15.9 C
Осиповичи
Среда, 16 июня, 2021
Еще

    В клубах Осиповичского района занятие найдется для каждого

    Популярное

    У клубных установах

    Занятак знойдзецца для кожнага

    Ад “класікаў” да інтэлектуальных гульняў: шырокі спектр мерапрыемстваў прапаноўваюць клубныя работнікі сваім наведвальнікам

    Вясна — пара абуджэння, абнаўлення і павышанай актыўнасці. Гэта датычыць як прыроды, так і розных творчых і грамадскіх аб’яднанняў. Плённа працуюць разам з іншымі і клубныя ўстановы. Стараючыся перахітрыць каранавірус і пераносячы мерапрыемствы не толькі ў фармат online, як зімой, але і open air — балазе, лагоднае надвор’е дазваляе гэта.

    Ялізаўскі Дом культуры, напрыклад, практыкуе выступленні сваёй рок-групы на адкрытай пляцоўцы каля ўстановы. Тут жа летам будуць праходзіць акустычныя вечары. А актывіст Дзмітрый Пацкевіч рыхтуе для паказу ў вячэрні час лазернае шоу. Увосень работнікі культуры паспрабавалі перанесці на адкрытае паветра і кінапаказы. Навінка прыйшлася даспадобы пасялкоўцам, і сёлета вырашылі паказваць кіно менавіта ў такім рэжыме.

    Зараз ялізаўская моладзь зацікавілася раённай фотавыставай “Зямля пад белымі крыламі”, плануе прыняць у ёй   удзел. А народны калектыў “Вечарынка” рыхтуецца да свята “Купалле”. Яшчэ пасялковыя работнікі культуры займаюцца падрыхтоўкай літаратурна-музычнай кампазіцыі, прысвечанай 80-годдзю пачатку Вялікай Айчыннай вайны, і збіраюць матэрыял пра тое, як даўней адзначалася свята Іллі-прарока ў Шэйпічах.

    У вёсцы Краснае народу не так многа, як у суседнім Ялізаве, але дзеці ёсць і там. Як расказала культарганізатар Дар’я Максім, яна вырашыла пазнаёміць малых з гульнямі свайго дзяцінства. Мясцовыя хлопчыкі і дзяўчынкі зрабілі для сябе са-праўднае адкрыццё: аказваецца, цікавае існуе не толькі ў гаджатах, але і побач з імі. І рабяты ахвотна сталі скакаць па намаляваных на асфальце “класіках”, выклікаць “колечко на крылечко”, гуляць у “ручаёк” і “резиночку”. Пляцоўка каля Дома культуры даволі вялікая і зручная, а дарослыя дапамагаюць у арганізацыі. Можна і з мячом пабегаць, памаляваць або патанцаваць пад вясёлую музыку.

    У Каменіцкім Цэнтры культуры ў маі прайшлі фотавы- ставы “Дарогамі вайны” і “Дзядулевы медалі”. А яшчэ работнікі культуры вывучаюць гісторыю сваёй мясцовасці. Напрыклад, нядаўна арганізавалі этнаграфічную экспедыцыю, у выніку якой папоўнілі аднайменны куток. Так ва ўстанове культуры з’явіліся ступа, калаўрот, вышытыя мясцовымі майстрыхамі ручнікі, начоўкі, сякатар, прымус і іншыя прадметы гістарычнай спадчыны. Цяпер рыхтуюцца адправіцца ў Казімірова з мэтай азнаямлення з мінулым вёскі, займаюцца рамонтам кацельні.

    Цэнтр культуры часта запрашае насельніцтва на дыскатэкі, вечары адпачынку, на якія падбіраецца музыка пэўных гадоў. Цесна супрацоўнічаюць культработнікі са школай, часта праводзяць сумесныя мера-прыемствы. І зараз, у час канікулаў, наведвальнікі школьнага аздараўленчага лагера змогуць прыняць удзел у многіх цікавых мерапрыемствах.

    “Разумная сям’я — здаровая сям’я” — так лічаць у Дражні. Інтэлектуальную гульню менавіта пад такой назвай правялі ў мясцовым клубе ў маі, у ёй прынялі ўдзел шматдзетныя матулі і бацькі разам са сваімі дзецьмі. А юнае пакаленне населенага пункта падрыхтавала малюнкі і прыняло ўдзел у выставе “Свету — мір!”. Актыўна працуе пры клубе аматарскае аб’яднанне “Бісерынка”, на занятках якога загадчык установы Наталля Шаламава вучыць рабят вырабляць сувеніры з бісеру.

    Чэрвень для жыхароў Дражні распачнецца гульнявой праграмай да Міжнароднага дня абароны дзяцей, а закончыцца вечарам адпачынку, прысвечаным Дню моладзі, які пройдзе   29 чысла. Зараз удзельнікі вакальнай групы “Весялуха” і гурт-ка мастацкага слова “Валошка” рыхтуюцца выступіць перад жыхарамі вёскі Перарожкі. Асаблівую актыўнасць праяўляюць аматары вершаў, баек і мініяцюр Раіса Леўлюх, Святлана Клачко, Ала Шляхціч.

    Безумоўна, і добраўпарадкаваннем тэрыторыі клубныя работнікі не забываюцца займацца, каб наведвальнікаў сустракалі чыстая тэрыторыя і прывабныя кветнікі.

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    В Осиповичском районе идет заготовка кормов

    У сельгаспрадпрыемствах раёна адказная пара — на сенажацях разгарнулася касавіца

    В Осиповичах молодые военнослужащие приняли присягу

    Мінулай суботай у часцях Узброеных Сіл краіны ваенна-служачыя, прызваныя на тэрміновую службу, прымалі прысягу. Што незвычайна — маладое папаўненне ўдзельнічала ва ўрачыстай цырымоніі ў новай параднай форме, відавочнае адрозненне якой — галаўны ўбор. Гэта берэт цёмна-аліўкавага колеру.

    Кино, которого уже никогда не снимут

    Накануне 80-й годовщины начала Великой Отечественной войны есть повод вспомнить о кинофильмах, изображающих боевые действия в очень необычном ракурсе

    Фотозагадка для осиповчан

    Фотозагадка "А из нашего окна площадь Красная видна! А из вашего окошка только улица немножко" — с детства помним эти строки из стихотворения Сергея Михалкова....