31.3 C
Осиповичи
Вторник, 22 июня, 2021
Еще

    Осиповичский ЦГЭ контролирует меры профилактики в районе

    Популярное

    #БезCOVID-19

    На кантролі райЦГЭ — меры прафілактыкі

    Ва ўмовах, калі каранавірус ледзь не штодзённа б’е рэкорды па колькасці захварэўшых, ні ў кога не выклікае пытання неабходнасць захавання санітарных і сацыяльных норм. Іх сёння ведае, мабыць, кожны — ад дашкольніка да пенсіянера. Але ж чалавечая псіхалогія такая, што тое, за чым хтосьці сочыць (непасрэдны кіраўнік ці абласное начальства, санітарныя службы або міліцыя), выконваецца больш дасканала. Вось і даводзіцца работнікам раённага цэнтра гігіены і эпідэміялогіі трымаць на пільным кантролі захаванне санітарна-эпідэмічнага рэжыму на прадпрыемствах і ва ўстановах.

    У адным з такіх рэйдаў выпала паўдзельнічаць і карэспандэнту “раёнкі”. У першы дзень медыкі вялі маніторынг выканання супрацьэпідэмічных норм і правіл у магазінах розных форм уласнасці. Спачатку завіталі ў самы вялікі — “Еўраопт” філіял ААТ “Еўрагандаль”. У гандлёвай кропцы ўбачылі інфармацыю для пакупнікоў аб мерах перасцярогі. Перад уваходам у гандлёвую залу жадаючыя могуць   апрацаваць рукі дэзсродкам. Пры падыходзе да кас ёсць разметка для захавання дапушчальнай дыстанцыі. У аддзелах і на касах прадаўцы, як тое і патрабуецца, працуюць у масках і пальчатках. Законапаслухмянымі аказаліся і пакупнікі: яны абаранілі сябе маскамі.

    У магазіне “Парус” ПГУП “Прусакоў” на час наведвання таксама ўсе прафілактычныя меры захоўваліся. Як расказала адна з прадаўцоў, некаторыя пакупнікі абураюцца, што людзей без ахоўнай маскі ў краме не абслугоўваюць. Але ж гандлёвы работнік мае рацыю: ён строга выконвае рашэнне райвыканкама ад 10 лістапада і рэкамендацыі медыкаў.

    Пабывалі работнікі санітарнай службы ў магазінах № 14 ААТ “Гандаль”, “Перекресток” Глускага райста, “Соседи” на вуліцы Сташкевіча, “Міла” на Сумчанкі, 65В, “Три цены”, размешчаным у тым жа будынку, і задаволена адзначылі, што работнікі ўсіх гандлёвых сетак ужо прывыклі да захавання прафілактычных норм і патрабаванняў. Выкарыстоўваюць індывідуальныя сродкі абароны, клапоцяцца пра самаадчуванне сваё і пакупнікоў, рэгулярна вымяраюць тэмпературу, вядуць журналы здароўя, апрацоўваюць усе адкрытыя паверхні  спецыяльнымі сродкамі і раяць пакупнікам захоўваць дыстанцыю.

    Безумоўна, паступалі ў адрас работнікаў магазінаў і заўвагі: дзесьці было рэкамендавана абнавіць разметку, якую крыху стапталі наведвальнікі. У іншым месцы адсутнічаў графік уборкі памяшканняў, а адна прадаўшчыца магазіна № 14 ААТ “Гандаль”, заўважыўшы прадстаўнікоў райЦГЭ, схавала рукі пад прылавак і спешна пачала нацягваць на іх пальчаткі, папярэдне дастаўшы тыя з кішэні. У кожным выпадку былі дадзены канкрэтныя рэкамендацыі. А некаторыя і штрафы атрымалі згодна з артыкулам 16.8 КаАП РБ.

    На другі дзень пабывалі на аўтастанцыі і чыгуначным вакзале. Прыбіральшчыца Алена Кончыц расказала, што яе працоўны дзень доўжыцца 12 гадзін. За гэты час даводзіцца зрабіць уборку і дэзапрацоўку некалькіх дзясяткаў аўтобусаў — перад выездам на маршрут і на канцавых прыпынках. Ёсць сродкі для санітарнай апрацоўкі рук і ў шафёраў. Сочаць яны і за тым, каб пасажыры карысталіся ахоўнымі маскамі. У памяшканні аўтастанцыі таксама рэгулярна праціраюцца крэслы, акенцы касы і даведачнай службы, дзвярныя ручкі. А вось пра дыстанцыю пасажыры павінны памятаць самі.

    У зале чакання вакзала нешматлюдна. Работніцы клінінгавай кампаніі апрацоўвалі ўсе адкрытыя паверхні спецыяльнымі сродкамі. Арашэнню падвяргаліся не толькі крэслы разам з поручнямі, касы, дзверы, але і банкаматы, камеры захоўвання. Як запэўніла прадстаўнік ТДА “Аталіан” Галіна Камейка, дэзынфекцыя памяшкання вакзала праводзіцца ў поўным аб’ёме, дэзсродкамі прыбіральшчыцы забяспечваюцца. Апрацоўцы падвяргаюцца таксама дызель- і электрацягнікі.

    Акрамя грамадскіх месцаў, наведалі жылы сектар. Работнікі УКП ЖКГ апрацоўвалі пад’езды дамоў на вуліцах Кірава і Дзяржынскага. Вольга Крэпская працірала парэнчы лесвіц, дзвярныя ручкі, кнопкі дамафонаў, апрацоўвала дэзсродкам са спецыяльнага балона сцены, паштовыя скрыні.

    Рэйд у чарговы раз пераканаў, што работнікі кожнай арганізацыі прымаюць меры па прадухіленні распаўсюджвання кавіду. Але прафілактыка і ахова людзей — справа не толькі грамадства, але і кожнага асобнага чалавека. У адрозненне ад веснавой хвалі захворвання, зараз асіпаўчане ўсвядомілі рызыку падхапіць каранавірусную інфекцыю, тым больш у акружэнні кожнага не адзін перанёс гэту хваробу. А таму масачны рэжым у грамадскіх і на рабочых месцах у асноўным усюды захоўваецца, бутэлечкі з дэзсродкамі ёсць у большасці жыхароў, а сацыяльнае дыстанцыраванне з нязвыклага словазлучэння даўно перайшло ў актыўны слоўнік землякоў.

    Реклама

    Последнее

    Леса в Осиповичском районе уже горят

    По состоянию на  22.06.2021г. в Осиповичском районе произошло  3 лесных пожара, повредивших древесную растительность на площади около 4 га.

    День всенародной памяти жертв Великой Отечественной войны

    Сегодня исполнилось 80 лет с того момента, когда фашистские войска вероломно вторглись на территорию Советского Союза. День 22 июня вошел в историю как начало Великой Отечественной войны.

    Учащиеся Лапичской СШ 11-13 июня совершили пеший поход по местам, связанным с событиями Великой Отечественной войны

    Учащиеся Лапичской СШ 11-13 июня совершили пеший поход по местам, связанным с событиями Великой Отечественной войны. За три дня школьники прошли 33 километра по северной части Осиповщины и прилегающей территории Пуховичского района.

    РайЦГЭ информирует. О вопросах самоизоляции

    Граждане Республики Беларусь и иностранцы, прибывшие из стран, в которых регистрируются случаи COVID-19 (их перечень размещается на официальном сайте Минздрава), обязаны находиться в самоизоляции в течение 10 календарных дней со дня прибытия и не подлежат последующему пропуску через государственную границу до истечения срока самоизоляции.

    В Осиповичах прошли соревнования по легкой атлетике

    В субботу прошли соревнования по легкой атлетике, стрельбе из пневматической винтовки и гиревому спорту среди организаций, предприятий, агрогородков района, посвященные Году народного единства.