19.9 C
Осиповичи
Понедельник, 14 июня, 2021
Еще

    В преддверии профессионального праздника в Осиповичах чествовали работников УКП ЖКХ

    Популярное

    Камунальная гаспадарка

    Святло, цяпло, вада, дарогі —у сферы іх клопату

    У пятніцу каля раённага Цэнтра культуры кожны мог сустрэць кагосьці знаёмага, бо там збіраліся камунальныя работнікі, да паслуг якіх мы звяртаемся пастаянна. Але выглядалі людзі гэтых патрэбных прафесій незвычайна: без будзённага спец-адзення, інструментаў у руках і заклапочанасці на тварах. Прыгожа апранутыя, нават урачыстыя і ў нейкай меры ўзнёслыя, бо змаглі на гадзіну-другую забыцца пра ўборку, рамонт і мадэрнізацыю, а замест заявак на непаладкі з задавальненнем прымалі віншаванні і граматы.

    Да пачатку фэсту ў фае ўстановы культуры работнікі прадпрыемстваў Асіповіччыны частавалі камунальнікаў сваёй прадукцыяй. Можна было пасёрбаць смачнай рыбнай юшкі, паспрабаваць розныя віды сыру, паласавацца тортам ці пірагом.

    На ўрачыстым пасяджэнні прысутнічалі старшыня раённага Савета дэпутатаў Сяргей Сувееў, намеснік старшыні райвыканкама Аляксандр Ганчароў, дырэктар УКП ЖКГ Дзмітрый Кулакоўскі.

    Ганаровая грамата Магілёўскага аблвыканкама была ўручана вадзіцелю пагрузчыка Мікалаю Паходаву. Ганаровымі граматамі ўпраўлення жыллёва-камунальнай гаспадаркі аблвыканкама адзначана праца начальніка аддзела па рабоце са зваротамі грамадзян і юрыдычных асоб Наталлі Біскуб і муляра Анатоля Цагойкі. Падзячным пісьмом райвыканкама ўзнагароджаны начальнік сектара агульнабудаўнічых работ праектна-каштарыснага ўпраўлення Таццяна Анціховіч, рабочая па комплекснай уборцы домаўладанняў Наталля Гулік, ва-дзіцель аўтамабіля Віктар Сіманаў, мантажнік вонкавых трубаправодаў Іван Слабодчыкаў. Многія іншыя руплівыя працаўнікі атрымалі граматы прадпрыемства і прафсаюзнага камітэта.

    Павіншаваць камунальнікаў прыйшлі і кіраўнікі прадпрыемстваў сумежнай галіны — дарожнай службы. Словы падзякі за плённае супрацоўніцтва выказалі начальнікі ДЭУ № 73 Мікалай Івашка і ДРБУ № 199 Алег Лук’яненка.

    А прадстаўнікі творчых калектываў Асіповіччыны падрыхтавалі для віноўнікаў урачыстасці канцэртную праграму. Для іх спявалі народны ансамбль народнай песні і музыкі “Дзівакі”, саліст Уладзіслаў Каралёнак, выступалі тэатральны калектыў ДШМ № 1, узорны ансамбль танца “Асарці” і іншыя артысты. Падрыхтавалі канцэртныя нумары і самі работнікі камунальнай службы. Душэўна выканала раманс інжынер прадпрыемства Вольга Альфяровіч, яе калегі праспявалі вясёлыя папуры пра ЖКГ, станцавалі іскрамётную кадрылю. Гэтыя і іншыя артысты падарылі ўдзельнікам свята шмат станоўчых эмоцый. Віталі ў гэты дзень і ветэранаў працы, якія па некалькі дзясяткаў гадоў адпрацавалі на прадпрыемстве.

    Свята прайшло. Пачаліся будні, за кожным з якіх — штодзённыя клопаты, накіраваныя на стварэнне дабрабыту і камфортнага пражывання тысяч жыхароў раёна.

    Реклама

    Последнее

    В Осиповичах прошел I открытый конкурс хореографического искусства «Stars of Planet»

    Свой профессионализм демонстрировали 195 участников от 3 до 17 лет. Работа хореографов и оформление номеров были достойны лучших танцевальных подмостков. В зале не переставая звучали овации, зрители тепло приняли артистов, поддерживали танцоров многократным "браво!", подпевали и пританцовывали на своих местах.

    Осиповичской «районке» исполнилось 90 лет. Мнением делятся земляки

    90 гадоў споўнілася "раёнцы". За гэты час газета трывала ўвайшла ў лёсы многіх жыхароў Асіповіччыны

    В Осиповичах чествовали золотых медалистов

    Прыемна чуць, што землякі час ад часу ўзнагароджваюцца за спартыўныя дасягненні або творчыя выступленні. Усё больш матуль атрымліваюць ордэн Маці. А ёсць яшчэ адна ўзнагарода — залаты медаль, які ўручаецца за якасныя веды. Ім штогадова заахвочваюць лепшых выпускнікоў устаноў сярэдняй адукацыі. Сёлета такіх 15. “Залатыя” рабяты пазаўчора прымалі віншаванні з гэтай прыемнай нагоды. Медалі ім уручыў старшыня раённага выканаўчага камітэта Канстанцін Жыгуцкі.

    О чем писала «районка» последние 5 лет

    Галоўныя падзеі, пра якія паведамляла “раёнка” паміж сваімі 85- і 90-годдзямі, — сцісла і ў храналагічным парадку