9 C
Осиповичи
Воскресенье, 19 сентября, 2021
Еще

    Сталяры ўжо не ладзяць дзежку на двары…

    Популярное

    Асiповiцкi Край
    Асiповiцкi Крайhttp://gzt-akray.by
    Издание существует с 1931 года. Сегодня "Асіповіцкі край" выходит дважды в неделю по вторникам и пятницам. Тираж - около 5 тыс. экземпляров. Приоритетная тема для журналистов "районки" - жизнь Осиповщины: люди, работа предприятий и организаций, массовые мероприятия и многое другое. Оставайтесь с нами!

    Іна Заскевіч.

    i.zaskevich@gzt-akray.by

    Сталярнае рамяство — вытворчасць разнастайных вырабаў з дрэва: прылад працы (вілы, цапы, граблі, лапаты, сохі, бароны, ступы, ткацкія станы), прадметаў хатняга ўжытку (полкі, пасуднікі, вешалкі), мэблі (куфары, канапы, сталы), элементаў жылля і гаспадарчых пабудоў (дзверы, аконныя рамы).

    Некаторыя майстры мелі вучняў і падсобных рабочых, якіх адпраўлялі ў суседнія вёскі рамантаваць калёсы, рабіць бочкі, цэбры, дзежкі, тачыць верацёны і інш. Такіх умельцаў усе ведалі, іх цанілі, да іх звярта-ліся.

    На Асіповіччыне напамінкам пра майстроў па рабоце з дрэвам засталася назва вёскі Сталяры, якая знаходзіцца ў двух кіламетрах ад Ялізава. Каб дазнацца пра паходжанне наймення населенага пункта, пагутарылі з яго старажыламі.

    Яўгенія Мікалаеўна Ісаечкіна, 1939 года нараджэння, расказала, што да 1905 года вёсачка называлася Вербніцай. А потым была перайменавана ў Сталяры. Расказала пра суседа Уладзіміра Рыгоравіча Багдановіча, які рабіў цэбры, бочкі, дзежкі. А яшчэ пра тое, што большасць жыхароў працавала на шклозаводзе. Інфраструктуры ў Сталярах не было ніякай, таму за ўсякай патрэбай ішлі “ў завод” — менавіта так называлі ды і зараз многія называюць суседні пасёлак. А яшчэ жанчына ўспамінае, што яе аднавяскоўцы займаліся нарыхтоўкай і сплавам лесу.

    Вера Фёдараўна Багдановіч на 5 гадоў старэйшая за папярэднюю суразмоўцу. На яе памяці яшчэ і даваеннае жыццё. Жанчына таксама ўспамінае пра Вербніцу, назва якой была абумоўлена вялікай колькасцю верб, што раслі па-над Бярэзінай. А цяперашнюю назву Сталяры вёска атрымала, па яе меркаванні, з-за таго, што жыхары мужчынскага полу былі адменнымі майстрамі па вырабе драўляных прадметаў побыту. Яе тата Фёдар Сцяпанавіч Фясько і тры яго браты Іван, Кандрат і Мікалай ладзілі аднавяскоўцам адмысловыя маслабойкі, куфары, каўшы, скрыні, лавы. А яшчэ Вера Фёдараўна ўспамінае, што большасць жыхароў мела прозвішча Багдановіч. І кожны быў выдатнай асобай. Напрыклад, Якаў Цітавіч славіўся сваім актыўным удзелам у Кастрычніцкай рэвалюцыі, Іван Сцяпанавіч — герой Вялікай Айчыннай вайны, ардэнаносец.

    На жаль, зараз у вёсцы толькі назва нагадвае пра былое майстроў. Не засталося ўжо ніводнага сталяра. “Нават накрыўку на кало-дзеж няма ў каго заказаць”, — уздыхае жанчына.

    І наогул сёння ў любым сяле цяжка сустрэць чалавека, які б мог зрабіць граблі ці тапарышча, вы-стругаць драўляныя лыжкі або скляпаць бочку. Адпала патрэба ў драўляных рэчах. На змену ім прыходзіць пластык, які ўжо не валодае тымі ўласцівасцямі, якія ёсць у дрэва: непаўторнай тэкстурай, прыемнымі тактыльнымі адчуваннямі, цеплынёй, якая, здаецца, ідзе знутры.

    У наш час дрэваапрацоўчыя рамёствы існуюць ужо ў форме індывідуальнай працоўнай дзейнасці як народнае ўмельства і дапаможны промысел.

    ОСТАВЬТЕ ОТВЕТ

    Please enter your comment!
    Please enter your name here

    Реклама

    Последнее

    Что произошло в Осиповичах за неделю

    Поўны курс вакцынацыі супраць каранавіруса COVID-19 прайшлі ўжо 6 720 землякоў — 18,2% дарослага насельніцтва раёна, першую дозу вакцыны атрымалі 7 663 (20,7%).

    МЫ-едины

    Торжественное мероприятие прошло в МПЦ "Ровесник"

    Пусть народное единство станет источником величайшей духовной силы для будущих поколений

    Президент Александр Лукашенко поздравил белорусов с Днем народного единства.

    Владимир Ровбель: У нас адна нацыянальнасць,адна гісторыя

    Лічу, што ў любой арганізацыі, кожным раёне, краіне павінен быць надзейны лідар, які зможа не толькі заваяваць павагу народа, але і ўмела кіраваць

    Анна Тур о праздновании Дня народного единства

    17 верасня краіна адзначае новае, але са старымі каранямі свята. Што яно азначае для насельнікаў Асіповіччыны?