17.1 C
Осиповичи
Воскресенье, 25 июля, 2021
Еще

    Кожнаму дому — дастойны выгляд!

    Популярное

    На чарговай сесіі раённага Савета дэпутатаў разглядаліся вынікі работы раённай камісіі па абследаванні стану жылых дамоў і скарачэнні пустуючых і старых будынкаў

    Іна Заскевіч.

    i.zaskevich@gzt-akray.by

    За мінулы год было выяўлена 114 дамоў, якія адпавядаюць крытэрыям пустуючых ці старых. За 3 кварталы бягучага года да гэтай колькасці дадаўся яшчэ 21.

    Камісіяй накіроўваліся запыты ў РАУС, РЭС, падатковую інспекцыю, прадстаўніцтва Белдзяржстраху па Асіповіцкім раёне, разлікова-даведачны цэнтр, натарыяльную кантору і іншыя арганізацыі аб прадастаўленні інфармацыі, неабходнай для аднясення жылых дамоў да вышэйназваных катэгорый. На аснове атрыманых звестак выяўляліся домаўладанні, у якіх на працягу апошніх трох гадоў ніхто ні дня не пражываў.

    У адрас уласнікаў летась было адпраўлена 54 прадпісанні аб прывядзенні жытла ў належны выгляд, сёлета — яшчэ 41. 11 уласнікаў прыцягнута да адміністрацыйнай адказнасці ў выглядзе штрафу.

    У сваю чаргу летась 13, а сёлета 9 уласнікаў падалі паведамленні пра намеры выкарыстоўваць пустуючыя дамы для пражывання ў іх.

    На 1 кастрычніка ў рэестры пустуючых знаходзіліся 62 дамы, з іх 32 прызнаны рашэннем суда безгаспадарнымі і перададзены ва ўласнасць раёна або сельсаветаў.

    Летась райвыканкам і сельвыканкамы прынялі рашэнні аб зносе пяці будынкаў і продажы сямі. Знесена 18 дамоў, якія раней былі прызнаны пустуючымі. Вызваленыя землі ўцягнуты ў гаспадарчы зварот.

    За 9 месяцаў бягучага года прыняты рашэнні аб зносе 29 дамоў, 8 з якіх ужо знесена, у адносінах 6 прынята рашэнне аб прадастаўленні зямельных участкаў разам з пабудовамі новым карыстальнікам.

    Акрамя пустуючых, вядзецца рэестр старых дамоў, якія не прыдатныя для карыстання і псуюць выгляд вуліцы. Летась 3 будынкі былі аднесены да гэтай катэгорыі. Уласнікам накіраваны паведамленні аб неабходнасці правядзення рамонтных работ або зносу. Адзін дом быў знесены самім уласнікам.

    Дэпутаты адзначылі, што неабходна актывізаваць работу ў дадзеным напрамку і весці яе сумеснымі сіламі. Важная роля ў выяўленні пустуючых і старых дамоў належыць прадстаўнікам органаў унутраных спраў, якія ўваходзяць у склад камісіі па абследаванні і апрошваюць аб фактычным пражыванні ў дамах уласніка іншых асоб, што могуць валодаць якой-небудзь інфармацыяй, з афармленнем дадзеных апытання. Акрамя таго, у райаддзел звяртаюцца для ўстанаўлення месца фактычнага пражывання ўласнікаў або асоб, якія маюць права карыстання жылым домам. РАУС неабходна актывізаваць работу ў дадзеным напрамку і рыхтаваць усе неабходныя матэрыялы ў больш кароткія тэрміны.

    Ёсць праблема і ў прадастаўленні інфармацыі бюро Бабруйскага філіяла РУП “Магілёўскае агенцтва па дзяржаўнай рэгістрацыі і зямельным кадастры”. А сельвыканкамам неабходна актывізаваць меры па дзяржрэгістрацыі спынення існавання знесеных домаўладанняў.

    Працэдура выключэння безгаспадарных жылых збудаванняў павінна мець сістэмны і комплексны характар, было адзначана на сесіі. Яе мэта: захаванне населеных пунктаў у прывабным выглядзе і максімальнае ўвядзенне ў эксплуатацыю пустуючых зямель.

    Реклама

    Последнее

    Осиповичские медики делятся своим мнением о вакцинации против коронавируса

    В районе идет вакцинация против коронавируса, однако многие земляки еще в раздумьях: делать прививку или нет. Своим мнением и личной историей делится заместитель главного врача по медицинской части УЗ "Осиповичская ЦРБ" Надежда Штельман:

    Осиповчане рассказывают куда охотнее всего ходят за покупками

    Што, дзе і па чым купіў — бадай, адна з самых абмяркоўваемых на аўтобусных прыпынках, у калідорах паліклінікі, на дваровых лаўках, нярэдка і рабочых месцах тэма. Людзі дзеляцца інфармацыяй пра акцыі і зніжкі, наракаюць на дарагавізну, аналізуюць работу асобных гандлёвых кропак. А якія з магазінаў карыстаюцца найбольшай павагай асіпаўчан? Аб гэтым пацікавіліся ў іх.

    Осиповчане Олеся и Андрей Кадаевы знают, как предотвратить ЧС

    Андрея Витальевича коллеги ценят за профессионализм, исполнительность, принципиальность и умение грамотно решать поставленные перед ним задачи. Многие обращаются к нему за советом, и он обязательно делится своим опытом с сослуживцами. Олесю Сергеевну описывают как человека коммуникабельного, креативного, открытого для всего нового, активного и создающего позитивный настрой.

    В Осиповичах прошла отчетно-выборная Конференция РО ОО «БРСМ»

    В среду, 21 июля, состоялась VII отчетно-выборная конференция райорганизации ОО "БРСМ", где молодежь подвела итоги за прошедшую пятилетку и поставила задачи на будущее.