11.6 C
Осиповичи
Среда, 28 сентября, 2022
Еще

    На днях работники Вязьевского СДК отпраздновали Купалье

    Популярное

    Традыцыі

    Папараць-кветку шукалі

    Днямі работнікі СДК аграгарадка Вяззе разам з сябрамі адсвяткавалі Купалле

    Ехаць у Вяззе на Івана Купалу стала для землякоў традыцыяй. Работнікі мясцовага сельскага Дома культуры заўсёды арганізуюць тут насычаную праграму, а вясковы каларыт так і вабіць гасцей прыехаць.

    Весела і шматлюдна было ў аграгарадку і ў гэты аўторак. Адкрыў свята народны ансамбль “Чыстыя крыніцы” з Вязаўніцы. А потым ракой паліліся гульні, спевы, жарты і конкурсы. Чаго тут толькі не было! Канечне, не абышлося і без выбару Купаліша і Купалінкі.

    А якое ж Купалле без традыцыйных вянкоў і абрадаў? Усе жадаючыя плялі для конкурсу купальскія вянкі і рыхтавалі цікавыя прыпеўкі. Лепшы вянок атрымаўся ў Алёны Лагодзіч. Тры Іваны вызначалі паміж сабою, хто лепшы свістун. Як вядома з даўніх часоў, асабліва шмат дзівосных цудаў адбываецца ў купальскую ноч. Але каб жаданне спраўдзілася, трэба пастарацца. Вось і гасцям прапаноўвалася магчымасць закінуць свае вянкі на кола, каб тыя ўтрымаліся.

    Для гасцей выступалі танцавальны калектыў “Капрыз” (РЦК), дзіцячыя калектывы “Канфеці” і “Фантазёры” (Вяззеўскі СДК), гурт “Вяззеўскі настрой”, узорны ансамбль танца “Ассорти” (РЦК), Вольга Бегункова, Віталь Парамонаў, Раман Кубар, Дзяніс Сідарэнка, танцавальны калектыў “Пламя” (Ялізава).

    Народны ансамбль “Вязанка” правёў для гасцей танцы па-даўнейшаму, пасля чаго запрасіў у карагод вакол вогнішча, якое распалілі на беразе Асіповіцкага вадасхо-вішча сіламі мясцовых жыхароў. Шчыра кажучы, нават тры карагоды, бо на практыцы змясціцца ў адзін ва ўсіх жадаючых не атрымалася. Але гэтак было весялей, а традыцыйныя купальскія спевы калектыву далёка разносіліся над воднай гладдзю.

    ОСТАВЬТЕ ОТВЕТ

    Пожалуйста, введите ваш комментарий!
    пожалуйста, введите ваше имя здесь

    Реклама

    Последнее