-6.9 C
Осиповичи
Пятница, 2 декабря, 2022
Еще

    Шахматное королевство в осиповичской библиотеке

    Популярное

    Культура

    Цікавае месца

    Чым радуюць кніжныя скарбніцы

    Не сакрэт, што падчас навагодніх свят людзі ўпрыгожваюць не толькі сваё жыллё, але і месца працы, штогод ладзіцца штосьці новае. Вось і гэтыя тыдні не сталі выключэннем. Крэатыўна падрыхтаваліся да Новага года і Каляд у бібліятэках раёна.

    Сапраўднае шахматнае каралеўства атрымалася ў работнікаў гарадской бібліятэкі № 1, дзе ўваход у залу абанементнага абслугоўвання абараняюць рыцары, а на стэлажах узвышаюцца вялізныя самаробныя шахматныя фігуры. Са столі “ляцяць” не звыклыя воку ў гэты час года сняжынкі, а папяровыя шахматы. Увогуле, бібліятэка напоўнена духам гэтай цудоўнай інтэлектуальнай гульні. Нават кожны жадаючы можа паспрабаваць свае сілы ў шахматах і пазмагацца на чорна-белых палях самаробнымі фігурамі. Рыхтаваць казачнае падарожжа ў краіну шахмат пачалі яшчэ ў лістападзе. Нездарма дэкарацыі атрымаліся маштабнымі.

    Ёсць тут і навагодняя фотазона “Пакуль гадзіннік дванаццаць б’е”, а таксама тэматычныя выставы “Добрыя навагоднія сустрэчы”, “Кніжны карагод пад Новы год” і “Сямейныя святы — Новы год і Каляды”. Наведвальнікі бібліятэкі могуць адчуць каларыт мінулага стагоддзя, калі ніводнае свята не абыходзілася без паштовак. Гэты невялікі, але вельмі кранальны атрыбут урачыстасці заўсёды дапамагаў стварыць асаблівую святочную атмасферу. Маленькія пасланні з казачнымі персанажамі з нецярпеннем чакалі ва ўсіх кутках вялікай краіны Саветаў. Так, работнікі бібліятэкі аформілі рэтравыставу з паштовак 70-80-х гадоў “Навагодні вінтаж”.

    Выставы для дзяцей і дарослых “Зімовай казачнай парою” і “Казкі навагоднія” прапануе Карытнянская вясковая бібліятэка. Тут заўсёды ёсць стэнд “Гульнятэка” з віктарынамі і конкурсамі рознай тэматыкі. Да 155-гадовага юбілею англій-скага пісьменніка Кіплінга бібліятэкар Валянціна Саковіч падрыхтавала выставу яго кніг, а таксама спецыяльную віктарыну па яго творчасці.

    Вітрына “Далікатная пяшчота”, якую арганізавалі работнікі гарадской бібліятэкі № 2, зацікавіць амаль кожнага прахожага. Тут сабраны рарытэтныя ёлачныя цацкі і навагоднія вырабы. А для наведвальнікаў прыгатаваны тэматычныя падборкі літаратуры і перыядычных выданняў “Новы год да нас імчыць” і “Навагодні серпантын”. Кнігалюбы, напэўна, ацэняць утульнае крэсла ля каміна, дзе можна не толькі правесці час за чытаннем, але і зрабіць фота на памяць.

    Дарэчы, падчас навагодніх свят асабліва варта пабываць у бібліятэках, бо кожная з іх падрыхтавала свае навагоднія і калядныя сюрпрызы.

    Реклама

    Последнее