25.7 C
Осиповичи
Воскресенье, 1 августа, 2021
Еще

    Выгодно ли сегодня сотрудничать крупным предприятиям с малыми?

    Популярное

    Эканоміка

    Кааперацыя-2020

    Ва ўсіх развітых краінах буйныя вытворцы маюць цэлы “шлейф” дробных партнёраў, якія спецыялізуюцца на выпуску пэўнай гамы дэталей-вузлоў-агрэгатаў. Часам нікому не вядомая невялікая кампанія вырабляе нават канчатковы прадукт, які прадаецца пад раскручанай гандлёвай маркай заказчыка і цалкам адпавядае “брэндаваму” ўзроўню якасці. Выгаду ад такога супрацоўніцтва маюць абодва бакі: “старэйшы” партнёр пазбаўляецца ад арганізацыйных складанасцей і эканамічна неабгрунтаваных расходаў, “малодшы” — атрымлівае надзейную крыніцу заказаў. У некаторых краінах вытворчая кааперацыя рэгламентуецца заканадаўча: буйныя кампаніі не маюць права самастойна выпускаць усе патрэбныя ім камплектуючыя. Супадзенне ці не, але менавіта дзяржавы, дзе такое абмежаванне дзейнічае найбольш жорстка, маюць найбольш высокі ўзровень развіцця прамысловасці. Японія, ФРГ — спіс можна працягваць…

    Тэорыя і практыка мясцовага каларыту

    У нашай краіне дзеля дасягнення падобнага балансу інтарэсаў зроблена нямала. Але трэба прайсці яшчэ доўгі шлях, таму што развіццё кааперацыі буйных і дробных вытворцаў пачыналася з не самых спрыяльных стартавых пазіцый.

    Большасць нашых індустрыяльных гігантаў — савецкая спадчына, а ў СССР лічылася, што“ сур’ёзныя” прадпрыемствы павінны быць па максімуме самадастатковымі. У рынкавых умовах гэта стварае шэраг праблем, але структурная эвалюцыя — працэс марудны, складаны і не заўсёды магчымы.

    Для айчыннага бізнесу прамысловая вытворчасць доўгі час была далёка не самым выгадным і адначасова досыць рызыкоўным кірункам развіцця. І супрацоўніцтва з буйнымі вытворцамі гэтую рызыку не надта змяншала.

    У якасці прыкладу можна ўзгадаць лёс некалі добра вядомага асіпаўчанам вытворчага прыватнага прадпрыемства “Кампазіт-комплекс”, якое пэўны час даволі паспяхова развівала вытворчасць кузаўных дэталей аўтамашын са шклапластыку. Вось толькі спроба стаць пастаўшчыком МАЗа скончылася для яго банкруцтвам. Спачатку ўсё было добра, а потым — падчас чарговага экана-мічнага крызісу — “старэйшы” партнёр патрапіў у складаную эканамічную сітуацыю і не меў магчымасці своечасова разлічыцца з “Кампазітам” за прадукцыю, у выпуск якой невялікая фірма ўклала ўсе свае грошы…

    Аднак памылкі карысныя тым, што на іх можна вучыцца. Развіццё прыватнай вытворчасці падтрымліваецца на дзяржаўным узроўні, падцягнуўся да сучасных стандартаў яе тэхнічны і тэхналагічны патэнцыял. Гэта дазваляе малым і сярэднім прадпрыемствам больш поўна карыстацца сваёй галоўнай перавагай — здольнасцю імгненна рэагаваць на самыя нечаканыя перамены ў патрабаваннях рынку.

    Пандэмія каранавіруса дала дадатковы імпульс развіццю дзелавых сувязей паміж буйнымі і малымі айчыннымі прадпрыемствамі. Скарачэнне дзелавой актыўнасці ў большасці краін свету стварыла складанасці для айчынных заводаў, якія раней карысталіся замежнымі камплектуючымі і запчасткамі. Такім чынам, малы бізнес атрымаў выдатны шанц праявіць сябе ў імпартазамяшчэнні.

    Нюансы рэчаіснасці

    На першы погляд — поўнае супадзенне інтарэсаў. Аднак насамрэч усё не так адназначна. Чаму, разбяромся на прыкладзе ЗАТ “Асіповіцкі завод транспартнага машынабудавання”, якое лічыцца адным з лідараў Магілёўшчыны ў развіцці вытворчай кааперацыі з малым і сярэднім бізнесам.

    Трэба адзначыць, што прадпрыемства з самага пачатку свайго існавання арыентавалася на партнёрскія зносіны і летась супрацоўнічала прыблізна з 20 беларускімі прадпрыемствамі, падчас пандэміі іх колькасць амаль не змянілася.

    Толькі адно прыватнае вытворчае прадпрыемства здолела застацца пастаянным партнёрам АЗТМ. Гэта завод металаканструкцый ТАА “Протос”, які пастаўляе камплектуючыя для зборкі вагонных рам.

    “Цякучка” тут прынцыпова непазбежная, яна задаецца правіламі, па якіх буйныя прадпрыемствы знаходзяць партнёраў-пастаўшчыкоў. Заяўкі на выпуск пэўных вырабаў размяшчаюцца на спецыяльным сайце таварнай біржы, а далей праводзіцца тэндар сярод зацікаўленых выканаўцаў. Той, хто прапаноўвае самы нізкі кошт сваіх паслуг, яго выйграе і атрымлівае заказ. Праблема ў тым, што пераможца не заўсёды можа вытрымаць патрабаванні заказчыка да якасці і кошту вырабаў. Яны ж у АЗТМ максімальна жорсткія — інакш іх вагоны ніхто не будзе купляць.

    Па словах дырэктара АЗТМ Сяргея Кузьміча, адна з гомельскіх фірм даволі доўга па-стаўляла адказныя дэталі для вагонных пнеўмасістэм. Заказы былі настолькі выгаднымі, што дазволілі некалі малому прадпрыемству адчувальна павялічыць вытворчую магутнасць. Аднак з цягам часу стандарты якасці да гэтых вырабаў узраслі і ўзгаданае прадпрыемства па шэрагу пазіцый ужо не здольна ім адпавядаць. Калі АЗТМ атрымаў некалькі рэкламацый з-за праблемных дэталей, было прынята рашэнне наладзіць іх выпуск уласнымі сіламі. Атрымліваецца даражэй, аднак захаванне рэпутацыі мае прынцыповае значэнне.

    Ды і ў плане занятасці ўласнага персаналу ёсць карысць: людзі больш працуюць і больш зарабляюць. У сённяшніх умовах прадпрыемства проста абавязана клапаціцца пра дабрабыт сваіх работнікаў, нават калі дзеля гэтага даводзіцца змяншаць прыбытковасць вытворчасці.

    Реклама

    Последнее

    Госавтоинспекция усилит контроль за дорожным движением!

    С 30 июля по 2 августа в период времени с 17:00 до 20:00 часов сотрудники ГАИ проведут рейдовые мероприятия по отработке аварийно-опасных участков автодорог: -...

    Сегодня Осиповичский райком БРСМ поздравил студотрядовцев с приближающимся праздником

    Традиционно 1 августа отмечается День Белорусских студенческих отрядов. Этот год не стал исключением. Сегодня, в преддверии праздника Осиповичский райком БРСМ поздравил бойцов студотрядов с приближающимся событием и вручил памятные подарки.

    7-8 августа в Мстиславле состоится рыцарский фест

    Любители средневековой культуры дождались новости о проведении рыцарского феста в Мстиславле. Вот программа праздника.

    Партизанская энциклопедия о Федоре Крыловиче

    "...Партизанское движение перерастало в подлинно всенародную борьбу против оккупантов. Мощный подъем народной партизанской войны во второй половине 1942 года выразился не только в массовом пополнении партизанских отрядов за счет местной молодежи и военнослужащих-окруженцев, не только в усилении ударов по коммуникациям и вражеским гарнизонам, но также в росте и укреплении деятельности наших подпольных групп и организаций.

    Фотофакт: В Осиповичах двухэтажка заиграла яркими красками

    Па інфармацыі УКП ЖКГ, такія змены вонкавага выгляду праводзяцца падчас капрамонту будынкаў, калі на тое ёсць архітэктурна-планіровачнае заданне. Сёлета запланавана правесці грунтоўную рэканструкцыю 11 жылых дамоў, з якіх 7 атрымаюць індывідуальную расфарбоўку фасадаў. Праўда, толькі 3 з іх будуць папярэдне патынкаваны.