15.2 C
Осиповичи
Четверг, 22 апреля, 2021
Еще

    Жители Дараганово Семён и Анна Бородичи вместе уже полвека

    Популярное

    Асiповiцкi Край
    Асiповiцкi Крайhttp://gzt-akray.by
    Издание существует с 1931 года. Сегодня "Асіповіцкі край" выходит дважды в неделю по вторникам и пятницам. Тираж - около 5 тыс. экземпляров. Приоритетная тема для журналистов "районки" - жизнь Осиповщины: люди, работа предприятий и организаций, массовые мероприятия и многое другое. Оставайтесь с нами!

    Лепшае месца на глобусе — там, дзе ты жывеш

    Дараганава — вёска з багатай гісторыяй. Сям’я Бародзічаў набыла тут трывалы жыццёвы падмурак, а Дараганава ў іх асобах — клапатлівых жыхароў, неабыякавых грамадзян і таленавітых настаўнікаў.

    Юнацтва непаўторная пара

    Ячэйку грамадства Сямён ды Ганна стварылі ў гады вучобы ў Магілёўскім педінстытуце, у апошні дзень студэнцкага жыцця, сумясціўшы выпускны вечар з вяселлем. Зразумела, што свята  атрымалася маладзёжнае — жыццярадаснае, вясёлае — і запомнілася ўсім аднакурснікам і нават выкладчыкам. Альбом з сур’ёзнымі і гарэзлівымі віншаваннямі і зараз захоўваецца ў доме на пачэсным месцы.

    Дарэчы, у іх дружнай студэнцкай кампаніі ўтварылася 4 трывалыя сямейныя пары, кожная з якіх сёлета адзначае залаты юбілей.

    Найбольшае ўражанне ў час вучобы аказалі паездкі па ўсім Савецкім Саюзе на палявыя практыкі для вывучэння розных кліматычных зон, асаблівасцей глебы і г.д. Такія камандзіроўкі не толькі замацоўвалі веды, пашыралі далягляды, але і згуртоўвалі моладзь. І ўжо на працягу паўвека былыя студэнты застаюцца верныя юнацкай дружбе: падтрымліваюць стасункі, а вечар сустрэчы выпускнікоў лічаць адным з галоўных свят.

    Геаграфія з гісторыяй

    Чамусьці здаецца, што нездарма маладая сям’я асталявалася менавіта ў Дараганаве, насуперак размеркаванню, якое прадугледжвала іншыя кірункі.

    Маладая настаўніца геаграфіі Ганна Сцяпанаўна вырасла ў гэтых мясцінах, з дзяцінства чула нямала народных назваў бліжэйшых лясоў, рачулак ды ўрочышчаў, а, атрымаўшы дыплом, стала ўжо на навуковай аснове збіраць мікратапаніміку, напісала навуковую работу па назвах навакольных вёсак. А затым сабрала гісторыю спіртзавода “Каўгарскі”, прааналізавала этапы развіцця яго вытворчасці, расказала пра людзей, што там працавалі.

    Захапіўся гісторыяй краю, дзе разам з жонкай звілі гняздо, і Сямён Дзмітрыевіч. І не толькі вывучаў яго, але і адкрываў для землякоў новыя старонкі. Напрыклад, дзякуючы яму многія даведаліся, што застаўся жывы сведка трагічнай гісторыі дзіцячага санаторыя “Крынкі”, выхаванцаў якога ў красавіку 1942 года расстралялі фашысты. Педагог наладзіў стасункі з Уладзімірам Свярдловым і яго роднымі, пазнаёміў з крывавымі падзеямі вайны сваіх вучняў. Такія моманты часта дзейнічалі больш эфектыўна, чым павучальныя артыкулы ў падручніках. А вучаніца Наталля Лосік гэтай тэме прысвяціла навуковую работу, з якой стала лаўрэатам спецыяльнага фонду Прэзідэнта па падтрымцы адоранай моладзі.

    Наогул, удумлівы настаўнік заўсёды імкнуўся не проста даць вучням неабходныя веды, а дастукацца да іх сэрцайкаў. Можа, таму яму падабалася працаваць з дзецьмі, якіх адносілі да катэгорыі “цяжкіх”. Насуперак агульнаму меркаванню, ніколі не лічыў такіх бесперспектыўнымі. Ад стасункаў з гэтымі рабятамі адчуваў найбольшае задавальненне.

    І ўласных дваіх дзяцей вырасцілі дастойнымі людзьмі. Ім, а таксама чацвярым унукам ёсць чаму павучыцца ў бацькоў.

    Жыццёвая пазіцыя — актыўная

    Працоўны шлях сям’і педагогаў праходзіў не толькі ў Дараганаўскай сярэдняй, але і суседніх школах раёна. Выкладалі і кіравалі, вывучалі і абагульнялі, вучыліся самі і запальвалі агеньчык цікавасці ў іншых. І калі пасля закрыцця Радуціцкай школы, якую Сямён Дзмітрыевіч узначальваў два дзясяткі гадоў, яму прапанавалі стаць кіраўніком школьнага комплексна-краязнаўчага музея, з трапятаннем аднёсся да новай справы. Аддаючы даніну павагі папярэдніку Зінаідзе Верашчацы, таксама нямала зрабіў, каб установа гісторыі набыла сучаснае аблічча і тое багацце фондаў, якім сёння можа па праву ганарыцца.

    Наогул работа сельскага педагога мае сваю спецыфіку. Гараджанам часта здаецца, што ў вясковай школе лягчэй працаваць, маўляў, класы малыя, няма той напругі і тэмпу, што ў горадзе. А між тым, і адораных, ці, як цяпер кажуць, матываваных вучняў не так многа, як у шматнаселенай школе.

    Затое ж педагог у такой установе ператвараецца ва ўніверсала: даводзіцца весці розныя прадметы, асвойваць іншыя дысцыпліны. Яшчэ адна асаблівасць — у вёсцы настаўнік заўсёды на віду, ён дарадчык і прыклад іншым. Муж і жонка Бародзічы — толькі пацвярджэнне таму. Заўсёды хварэюць душой за роднае Дараганава. І неабыякавыя да яго лёсу. Таму хвалюе іх усё: назвы вуліц роднага паселішча і развіццё яго інфраструктуры, захаванне добрай памяці гістарычных асоб і лёс шматпакутнай беларускай мовы… Газета “Асіповіцкі край” на працягу 50 гадоў — іх надзейны сябар, нямала артыкулаў і допісаў Сямён Дзмітрыевіч даслаў у рэдакцыю. У іх — перажыванні і клопат, надзея і любоў. І абавязкова — слушныя прапановы, у якіх адчуваецца гаспадарчы падыход да справы.

    У кожным пакоі дома Бародзічаў месцяцца геаграфічныя карты. Свайго раёна, краіны, свету. І нават малодшы з сям’і — пяцігадовы ўнучак Сцяпан — дакладна знаходзіць на іх Сінявокую Беларусь і слаўную вёску Дараганава, якая для бабулі і дзядулі — найлепшая кропка на планеце.

    Іна Заскевіч.

    i.zaskevich@gzt-akray.by

    Реклама

    Последнее

    Генеральной прокуратурой Республики Беларусь расследуется уголовное дело по факту геноцида населения Беларуси в годы Великой Отечественной войны и послевоенный период

    Полученные материалы и доказательства будут являться данью памяти погибшим и способствовать укреплению принципов единства нации, социальной справедливости, солидарности, нравственности и патриотизма.

    С 21 по 23 апреля в Осиповичском районе проводится специальный комплекс мероприятий «Пассажир»

    В целях обеспечения общественного порядка, личной и имущественной безопасности граждан в поездах региональных линий, на железнодорожных станциях и остановочных пунктах на территории Осиповичского ОВДТ...

    Льготы ликвидаторам последствий аварии на ЧАЭС

    Социальная защита прав и интересов граждан, пострадавших от катастрофы на Чернобыльской АЭС, осуществляется в соответствии с Законом Республики Беларусь от 06.01.2009 г. № 9-3 "О социальной защите граждан, пострадавших от катастрофы на Чернобыльской АЭС, других радиационных аварий".

    Каникулы с осиповичским районным центром творчества детей и молодежи

    Каникулы совмещают в себе активный отдых, мастер-классы, прогулки на природе и сбалансированное питание. Быстрая сменяемость действий и разнообразная программа не дадут детям заскучать и оторвут от телефона. Такой отдых понравится и ребятам, и их родителям.

    В Осиповичах началась поисковая экспедиция

    20 апреля в лесном массиве около деревни Прудок военнослужащие 52-го отдельного поискового специализированного батальона  совместно с волонтерами Могилевского областного историко-патриотического поискового клуба «Виккру» приступили к поиску неучтенных захоронений бойцов 32-й кавалерийской дивизии, погибших в августе 1941 года  —  во время рейда кавалерийской группы полковника Александра Бацкалевича по тыловым районам наступающих на Москву немецких войск.