8.9 C
Осиповичи
Понедельник, 26 сентября, 2022
Еще

    Профориентация в Протасевичской школе

    Популярное

    Прафарыентацыя

    Дзе нарадзіліся, там і спатрэбіліся

    Пратасевіцкая сярэдняя школа размяшчаецца ў прыгожай маляўнічай мясціне. Бацькі многіх дзяцей працуюць у ААТ “Асіповічыаграпрамтэхзабеспячэнне”, і вучням добра знаёма праца работнікаў сельскай гаспадаркі. А ўлічваючы тое што дзяржаве патрэбны граматныя спецыялісты для сельгаспрадпрыемстваў, педкалектыў установы адукацыі вырашыў больш грунтоўна знаёміць рабят з адпаведнымі прафесіямі.

    Пра тое, як арганізавалі работу ў дадзеным кірунку, расказвае дырэктар Пратасевіцкай СШ Ганна Валасевіч:

    — У 2018/2019 годзе на базе 10 класа ўтварылі профільную групу прафесійнай накіраванасці для арыентацыі школьнікаў на атрыманне аграрных спецыяльнасцей, у якой на павышаным узроўні сталі вывучаць біялогію і фізіку. Дадаткова вучні асвойвалі факультатыўны курс “Уводзіны ў аграрныя прафесіі”, зацверджаны Міністэрствам адукацыі.

    Былі заключаны дамовы аб сумеснай дзейнасці з Беларускім дзяржаўным аграрным тэхнічным універсітэтам і ААТ “Асіповічыаграпрамтэхзабеспячэнне”. Вялі тлумачальную работу сярод бацькоў і вучняў, абгрунтоўваючы запатрабаванасць і перспектывы працы на зямлі.

    Тэме прафарыентацыі надзялялі шмат увагі на класных гадзінах, вучэбных і факультатыўных занятках. Неабходныя матэрыялы змяшчаліся на інфармацыйных стэндах. На практычныя заняткі запрашалі спецыялістаў гаспадаркі, якія знаёмілі са сваёй работай. А педагогі ў сваю чаргу наведвалі семінары ў аграрным тэхнічным універсітэце і Беларускай дзяржаўнай сельгасакадэміі. Да выпускнікоў нашай школы прыязджалі таксама прадстаўнікі Віцебскай ветэрынарнай акадэміі, Клічаўскага дзяржаўнага аграрнатэхнічнага каледжа. Вучні наведвалі дні адчыненых дзвярэй ва ўстановах адукацыі сельскагаспадарчага профілю.

    У выніку ўсёй праведзенай работы хлопчыкі і дзяўчынкі профільнай групы да канца 11 класа вызначыліся з паступленнем. Усе сталі студэнтамі і навучэнцамі тых устаноў, якія выбралі, і зараз паспяхова навучаюцца па спецыяльнасцях “селекцыя і насенняводства” і “тэхнічнае забеспячэнне працэсаў сельскагаспадарчай вытворчасці”.

    Сваю задачу бачым і ў тым, каб выпускнікі вярнуліся дадому. Гэтаму садзейнічаюць мэтавыя накіраванні ад сельгасгаспадарак.

     Прафарыентацыйная работа ў школе працягваецца. У бягучым навучальным годзе на базе нашай установы адукацыі адчынены ўжо профільны клас аграрнай накіраванасці. Спадзяёмся, што ён таксама спраўдзіць чаканні настаўнікаў і дапаможа вучням выбраць у жыцці правільны шлях.

    Реклама

    Последнее