12.3 C
Осиповичи
Воскресенье, 13 июня, 2021
Еще

    Интересные факты про «Каляды»

    Популярное

    Абрады

    Каляды

    На нашай зямлі галоўным зімовым святам здаўна былі Каляды. Раней яны сімвалізавалі пачатак новага года: і сельскагаспадарчага, і сонечнага. Святкаваць Каляды беларусы пачыналі 6 студзеня і сканчалі 19 (па новым календары).

    У народзе ноч перад Калядамі лічылася сакральнай, людзі верылі, што ў гэтую ноч адкрываюцца нябёсы і можна загадваць жаданні.

    7 студзеня, у першы дзень Каляд, па народных вераваннях, лічылася правільным здзяйсняць дзеянні, накіраваныя на захаванне здароўя, дабрабыту сям’і. Яшчэ ў народзе прыглядаліся, хто першым увойдзе ў дом 7 студзеня — мужчына ці жанчына. Стараліся, каб першай у дом не заходзіла чужая жанчына, таму што з ёй маглі зайсці хваробы і непрыемнасці.

    У першы дзень Каляд у дом таксама імкнуліся прынесці свежую ваду — як сімвал ачышчэння і здароўя. Існавала катэгарычная забарона на ўсякую “брудную працу”, таксама забаронена было шыць, ткаць, прасці, вязаць.

    Лічылася, што перыяд з Каляд да Масленіцы — самы спрыяльны для заключэння розных дамоў і пагадненняў.

    А яшчэ на Каляды ў народзе актыўна варажылі, хоць царква і забараняла гэта рабіць.

    На Каляды хадзілі калядоўшчыкі, пераапранутыя рознымі татэмнымі жывёламі і птушкамі: Казой, Мядзведзем, Ваўком, Буслом; абавязковым атрыбутам была Зорка — сімвал Віфлеем-скай.

    Калядоўшчыкі, ці, як іх яшчэ называлі ў некаторых рэгіёнах Беларусі, валачобнікі, “валачыліся па хатах”, дзе спявалі розныя абрадавыя песні, у адказ гаспадары павінны былі адарыць арэхамі, цукеркамі, каўбасой, салам.

    Калядуюць на Асіповіччыне і зараз. Напрыклад, для жыхароў вёскі Вязаўніца ўжо стала традыцыяй сустракаць гасцей у адзін з калядных вечароў. Загадчык Вязаўніцкага сельскага дома культуры Жанна Ліхадзіеўская расказала, як звычайна праходзіць іх калядаванне:

    — Гэты абрад стаў для нашай вёскі адной з добрых мясцовых традыцый. Штогод, часцей за ўсё ўвечары  13 студзеня, мы выходзім з клуба і ідзём спяваць песні і віншаваць у магазіны і па хатах. Абавязкова кожны раз загадзя рыхтуем сцэнарый, таксама робім новыя касцюмы, каб было цікава і весела. Людзі вельмі рады нам, заўсёды запрашаюць да сябе. Наведаць усіх, канечне, часу не хопіць, але стараемся абысці як мага больш падворкаў, каб нікога не пакрыўдзіць. Бывала, за адзін вечар наведваліся ў амаль паўсотні дамоў. Збіраецца ў нас звычайна каля 10-12 чалавек. Гэта ўдзельнікі народнага хору народнай песні “Чыстыя крыніцы”, гурткоў, аматарскіх аб’яднанняў і дзеці 12-13 гадоў. Дарэчы, ёсць падлеткі, якія прыехалі з Казахстана, і яны таксама з цікавасцю і задавальненнем далучаюцца да беларускай культуры.

    Як мае быць, заўсёды калядуем пераапрануўшыся ў Казу, Павадыра з Мядзведзем, Цыганоў, бываў у нас і Конь. Кожны год які-небудзь яшчэ персанаж прыдумляем. Галоўны атрыбут — Калядная Зорка — заўсёды прысутнічае. Ну і абавязкова спяваем калядныя песні, жартуем, жадаем здароўя, шчасця і дабрабыту. Людзі любяць гэта свята, а таксама калядоўшчыкаў. Дзякуюць за добры настрой і ўдачу. Бо, як кажуць старыя, калі завітала Каляда, то год будзе добры.

    Реклама

    Последнее

    В Осиповичах прошел I открытый конкурс хореографического искусства «Stars of Planet»

    Свой профессионализм демонстрировали 195 участников от 3 до 17 лет. Работа хореографов и оформление номеров были достойны лучших танцевальных подмостков. В зале не переставая звучали овации, зрители тепло приняли артистов, поддерживали танцоров многократным "браво!", подпевали и пританцовывали на своих местах.

    Осиповичской «районке» исполнилось 90 лет. Мнением делятся земляки

    90 гадоў споўнілася "раёнцы". За гэты час газета трывала ўвайшла ў лёсы многіх жыхароў Асіповіччыны

    В Осиповичах чествовали золотых медалистов

    Прыемна чуць, што землякі час ад часу ўзнагароджваюцца за спартыўныя дасягненні або творчыя выступленні. Усё больш матуль атрымліваюць ордэн Маці. А ёсць яшчэ адна ўзнагарода — залаты медаль, які ўручаецца за якасныя веды. Ім штогадова заахвочваюць лепшых выпускнікоў устаноў сярэдняй адукацыі. Сёлета такіх 15. “Залатыя” рабяты пазаўчора прымалі віншаванні з гэтай прыемнай нагоды. Медалі ім уручыў старшыня раённага выканаўчага камітэта Канстанцін Жыгуцкі.

    О чем писала «районка» последние 5 лет

    Галоўныя падзеі, пра якія паведамляла “раёнка” паміж сваімі 85- і 90-годдзямі, — сцісла і ў храналагічным парадку

    История образования в Дараганово

    Архіўных звестак пра гэты перыяд амаль няма, таму гісторыю адукацыі таго часу можна аднавіць толькі па ўспамінах мясцовых жыхароў і матэрыялах раённых газет.