19.9 C
Осиповичи
Понедельник, 14 июня, 2021
Еще

    Работники хозяйства с самыми высокими надоями в Осиповичском районе отмечены наградами

    Популярное

    Сельская гаспадарка

    Маленькае свята для вялікіх здзяйсненняў

    Адметная падзея адбылася ў аўторак на МТФ № 5 “Свіслач” камунальнага сельскагаспадарчага ўнітарнага прадпрыемства “Вязаўніца-Агра”. Такую колькасць грамат і падзячных лістоў, а таксама шыкоўных кветак тут, мабыць, не бачылі ніколі. Прынамсі, усё заканамерна, адпаведна здабыткам. 2020 год, які для многіх прадпрыемстваў не стаў выбітным рознага роду дасягненнямі, для названай МТФ быў вельмі паспяховым. Мяркуйце самі: за год валавая вытворчасць малака склала 2 124 тоны — 108,9% да папярэдняга аналагічнага перыяду. Ад кожнай каровы атрымана больш як па 10,5 тоны малака. Выдатны вынік не толькі на ўзроўні раёна, але і вобласці і рэспублікі: тут сярэднія паказчыкі 4 591, 4 011 і 5 314 кілаграмаў адпаведна. Трымаюць мясцовыя працаўнікі планку і сёлета: за студзень-люты сярэднясутачныя надоі складаюць 27,7 кг, што крыху больш, чым у мінулым годзе. Абагульнена кажучы, тры даёнкі за дзень ад кожнай каровы.

    На сустрэчу са свіслацкімі працаўнікамі прыехалі першы намеснік старшыні аблвыканкама Анатолій Уласевіч, старшыня абласнога савета Белхімпрафсаюза Ігар Станкевіч і, зразумела, кіраўніцтва нашага раёна. Кожны з выступаючых дзякаваў лю-дзям за іх шчырую працу. Вялікія справы якраз і робяцца ў асобна ўзятым калектыве, нават нешматлікім. А ў тым, што сельскія клопаты ніколі не характарызаваліся словамі “лёгка” і “проста”, нікога з прысутных пераконваць не трэба было. Важна, што выконваецца на гэтай ферме і адна з галоўных задач: не толькі   атрымліваць сельгаспрадукцыю, але і рабіць усё, каб яна прыносіла адчувальны прыбытак. Так, рэнтабельнасць па МТФ за 2020 год у адносінах да 2019 склала 132%. Лічбы самі за сябе гавораць.

    Ганаровыя граматы Магілёўскага абласнога выканаўчага камітэта атрымалі брыгадзір вытворчай брыгады ў жывёлагадоўлі Сняжана Жуковіч, аператары машыннага даення Ірына Аржба, Аксана Века і Наталля Пірагова. Ганаровымі граматамі райвыканкама адзначана праца аператара па штучным асемяненні жывёлы Святланы Цыганковай, аператара жывёлаводчых комплексаў і механізаваных ферм Мікалая Шахно, Падзячнымі лістамі старшыні райвыканкама — жывёлаводаў Святланы Пірожнік і Іны Шынкевіч, а таксама аператара ЖКіМФ Сяргея Рыжковіча. Раённы Савет дэпутатаў узнагародзіў Ганаровымі граматамі жывёлаводаў Алену Койпіш і Алу Стальчанка, Падзячнымі лістамі — аператара машыннага даення Алену Рыжковіч, жывёлаводаў Алега Маслоўскага і Анатолія Аўсейчука. Апошні таксама атрымаў Падзяку Магілёўскага абласнога савета Белхімпрафсаюза, як і аператар Мікалай Шахно і жывёлаводы Алена Койпіш і Ала Стальчанка. Словам, у гэты дзень быў адзначаны літаральна кожны, хто працуе на ферме.

    Як і на сапраўдным свяце, не абышлося без музычных віншаванняў. Спявалі для вяскоўцаў  удзельнікі народнага ансамбля народнай песні і музыкі “Дзівакі”. Праўда, па працягласці мерапрыемства не магло быць асабліва доўгім: набліжаўся час дзённай дойкі, а парушаць рэгламент нельга.

    Аднак наведацца да рагуль-рэкардсменак паспелі. Здаецца, ферма як ферма, была пабудавана яшчэ ў 1984 годзе. Тут якраз-такі няма ніякіх асаблівых “наваротаў”. Каровы як каровы, аднак сярод іх ёсць такія, што даюць і па 13 тон малака за год. Чаму так бывае? Шукалі адказ на пытанне разам з брыгадзірам Сняжанай Жуковіч.

    — Сакрэту ніякага няма, — разважае жанчына. — Проста выконваем усе неабходныя патрабаванні. Беражліва адносімся да кожнай рагулі. Вырошчваем малочных кароў самі, са сваіх цялушак. Ну і не лічымся з часам: працуем столькі, колькі неабходна для якаснага выканання работы, на гадзіннікі асабліва не паглядваем.

     А тое, што выконваюць работу тут добрасумленна, таксама пацвярджаюць лічбы: сёлета ўсё здадзенае МТФ № 5 пера-працоўшчыку малако адпавядала гатунку “экстра”.

     Планы ў працаўнікоў фермы на бягучы год самыя звычайныя: утрымаць узяты рубеж і па магчымасці прыбаўляць. Няхай гэта будзе хоць маленькі, але плюс.

    Реклама

    Последнее

    В Осиповичах прошел I открытый конкурс хореографического искусства «Stars of Planet»

    Свой профессионализм демонстрировали 195 участников от 3 до 17 лет. Работа хореографов и оформление номеров были достойны лучших танцевальных подмостков. В зале не переставая звучали овации, зрители тепло приняли артистов, поддерживали танцоров многократным "браво!", подпевали и пританцовывали на своих местах.

    Осиповичской «районке» исполнилось 90 лет. Мнением делятся земляки

    90 гадоў споўнілася "раёнцы". За гэты час газета трывала ўвайшла ў лёсы многіх жыхароў Асіповіччыны

    В Осиповичах чествовали золотых медалистов

    Прыемна чуць, што землякі час ад часу ўзнагароджваюцца за спартыўныя дасягненні або творчыя выступленні. Усё больш матуль атрымліваюць ордэн Маці. А ёсць яшчэ адна ўзнагарода — залаты медаль, які ўручаецца за якасныя веды. Ім штогадова заахвочваюць лепшых выпускнікоў устаноў сярэдняй адукацыі. Сёлета такіх 15. “Залатыя” рабяты пазаўчора прымалі віншаванні з гэтай прыемнай нагоды. Медалі ім уручыў старшыня раённага выканаўчага камітэта Канстанцін Жыгуцкі.

    О чем писала «районка» последние 5 лет

    Галоўныя падзеі, пра якія паведамляла “раёнка” паміж сваімі 85- і 90-годдзямі, — сцісла і ў храналагічным парадку