дзясяткі Ганаровых грамат і Падзячных лістоў.

    З цёплымі словамі і віншаваннямі звярнулася да прысутных старшыня райаб’яднання РГА “Белая Русь” Таццяна Пахоменка, якая ўзнагародзіла шэраг землякоў падзякамі і падарункамі грамадскага аб’яднання.

    Пасля канцэрта і ўшанавання выдатных людзей Асіповіччыны ў парку разгарнулася сапраўднае народнае гулянне, шматлюднае і вясёлае. Падчас чатырохгадзіннай культурна-забаўляльнай праграмы “Табе, любімы горад!” на сцэне летняга амфітэатра выступілі юныя выканаўцы і ўдзельнікі калектываў мастацкай самадзейнасці цэнтра творчасці дзяцей і моладзі, прайшоў фестываль патрыятычнай песні “У сэрцы маім Беларусь” і прагучала канцэртная праграма духавога аркестра раённага цэнтра культуры і адпачынку “Мы разам!”. Паралельна ў парку ішла разнастайная забаўляльная праграма: працавалі выстаўкі-кірмашы, сельскія падворкі, палявая кухня, спартыўныя, гульнявыя, тэматычныя пляцоўкі, пункт здароўя і іншае.

    У сем вечара гараджане і госці свята перамясціліся бліжэй да аднаго з най-прыгажэйшых месцаў райцэнтра — вадаёма з фантанамі на ўскрайку гарадскога парку. І нядзіўна: не так часта нам даводзіцца слухаць класічную музыку ў жывым выкананні, а тут — цэлы канцэрт!

    У 20.30 у промнях вечаровага сонца заззяла медзь: выступленне распачаў ваенны духавы аркестр Асіповіцкага гарнізона, а праз гадзіну са сцэны загучалі спевы артыстаў айчыннай эстрады — груп ByCity і PROвокация.

    “Мы, беларусы — мірныя людзі, сэрцам адданыя роднай зямлі, шчыра сябруем, сілы гартуем мы ў працавітай, вольнай сям’і”, — у 22.55 гэтыя словы загучалі па ўсёй краіне падчас рэспубліканскай акцыі “Спяём гімн разам”. У гэты час гучаў Дзяржаўны гімн і ў нашым парку: галасы асіпаўчан і гасцей райцэнтра, маладых і сталых, падлеткаў, дзяцей зліліся ў адзіны. А потым неба расквеціў традыцыйны прыгожы феерверк…

    Меркаванне

    Сяргей Макарэвіч, індывідуальны прадпрымальнік:

    — На свята прыйшоў з дочкамі Ксеніяй і Наталляй — якраз паспелі на ўрачыстую частку і ўручэнне ўзнагарод. Потым дзяўчынкі паспрабавалі кашу і чай з палявой кухні і, зразумела, запатрабавалі трохі грошай, как набыць пару-тройку сувені-раў: балазе, на выставах-кірмашах прадстаўлена мноства цікавых штучак ручной работы — ад біжутэрыі з пацерак да ганчарных вырабаў.

    Дарэчы, забаў для дзяцей было вялікае мноства. Ды і дарослыя знаходзілі, чым сябе заняць: выдатныя канцэрты, прычым абсалютна розных напрамкаў, фуд-корты на свежым паветры, дзе можна пасядзець з шашлычком або куфлем піва.

    Але, напэўна, усё-такі галоўнае ў гэтым свяце — дух яднання: сустракаешся са старымі сябрамі, з якімі не пабачыліся б яшчэ бог ведае колькі, знаёмішся з новымі людзьмі, знаходзіш агульныя тэмы для размовы. І заўважыў: часцей за ўсё, пачаўшы, як звычайна, з абмеркавання міравой палітыкі і еўрапейскага футбола, надвор’я і побыту, усё адно пераходзім да навін роднага горада: дзе што з’явілася, адкрылася, пабудавалася, аб кім з агульных знаёмых напісала “раёнка”… І гэта нядзіўна: у пэўным сэнсе Асіповіччына — наша вялікая сям’я, бо ўсе мы, вольна або мімаволі, аб’яднаныя агульным жыццём, яго цяжкасцямі і праблемамі, але ў першую чаргу — радасцямі і дасягненнямі…

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    «Читаем» старую фотографию

    “А чё это вы тут делаете, а?” Старые снимки рассматривать интересно. Особенно если обращать внимание на детали… На фотографии написано, что она сделана в деревне Бозок....

    Бытовое обслуживание на Осиповщине

    Усе хочуць жыць камфортна З цягам часу ўсё больш прадпрымальнікаў прапануе насельніцтву паслугі па рамонце складанай бытавой тэхнікі, нямала з’явілася прыватных цырульняў, абутковых майстэрань. Але...

    Осиповичский “Маяк” и новые задачи

    Коллегия, на которой подводились итоги работы национальной системы Госрезерва, прошла на базе учреждения по хранению материальных ценностей "Маяк" МЧС Республики Беларусь. Первый заместитель министра по...

    Надежный защитный барьер

    Еженедельный анализ заболеваемости острыми респираторными инфекциями свидетельствует о ее снижении за вторую календарную неделю января на 6,1%, при этом превышает показатель аналогичного периода прошлого...

    Мы родились!

    В декабре отделом ЗАГС райисполкома зарегистрированы новорожденные: В городе Осиповичи: Алексей Алексеев, Алина Халево, Ника Рогозова, Сергей Буловацкий, Александр Буловацкий, Валерия Жданович, Ярослава Шведова, Елизавета...